Agaasimaha guud ee wasaaradda warfaafinta XFS Cabdullaahi Xayir Ducaale ayaa tacsi u diray guddoomiye ku xigeenka 2aad ee golaha aqalka sare senator Cabdulaahi Cali Xirsi timacadde oo hooyadii Hodan Aw-Daahir Af-qarashe ay ku geeriyootay magaalada Hargeysa.

Agaasimaha guud ,waxa uu Marxuumadda ilaah uga baryay in uu janadii fardowsa ka waraabiyo, eheladii ay ka tagtayna ,waxa uu faray samir iyo iimaan .

Sidoo kale,agaasimaha guud,waxa uu tacsi u diray qoyska  Reer Daahir Afqarshe ee ay ka dhimatay Hodan Aw-Daahir Af-qarashe .

Madaxweynaha Dowlad Goboleedka Jubbaland Mudane Axmed Maxamed Islaam ayaa maanta shir guddoomiyay shirka golaha Wasiirada maamulkaas oo lagaga hadlay qodobo kala duwan.

Ugu horay Madaxweynaha ayaa golaha la wadaagay natiijada iyo habka loo maray imtaxaanka agaasimayaasha guud ee qaar kamid ah wasaaradaha Dowlad Goboleedka ee dhawaan la qaaday isagoo tilmaamay in sababta shirkad ajinabi ah loogu doortay qaadista imtaxaanka tahay sidii looga fogaan lahaa eex iyo nin jeclaysi isla markana hogaaminta Cusub ee wasaaradahu ay u noqon lahayeen kuwo aqoon ahaan iyo karti ahaanba kasoo bixi kara waajibaadka saaran.

Madaxweynaha ayaa sidoo kale ka hadlay shaqo abuurka dhalinyarada isagoo xusay in la joogtayn doono isla markana ahmiyad gaar ah la siin doono shaqo abuurka dhalinyarada si ayna ugu dhicin falal danbiyeedyo loogana faa’iidaysanin waxyaabo naftooda khatar ku ah sida tahriibka.

Dhinaca kale Wasaaradda amniga ayaa laga dhagaystay warbixinta amniga Jubbaland ee todobaadkii tagay iyadoo Wasaaraddu ay ka warbixisay shaqooyinka u danbeeyay ee Wasaaradda iyo hay’adaha amniga ay qabteen.

Sidoo kale Wasaarada maaliyada ayaa ka warbixisay qorshaha Wasaarada ee sanadka 2022/2023 ee hormarinta dakhliga guud ee Jubaland iyadoo la raacayo tijaabooyinkii u danbeeyay iyo khibradaha laga dhaxlay.

Ra’iisul Wasaaraha Xukuumadda Federaalka Soomaaliya Mudane Xamse Cabdii Barre ayaa Farxaan Jimcaale 3 dii bishaan u magacaabay Agaasimaha Warfaafinta iyo Xiriirka Dadweynaha, ee xafiiskiisa.

Madasha xil wareejinta waxaa goobjoog ka ahaa Xoghayaha Joogtada ah ee Xafiiska RW Mudane Maxamed Abuukar Subeer iyo Howl Wadeennada Xafiiska Warbaahinta.

Guddoomiyaha Gobolka Banaadir ahna Duqa Magaalada Muqdisho Mudane Cumar Maxamud Maxamed (Cumar Filish) ayaa booqday qaar kamid Wadooyinka Caasimadda oo uu biyaha dhigay Roobkii da’ay 24-kii saac ee ugu dambeeyay.

Duqa magaalada Muqdisho ayaa goobihii uu booqday waxaa ka socotay shaqa balaaran oo ay howl wadeenada Dowlada Hoose Ee Xamar biyaha uga saarayeen Wadooyinka Muqdisho si Shacabka loogu fududeeyo  isku socodka gaadiidka iyo bulshada.

Goobaha uu kormeeray Gudoomiyaha waxaa kamid ahaa.

1- Wadada hormarta dugsiga tababarka Ciidanka boliiska Soomaaliyeed ee School Police.

2-wadada 21-October

3-Warta KM-4 ee degmada Waabari

4- Waddada Buula Xubeey ee degmada Wadajir

Gudoomiye Cumar Filish ayaa maamullada degmooyinka gobolka Banaadir  faray in olola xooggan oo nadaafadda iyo bilicda lagu soo celinayo laga qabto Wadooyinka Caasimadda, waxa uu sidoo kale ugu baaqay bulshada in ay garab istaagaan howl wadeenada Dowlada hoose Xamar.

Wasaaradda Gargaarka iyo Maareeynta Musiibooyinka XFS ayaa maanta gargaar ah raashin ah u dirtay magaaladda Buula-burde ee gobolka Hiiraan.

Diyaarad sida gargaarkaan ayaa saakay ka duushay garoonka diyaaradaha ee magaaladda Muqdisho, ayada oo ay goob joog ka ahaayeen xildhibaano ka tirsan golaha shacabka ee deegaan doorashoodu tahay gobolka Hiiraan oo uu ka mid yahay, wasiirkii hore ee amniga xildhibaan Cabdirisaaq Cumar Maxamed, Xildhibaan Maxamed Cabduqaadir iyo xildhibaan Cabdinaasir Shirwac.

Wasiirka gargaarka iyo Maareynta Musiibooyinka XFS Khadiija Maxamed Diiriye ayaa sheegtay in gargaarkaan loogu talagalay dadka ay saameeyeen abaaraha ka jira gobolka hiiraan

Ururka 83-aad, guutada 14October ee Xoogga dalka ayaa deegaanka Janaale Xalay jab xooggan ku gaarsiiyay kooxda Argagixisada ah ee Al-shabaab oo isku dayday in ay soo weerarto deegaanka.

Meydka dhagarqabe qeyb ka ah kuwa badan oo Caawa ku jabay Janaale ayay saraakiisha Xoogga ee deegaankaas soo bandhigeen, waxaa weli meelaha howdka ah ka socda baaritaano la xiriira hadii ay jiraan meydad iyo dhaawacyo Argagixisada ah maadaama Cadawga uu la kulmay khasaare xooggan.

Xogta Argagixisada oo la sii ogaa ayaa suuragalisay inay Geesiyaasha Xoogga ka hortagaan damaca Nabad-diidka oo sidoo kale Meydad iyo dhaawacyo badan oo Janaale ku jabay Caawa geeyay deegaanka Mushaani sida uu SNA RADIO u xaqiijiyay taliyaha ururka 83-aad ee October Gaashaanle Nuuradiin Xuseen.