Wasiir ku-xigeenka Caafimaadka xukuumada Federaalka Soomaaliya Dr. Axmed xuseen macalin  oo shalay gaarey Magaaladda Dhuusamareeb ee Xarunta Galmudug ayaa maanta kormeer indho-indheyn ah ku gaarey isbitaalada Dhuusamareeb, sida isbitaalka guud ee Gobolka iyo Xanaano hospital oo labaduba ka mid ah xarumaha ugu adeeg bixinta badan ee bukaanada qaabila.

Kormeerkaan oo wasiir ku-xiggeenka ay ku wehliyeen, Wasiirka Caafimaadka Galmudug Dr. Cabdiwali Cabdulaahi Jaamac, la-taliyaha arrimaha bulshada ee Xafiiska Madaxwaynaha JFS Mudane Cali Faarax Seeraar, Agaaaimaha Guud ee Wasaaradda Caafimaadka Galmudug iyo mas’uuliyiin kale ayaa ku qotomey ogaanshaha adeegyada ay bixiyaan xarumahaan, baahiyaha u baahan wax ka qabashada ee kajira qaybaha kala duwan ee isbitaaladaan iyo in la wadaago talooyinka la xiriira siddii loo horumarin lahaa adeega aas-aasiga ah ee caafimaadka Deegaanada Galmudug.

Maamulada isbitaaladaan iyo bukaanada ayey wasiir kuxigeenka iyo madaxda wehlisey ka dhageysteen kaalmada looga fadhiyo dowlada federaalka, si loo helo adeeg caafimaad oo tayeysan, kaasi oo kala gaara guud ahaanba deegaanada Galmudug.

Dr. Axmed xuseen macalin, wasiir ku-xigeenka Caafimaadka xukuumada Federaalka Soomaaliya oo kormeerkaan kadib warbaahinta la hadley ayaa boggaadiyey dadaalka muuqda ee ka jira xarumahaan caafimaad, isaggoo xusey in uu usii gudbayo degmooyinka kale oo ay si mideysan uga soo uruurin doonaan macluumaad la xiriira hormarinta adeega aas-aasiga ah ee caafimaadka Deegaanada Galmudug.

Waxaan bogaadinayaa dhamaan madaxdii Soomaaliyeed ee baadi-goobka u galay isu-tanaasul iyo sidii loo gaari lahaa heshiis wadar-oggol ah isla markaana ka shaqeeyay sidii xaalada loo dejin lahaa iyadoo loo daneynayo qaranka iyo dadka Soomaaliyeed.

Kooxda Qaramada Midoobay waxay xafiiska Ra’iisul Wasaaraha ka taageerayaan qaban qaabada shir-madaxeedkan, waxayna si weyn uga mahad celinayaan kaalmada deeq-bixiyeyaasha muhiimka ah ee ku aaddan arrintan. Waxaan si dhow u wada shaqeynaa Midowga Afrika,Midowga Yurub, Urur-Goboleedka IGAD, iyo saaxiibada kale oo aan kawada shaqayno dadaalada diblomaasiyadeed.

Si loo guda-galo doorashooyinka waxaa muhiim ah in la dhaqan-geliyo qoondada haweenku ku leeyihiin matalaadda labada Aqal ee Baarlamaanka Federaalka la na dardar geliyo Ka qayb-gelinta haweenka, dhalinyarada iyo kooxaha laga tirada badan yahay oo laga qayb-geliyo go’aan qaadashada siyaasadeed ee horay loogu soconayo si loo xaqiijinta horumarka dalka iyo nabad waarta oo ka hana-qaadda Soomaaliya.

Waxaan mar kale ku boorinayaa madaxda Soomaaliyeed inay si niyad wanaag leh u raadiyaan xalka, isla markaana muujiyaan hogaaminta dalku uga baahan yahay iyaga xilligan taariikhiga ah si gaar ah Saxiixayaasha heshiiskii 17kii Sebtember waa inay hadda la yimaadaan waddo cad oo horay loogu socdo si loo qabto doorashooyinka

Alle ha u naxariistee Abwaan Sooraan oo ka mid ahaa jilayaasha caanka ah ee Soomaaliyeed ayaa maanta ku geeriyooday magaalada Burco.

Wasiirka Warfaafinta XFS Cismaan Obokor Dubbe ayaa ka tacsiyadeeyay geerida marxuumka.

“Ilaahay ha u naxariisto waxa goor dhoweyd Magaalada Burco ku geeriyooday fannaankii, hal abuurkii iyo jilaagii hal-doorka ahaa ee Sooraan Ismaaciil Sugulle. Waxan ka tacsidaynaa ehelkiisii, qaraabadii iyo bahda fanka Soomaaliyeed oo uu muddo dheer ka tirsanaa. ilaahay ha u naxariisto Sooraan” ayuu yiri wasiir Dubbe.

Madaxweynaha maamul goboleedka Galmudug mudane Axmed Cabdi Kaariye ayaa maanta Muqdishu kula kulmay Danjiraha Midowga Yurub u fadhiya Soomaaliya

labada masuul ayaa iska xog wareystay qorshaha horumarineed ee Galmudug iyo sidii Midowga Yurub usii balaarin lahaayeen mashaariicda ay ka wadaan.

Danjiraha ayaa ugu danbeyntii balan qaaday in ay taageeri doonaan Hay’adaha Dowladda Galmudug isagoo dhinaca kale sheegay in ay dhawaan fulin doonaan mashaariic dib u dhis loogu sameynayo Kaabayaasha dhaqaale.

Ciidanka Xoogga Dalka ayaa howlgallo qorshaysan ka wada Degaano katirsan Gobolka Shabeelaha dhexe, Howlgalka oo uu hogaaminayo Taliyaha Ciidanka Xoogga Dalka Jeneraal Odawaa Yuusuf Raage, ayaa Ciidanka Xooggu waxay ka fuliyeen Degaanada War-dhagax, war-ciise, Gaal leef, Qoor dheere, Jilable iyo Cali Fooldheere, oo dhamaantood ka tirsanGobolka Shabeelaha dhexe,  kuwaasi oo ay si dhuumaalaysi ah ku joogeen Maleeshiyaad ka tirsan argagixisada Al-Shabaab.

Afhayeenka Ciidanka Xoogga Dalka Gaashaanle Sare Cali Xaashi, ayaa Warbaahinta qaranka u sheegay in maleeshiyaadkii ku dhuumaalaysanayay  deegaanadaas ay isaga carareen wuxuu na intaas ku daray inuu jiro qasaare xoogan oo Ciidanka Xooggu gaarsiiyay argagixisadii ku dhuumalaysanayay deeganadaas.

Sidoo kale Afhayeenku waxaa uu hadalkiisa ku daray in Ciidamada ay weli howlgalka sii wadaan, isla markaana la filayo inay degaano hor leh oo ka tirsan Gobolka Shabeellaha Dhexe kala wareegaan Al-Shabaab.

Shirka Golaha Wadatashiga Qaran ee arrimaha Doorashooyinka oo uu shir guddoominayo Ra’iisul wasaaraha Xukuumadda Federaalka Soomaaliya Wasaare Mudane Maxamed Xuseen Rooble, ayaa galay maalintiisi afraad, waxaana laga gaaray natiijo wanaagsan, iyadoo lagu wado in shirka la soo xiro maalinta Khamiista ah ee soo aadan.

Shirka oo ka sii wanaagsanaanayey maalinba maalinta ka dambeeyey ayaa waxaa horumarro laga sameeyay qodobbadii laga wadahadlayay ee khuseeyay doorashooyinka dalka.

Af-hayeenka Xukuumadda Mudane Maxamed Ibraahim Macallimuu, oo warbaahinta la hadlay ayaa ka warbixiyey shirka wadatashiga Qaran ee Arrimaha Doorashooyinka oo galay maalintii afraad, waxaana uu sheegay in madaxda dowlad goboleedyada dalka iyo guddoomiya gobolka Banaadir ay muujiyeen biseyl sida ay u doonayaan in heshiis laga gaaro arrimaha doorashooyinka. Hadda waxaa heer gabogabo ah maraya dhameystirka qodobada ka soo bixi doona heshiiska la filaayo shirka laga gaaro.

“Ra’iisul wasaaraha oo had iyo jeer xudun u ahaa wadahadaladana waxaa uu ahaa qofka habeen iyo maalin ka shaqaynayey in shirku uu guuleysto” ayuu yiri Af-hayeenka Xukuumadda Mudane Maxamed Ibraahim Macallimuu.