Agaasime Ku-xigeenka Hay’adda Socdaalka iyo Jinsiyadda Soomaaliya Kornayl Cabdifitaax Ibraahim Shaaweeye oo uu kormeerkiisa shaqo ku wehliyey Agaasimaha Waaxda Ajaanibta ee Hay’adda mudane Cabdiraxmaan Caadle, ayaa waxaa Safaaradda si diiran ugu soo dhaweeyay mas’uuliyiin ay ka mid ahaayeen ku-simaha Safiirka Soomaaliya ee Nairobi mudane Cumar Xuseen Cali  iyo Madaxa xaafiiska Hay’adda Socdaalka iyo Jinsiyadda ee Safaaradda mudane Xasan Nuur Xasan,  kuwaas oo uga warbixiyey xaaladihii ay Safaaraddu soo martay muddadii ay xirneyd iyo marka hadda dib loo furay howlaha shaqo ee horyaalla.

Agaasime Ku-xigeenka Hay’adda Socdaalka iyo Jinsiyadda Soomaaliya ayaa Saraakiisha Hey’adda Socdaalka ee  ka howlgasha xaafiiska bixinta baasaboorka ee Safaaradda kula dardaarmay iney si hufan ugu adeegaan muwaadiniinta Soomaaliyeed ee baahida weyn u qaba adeegga Hey’addu bixiso, isla markaana ay u diyaar garoobaan sidii loo daboooli lahaa culeysyada faraha badan ee horyaalla xaafiiska bixinta baasaboorada ee Safaaradda.

Guddoomiyaha Guddiga Hirgelinta Doorashada Heer Federaal Mudane Maxamed Xasan Maxamed Cirro ayaa bogaadiyay sida wanaagsan ee maanta ku qabsoontay doorashada Golaha Aqalka Sare oo ka dhacday magaalada Kismaayo ee xarunta Gobolka Jubbada Hoose.

Guddoomiye Maxamed Xasan ayaa Alle ka baryay in ay guul ugu soo dhamaato inta ka dhiman doorashooyinka, isagoo xusay in culeys weyn uu ka degay dhamaan guddiyada maadaama la doortay Xubnihii Aqalka Sare ee ugu horeeyay.

“Waxaan u mahad celinayaa Alle, waxaan dareemayaa in culays weyn uu ka degey Wadankayga, dadkayga iyo guddiyada doorashada markii maanta la doortay xubnihii Aqalka Sare ee ugu horeeyey, waxaan bogaadinayaa dadka wanaagsan ee meeshay wax marayaan soo gaarsiiyey, inta inoo hartay guul iyo wanaag ayaan Alle uga baryi.” Ayuu yiri Guddoomiye Cirro.

Guddoomiyaha Gobolka Banaadir ahna Duqa Magaalada Muqdisho Mudane Cumar Maxamud Maxamed (Cumar Filish) ayaa kormeeray dhismaha waddada isku xirta Muqdisho iyo Jowhar oo Meel Wanaagsan Mareyso.

Ujeedka kormeerkan ayaa ahaa mid uu Guddoomiye Cumar Filish ugu kuurgalayay sida ay u socoto dib u dhiska waddadaas oo ah mid ay baahi weyn u qabeen Bulshada labada gobol Maadaama isticmaal keeda dhibaatooyin kala duwan lagu qabay.

Guddoomiyaha gobolka Shabeellada Dhaxe Axmed Meyre Makaraan iyo Guddoomiyaha Degmada Balcad ayaa deegaanka Caliyaale kusoo dhaweeyay kolanyada Duqa Magaalada Muqdisho, waxa ayna si wadajir ah warbixin uga dhageesteen howl-wadeenada ku howlan dib-u-dhiska lagu sameynayo Waddada isku xirta Muqdisho iyo Jowhar.

Kormeerkaasi kadib ayaa Guddoomiyaha Gobolka Banaadir ahna Duqa Magaalada Muqdisho ayaa xariga ka jaray xarun Caafimaad oo laga hirgaliyay Deegaanka Jamaal, kaas oo loogu talagalay in lagu daweeyo Hooyo iyo dhalaanka.

Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed Lafta gareen ayaa Xarunta Madaxtooyada Magaalada Baydhabo ku qaabilay Falastiin Xasan Ibraahim oo ah Gabadhii gashay kaalinta Seddexaad ee Imtixaanka Shahaadiga Sanad Dugsiyeedka 2020-2021.                                                                                            Madaxweynaha ayaa Falastiin u balan qaaday inuu u diraayo Jaamacad Dalka Dibaddiisa ah

Wejigii koowaad ee doorashada kuraasta aqalka sare Soomaliya oo maanta ka qabsoomtay maamul goboleedka jubaland ayaa goor dhowed soo gabo gabowday, Gudoomiyaha Baarlamaanka Jubaland mudane, Cabdi Maxamed Cabdiraxmaan ayaa ku dhawaaqay natiijada afarta Senator ee maannta doorashooda la qabtay kuwaas oo ay ku guulaysteen.

1 :Senator Iftin Xasan Baasto

2: Senator Ilyaas Baddal Gaboose

3: Senator Cabdullahi Shiikh Cismaancil Fartaag

4: Senator Cabdirisaaq maxamed Cusmaan

Kuraasta maanta doorashadooda la qabtay ayaanay haba yaraatee ka muuqan qoondadii Haweenka,Xaliimo jaamac maxamed oo ahayd Haweeyneyda Kaliya ee Ka qeybgashay Tartanka ayaa Heshay 12 Cod iyada oo uu ka Guuleestay Sanater Cabdirisaaq maxamed Cismaan

Doorashada qaar kamid ah kuraasta mudaneyaasha aqalka sare ee Baarlamaanka FDS ayaa goor dhaw ka bilaaban doonta xarunta shirarka Daawad ee magaalada Kismaayo.

Qudbadaha musharaxiinta ayaa socda iyadoo hadaljeedinta mudanayaasha ka dib la guda geli doono doorashada afar kursi oo ka mid ah kuraasta aqalka sare ee deegaan doorashadoodu tahay Jubbaland, waxa sidoo kale goobta ku sugan musharaxiinta ku tartamaysa kuraasta.