Guddoomiye ku-xigeenka Guddiga Xalinta Khillaafaadka Doorashooyinka Soomaaliya, Mohamed ibraahim Barre iyo wafti uu hoggaaminayo ayaa saaka ku wajahan Dowlad gobolleedka Galmudug.
Xubnahan Guddiga Xalinta khillaafaadka Doorashooyinka ee ku wajahan Galmudug oo ka kooban 7-xubnood ayaa goobjoog u noqon doona Doorashada Aqalka sare ee ka dhaceysa magaalada Dhuusamareeb.
Madaxweynaha Dowlad Goboleedka Koonfur Galbeed Cabdicasiis Xasan Maxamed Laftagareen ayaa xil ka qaadis ku sameyey Xubno ka tirsan Gollaha Wasiirada halka kuwo kalena isku shaandheyn lagu Sameyey.
Wareegto kasoo baxday Xafiiska Madaxweyne laftagareen ayaa waxaa xilalkiii looga qaaday Wasiirada kala ah Garsoorka & Cadaaladda Maxamed Xuseen Xasan (Joon) Warfaafinta Ilyaas Cali Qalinle.
Madaxweynaha Koonfur Galbeed ayaa xilka Wasiirka Garsoorka & Cadaaladda waxaa uu u Magacaabay Xasan ibraahim Xasan (Lugbuur) Warfaafinta waxaa loo Magacaabay Ilyaas Cali Nuurhalka wasiirka howlaha Guud loo Magacaabay Maxamed Cali Xasan.
Ra’iisul Wasaaraha Xukumadda Federaalka Soomaaliya Mudane Maxamed Xuseen Rooble ayaa qaabilay Guddiga Xaqiijinta Qoondada haweenka ee Baarlamaanka federaalka Soomaaliya.
Ra’iisul Wasaaraha ayaa Guddiga ka dhageystay warbixin ku aaddan howlaha u qabsoomay, isagoo ku boorriyay in ay sii dardar galiyaan dadaalkooda ku aaddan xaqiijinta matalaadda haweenka ee labada aqal ee Baarlamaanka.
Xubnaha Guddiga ayaa sidookale Ra’iisul Wasaaraha u gudbiyay hadii ay jiraan cabasho la xiriirta in haweenka ay helaan qoondada ay ku leeyihiin Baarlamaanka labada Aqal.
Wasaaradda Shaqada iyo Arrimaha Bulshada Xukuumadda Federaalka Soomaaliya , waxay ku wargelinaysaa dhammaan Shaqaalaha Hay’adaha Dawladda iyo kuwa gaarka ah inay fasax yihiin maalinta Isniinta 9 bisha August 2021, oo ku aaddan bilowga sannadka cusub ee Hijriga 1443.
Agaasimaha Guud ee Wasaaradda Shaqada iyo Arrimaha Bulshada, Mudane Cabdullaahi Maxamed Cali oo hambalyo u diraya dhammaan Shaqaale-waynaha Soomaaliyeed , ayaa u rajeeyay inay camal wanaagsan uga faa’iideystaan maalintaa muhiimada u leh muslimiinta.
Wasaaradda Arrimaha Gudaha Federaalka iyo dib u heshisiinta ee XFS ayaa Daahfurtay Kulanka Wadatashiga Diyaarinta Istaraatiijiyada Xiriirka ee Qorshaha Hanaanka Dhab u Heshisiinta Qaran.
Kulankan oo socon doono mudo labo Maalmood ah uuna daahfuray Agaasimaha guud ee Wasaaradda Arrimaha Gudaha Federaalka iyo dib u heshisiinta ee XFS Mud. Saciid Cabdullahi Calasow.
Waxaana kasoo qayb galay Xubno ka socda Dowlad Goboleedyada Gobolka Banaadir iyo Ururada Bulshada Rayidka.
Ujeedkan Kulankaan ayaa ahaa sidii loo helo lahaa istaraatiijiyada Xiriirka ee Qorshaha Hanaanka Dhab u Heshisiinta Qaran.
Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa xafiiskiisa ku qaabilay Wasiirka Arimaha Dibadda ee dalka Kenya Raychelle Omamo,taas oo ay ka wada hadleen sare u qaadidda iyo xoojinta xiriirka diblomaasiyadeed ee u dhaxeeya labada dal ee dariska ah ee Soomaaliya iyo Kenya.
Ra’iisul Wasaare Rooble ayaa Wasiirka Arrimaha Dibadda Kenya ka guddoomay casuumad rasmi ah oo uu ka helay madaxweynaha dalka Kenya Uhuru Kenyata.
Labada Dal ee Kenya iyo Soomaaliya waa laba dal oo deris oo ay ka dhexeeyaan dano badan sida diblomaasiyadda,amniga iyo arrimaha dhaqaalaha.
Xukuumadda Soomaaliya waxa ay adkeyneysaa in dacwada muranka badda ee u dhaxeeya Soomaaliya iyo Kenya go’aankeeda laga sugayo Maxkamadda Caalamiga ee Caddaalada.
Wasiirka wasaaradda arrimaha dibedda kenya Raychelle Omamo, ayaa soo gaartay caasimadda Soomaliya ee muqdisho wasiirada ayaa waxa garoonka diyaaradaha Aadan Cadde kusoo dhoweeyey dhigeeda arrimaha dibedda Soomaaliya mudane Maxamed Cabdirisaaq.
Wasiiradda arrimaha dibedda Kenya ayaa inta ay booqashada ku joogto Soomaliya kulan la qaadan doonta wasiirka arrimaha dibedda Soomaliya iyagoo ka wada hadli doonaa xoojinta xiriirka iskaashiga labada dal iyo arrimaha la dagaalanka Argagixisadda.
Dowladda Faransiiska ayaa Soomaliya ugu deeqday 108,000. Oo ah talaalka Oxford/AstraZenece ee looga hor tago caabuqa Covid19,talaalkan oo maanta soo gaaray Caasimadda Soomaliya ee Muqdisho ayey Dowladda Faransiisku soo marisay xarunta “ COVAX,UNICEF,CEPI iyo Gavi”.
Safiirka Dowladda Faransiiska u fadhiya Soomaaliya mudane Kuster- Menager ayaa yiri “Dowladda Faransiiska, Midawga Yurub iyo xarunta iskaashiga ee COVAX waxay diyaar u yihiin in ay gacan wayn ka gaystaan sidii loo xoojin lahaa dadaallada kor uqaadida helida tallaalka Soomaaliya, si hawl-wadeenada safka hore kaga jira la dagaalanka caabuqa Covid-19 uga badbaadaan iyo dhamaan shacabka soomaaliyeed“
Wasiirka wasaaradda caafimaadka Soomaliya Dr fawziya Abiikar Nuur ayaa sheegtay in imaatinka tallaalkani kusoo aaday xili uu sii kordhayo wejiga saddexaad ee xaalada fiditaanka Covid19 iyadoo xustay in sida quree looga hor tegi karaa tahay dadweynuhu inay qaataal tallaaalka,wasiirka ayaa xustay in Illaa iyo hadda, tiro lagu qiyaasay 186,094 qof oo ku nool Soomaaliya ayaa qaatay talaalkoodii kowaad halka 92,792 ay qaateen talaalkoodii labaad.
Wasiirka Caafimaadka Soomaliya ayaa ugu dambayn uga mahadcelisay Dowladda faransiska deeqdan caafiimaad ee ay soo gaarsiisay Soomaliya
Bas rakaab ah ayaa ku rogmaday galbeedka Turkiga subaxnimadii hore ee Axadda, waxaana ku dhintay ugu yaraan 14 halka 18 kalana ay ku dhaawacmeen, sida ay sheegeen kooxaha gurmadka degdegga ah.
Baska ayaa ka baxay xadka la koontarooli karo wuxuuna ku rogmaday wadada weyn ee “Balikesir” isagoo kusii jeeday Edremit oo ku taal galbeedka gobolka Balikesir, rakaabkii ku dhwaacmay ayaa loo qaaday cisbitaalada ku dhow goobta shilku ka dhacay.
Shilalka gaadiidka ayaa galaaftay boqolaal qof sanad walba guud ahaan dalka Turkiga iyadoo Guud ahaan dalka, 4,866 qof ayaa ku dhintay shilalka gaadiidka sannadkii hore halka 226,266 qof oo kale ay soo gaareen dhaawacyo, sida laga soo xigtay tirooyinka Machadka Tirakoobka Turkiga (TurkStat). Saddex meelood oo meel shilalka ayaa ka yimaada darawalada oo ka sarreeya xadka xawaaraha. Dawladdu waxay raadineysaa inay yareyso tirada shilalka iyadoo leh dhowr tallaabo.
Wasiirka wasaaradda arrimaha dibedda kenya Raychelle Omamo, ayaa soo gaartay caasimadda Soomaliya ee muqdisho wasiirada ayaa waxa garoonka diyaaradaha Aadan Cadde kusoo dhoweeyey dhigeeda arrimaha dibedda Soomaaliya mudane Maxamed Cabdirisaaq.
Wasiiradda arrimaha dibedda Kenya ayaa inta ay booqashada ku joogto Soomaliya kulan la qaadan doonta wasiirka arrimaha dibedda Soomaliya iyagoo ka wada hadli doonaa xoojinta xiriirka iskaashiga labada dal iyo arrimaha la dagaalanka Argagixisadda.
