Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble aya shir guddoomiyay shirka toddobaadlaha ah ee Golaha Wasiirrada Xukumadda Faderaalka Soomaaliya oo ku qabsoomay habka fogaan aragga.

Ra’iisul Wasaare Rooble ayaa shirka uga warbixiyay halka ay marayaan dadaallada iyo wadahadallada arrimaha doorashooyinka dalka ee u dhexeeya Dowladda Federaalka ah, Dowlad-goboleedyada iyo Gobolka Banaadir.

Sidoo kale Ra’iisul Wasaare ku-xigeenka dalka Mudane Mahdi Maxamed Guuleed Khadar ayaa shirka Golaha Wasiirrada siiyay Warbixin la xiriirta Dacwadda Badda Soomaaliya ee dhawaan ay dhageysatay Maxkamadda Caddaaladda Adduunka.

Shirka ayaa sidoo kale lagu dhageystay warbixinno la xiriira amniga dalka iyo dadaallada dowladdu ku xakameyneyso caabuqa COVID-19 iyo qodobbo kale.

Wasiirka Maaliyadda Xukuumadda Federaalka Soomaaliya Dr. Cabdiraxmaan Ducaale Beyle ayaa guddoomiyay shirka khamiislaha ee dardar gelinta dakhliga dalka.

Shirka oo ay ka soo qeyb galeen mas’uuliyadda Wasaaradda Maaliyadda iyo Saraakiisha Booliska canshuuraha ayaa si gaar ah diiradda loogu saaray kor u qaadista dakhliga dalka iyo horumarinta qaadista canshuuraha.

“Kordhinta dakhliga gudaha waa mudnaanteena koowaad si aan u gaarno horumar waara oo ku dhisan dib-u-habeynta dhaqaalaha Soomaaliya iyo la shaqeyneynta ganacsatada si aan kor ugu qaadno Dakhliga dalkeen,” ayuu ku yiri Wasiir Beyle qoraal uu soo dhigay Boggiisa Facebooka.

La wadaag cid kale

Cadaado– Taliyaha qeybta 21-aad ee ciidanka xoogga dalka General Maxamed Caddow Cali {Sanka} ayaa Kormeer shaqo ku tegay xeryaha ciidanka kaga sugan yihiin degmada Cadaado ee gobolka Galmudug.

Ujeedka kormeerka taliyaha ayaa ah sidii ciidanka loogu dhiira gelin lahaa go’aanka geesinimada leh ay u qaateen Difaaca dadka iyo dalka Soomaaliyeeda iyo in ay ciribtiraan argixisada.

Sidoo kale, General Maxamed Caddow Cali {Sanka}ayaa ku booriyay ciidanka xoogga dalka ee ku sugan xeryaha ciidanka Cadaado in ay u diyaargaroobaan howlgalo looga xoreynayo Galmudug kooxaha Khawaarijta Al-Shabaab.

15 askar oo ka tirsan booliiska Soomaaliya gaar ahaan hogaanka Daraawiishta ayaa tababar kor loogu qaadayo xirfadaha; sida naf badbaadinta, tiiraanyo bixinta iyo daryeelka dadka dhaawac ah ku qaatay magaalada Muqdisho.

Tababarka oo socday 12 maalin waxaa bixinayay saraakiil ka tirsan howlgalka Midowga Yurub u qaabilsan tababarada ciidanka qalabka sida ee Soomaaliya ee loo soo gaabiyo EUTM.

Xafladda tababarka loogu soo xirey ayaa waxaa ka qeybgalay saraakiil ka tirsan ciidanka qalabka sida iyo kuwa Midowga Yurub.

La wadaag cid kale

Guddomiyaha Gobolka Banaadir ahna Duqa Magaalada Muqodisho Mudane Cumar Maxamuud Maxamed (Cumar Filish) kulan la tashi ah galabta la qaatay  Bulshada Degmooyinka Shangaani iyo Cabdacasiis.

Kulankaan oo ahaa wada tashi iyo is dhagaysi uu Guddomiyaha Gobolka ka dhageestay isagoo ka jawaabayay su’aalo toos ah oo ay ka qaybgalayaasha kulanka weydiinayeen.

Dad-weynihii ka soo qayb galay kulankaan ayaa wax ka weydiinayay Duqa Magaalada Arrimaha adeegyada Bulshada, dib u dhiska iyo shaqa abuurka Dhallinyarada, iyadoo Duqa Magaalada ow la wadaagay qorshayaaha Gobolka ee ku aadan wax ka qabashada soo jeedimaha shacabka degmooyinka shangaani iyo Cabdacasiis.

Kulamada nuucaan oo kale  ah ayuu Maamulka Gobolka Bananadir ugu tala galay in fursad loo siiyo shacabka inay si toos ah ula hadlaan Madaxda heer Gobol iyo heer Degmo.

La wadaag cid kale

Shirka Golaha wadatashiga Qaran ee dhammeystirka Doorashooyinka dalka oo soo bilaabmay maalintii isniintii ayaa maanta oo khamiis ah galaya maalintii Afraad, waxay madaxdu shalay ka doodeen is afgaradkii lagu gaaray magaalada Baydhabo ee ay Guddiga farsamada arrimaha doorashooyinku soo gudbiyeen.

Goordhow ayaa la filayaa inuu shirka furmo, waxaana guddoominaya madaxweynaha JFS mudane Maxamed Cabdulllaahi Farmaajo, iyadoo ay ka qeyb galayaan Ra’iisul wasaraha JFS mudane Maxamed Xuseen Rooble, Madaxweynayaasha maamul goboleedyada iyo Guddoomiyaha gobolka Banaadir.

Ajendayaasha kulanka maanta ayaa waxa ugu muhiimsan, Sugidda Amniga Doorashooyinka dalka, balse marka hore warbixin arintaasi ku saabsan waxa laga dhagaysan doonaa Guddiga Amniga Qaranka.

Dowladda Federaalka Soomaaliya waxay aad uga xun tahay falkii foosha xumaa ee maanta ka dhacay magaalada Dhahar ee Gobolka Sanaag oo ay ciidamada Amniga Puntland si ula kac ah xoog iyo xabad ugu adeegsadeen bulshada ku dhaqan magaaladaas oo samaynayay banaanbax nabadeed.

Fal kasta oo waxyeello loogu geysanayo shacab aan hub wadan waa mid aan la aqbali karin.

Dowladda Federaalka Soomaaliya waxay ku baaqaysaa in la ilaaliyo nabadda iyo xasiloonida, shacabkana la dhawro.