Madaxweyne Ismaacil Cumar Geelle ayaa markii shanaad loo doortay xilka madaxtinimo ee Dalka Jabuti,isagoo helay codad gaaraya boqolkiiba 98 ,sida lagu sheegay warar la shaaciyay saaka oo Sabti ah.

Illaa  215,000 oo muwaadiniin ah ayaa ka codeeyay doorashada madaxyinimo ee uu ku guuleystay Mr Geele,oo uu la tartamaayey nin ganacsade ah oo lagu magacaabo Sakariya

Qaraallo la soo dhigay baraha bulsha ayaa muujinaya saaka in  madaxweynaha uu hambalyo u diray dadka dalkaasi,isagoo uga hambalyeeyay sida habsamida leh ee ay u doorteen.

Xisbiyada Mucaaradka ayaa qaadacay tartanka doorashada madaxyinimo ee uu ku soo baxay Ismaaciil Cumar Geele,oo markii ugu horeysay talada dalka Jabuuti qabtay 1999

Kulankaan oo ahaa Duco iyo Qur’aan akhris loo sameynayay 12 dhallinyaro cayaartooy ah oo lagu laayay Degmada Shangaani gaar ahan Sedaxda Geed taarikhda markii ay ahayd 3-dii bishan  Abriil, halkaasi oo uu isku dhex qarxiyay ruux naftiis haliga ah oo ka tirsanaa kooxda Argagixisada ah ee Al-Shabaab.

Buuga tacsida Rabi ha u naxaristee Nabadoon Maxamed Aadan Rooble Xuud ayaa maanta ka furmay magaalada Guriceel ee Gobalka Galgaduud, waxaana uu Nabadoonka ka mid ahaa saxiixayashii Maamulka Galmudug oo si weyna looga yaqaanay degaannada Galmudug, gaar ahaan kaalintii uu kulahaaa Nabadeynta iyo ka shaqeynyta xasiloonida deegaannada Galmudug oo dhawaan ku geeriyooday Guriceel

Gogoasha Tacsida waxa ka qeyb galay Wasiiro, Xildhibaanno ka tirsan dowlad goboledka Galmudug,  Maamulada Samareeb iyo Guriceel, Waxgard uu ka mid yahay Ugaas Xasan Ugaas Maxamed Ugaas Nuur iyo xubno kale.

Guddoomiyaha magaalada Guriceel Farxaan Cabdi Macalin oo furay buugga Tacsida ayaa ka hadlay doorkii Nabadoonku kulahaa nabadeenta, wuxuuna dadka ka soo qeyb galay kulanka ka codsaday in loo duceeyo.

Xildhibaan Mursal Maxamed Yuusuf  Xeefow iyo Xildhibaan Cibaado Shiino oo goobta ka hadlay oo sheekeeyay tariikhda Marxuumka ayaa waxa ay ku sifeeyeen in uu ahaa Nabadoon ka baxay guud ahaan Ummadda Soomaaliyeed, gaar ahaan shacabka Galmudug.

Qaar ka mid ah waxgardaka iyo cuqaasha ayaa u duceeyay Marxuumka, waxaana ay Alle uga baryeen inuu janadiisa ka waraabiyo.

Ugu dambeyn waxaa kulanka tacsida ka hadlay Duqa Caasimda Galmudud ee Samareeb iyo  Wasir ku-xigeenka Wasaarada Dhirta iyo Daaqa Galmudug, oo sheegay inay ka qeyb qaadanayaan tacsida Nabadoon Maxamed Aadan Rooble.

Ciidanka xoogga dalka ayaa kusii dhawaanaya magaalada Ceel-laheley ee koofurta Gobolka Galgaduud oo saldhig muhiim ah u ahayd Argagixisada oo gebi ahaanba isaga cararay goobihii ay ka joogeen deegaankaas kadib markii ay ogaadeen in aysan u babac dhigi karin awoodda ku soo wajahan Deegaannada ay ka joogaan Gobolka Galgaduud.

Xildhibaanno ka tirsan Baarlamaanka Dowlad Goboleedka Galmudug oo gaaray goobihii dhawaan ciidamada ay kala wareegeen dhagar qabayaasha Al-Shabaab ayaa u geeyay deeq raashin ah.

Xildhibaan Xaashi Daahir Diiriye oo ku hadlayay magaca Xildhibaannada Galmudug ayaa sheegay in ujeedka socdaalkooda ay la xiriirto u kuurgelidda xaaladda ay ku suganyihiin ciidamada iyo inay garabtaaganyihiin geesiyaasha u taagan inay cadowga ka xoreeyaan deegaannada Gobolka Galgaduud ku dhuumaaleysanaya.

“Maanta waxaan soo booqanay aagga hore ee ay ciidamada dagaalka kula jira Nabad diidka Khawaarijta, maanta waxaan joognaa Labi dulle oo shalay laga sifeeyay argagixisada, waan idin bogaadineynaa guulaha aad gaarteen”

Munaasabad lagu daah furayay mashruuc indha fiiqis ah, baaris iyo daween caafimaad, laguna siinayo muraayadaha araga (ookiyaal) lacag la’aan ah kaasi oo ay ka faa”iideysanayaan toban kun 10,000 oo ka mid ah ardayda Soomaaliyeed ee wax ka barta iskuulada ku yaala magaalada Muqdisho oo uu soo qaban qaabiyay maamulka Isbitaalka Jaziira iyo Maamulka Jaamacadda Aadan Cadde ayaa lagu qabtay magaalada Muqdisho

Barnaamijkan ayaa waxaa ka soo qeyb galay maamulka Jaamacadda Aadan Cadde dhakhaatiir ka socota qaar ka mid ah isbitaalada ku yaala magaalada Muqdisho, aqoonyahanno iyo marti sharaf kale .

Dr Maxamed khaliif oo ka mid ah dhakhaatiirta Indhaha ee ka howlgala Isbitaalka Jaziira oo ka hadlay muhiimadda barnaamijkan uu u leeyahay ardayda Soomaaliyeed ayaa ku baaqay in laga faa’iideysto fursadan.

Guddoomiyaha qeybta Indhaha ee Jaamacadda Aadan Cadde Dr Cali Khaliif ayaa sheegay in barbaamijkan ay ugu tala galeen in ay ka faa’iideystan si bilaash ah Ardayda Soomaaliyeed.

Dr Cali Baashi oo ka mid ah dhakhaatiirta Soomalaiyeed ayaa soo jeediyay in la balaariyo howlaha wax loogu qabanayo bulshada, si dad badan ay fursadan uga faa’iideystaan.

Guddoomiyaha Jaamacadda Aadan CaDde Prof Cabdiqaadir Axmed Mahad ayaa sheegay barnaamijkan ay ka faa’iideysan doonaan arday dugsiyada sare iyo kuwa sida gaarka ah loo leeyahay.

Madaxweynaha Dowladda Goboleedka Galmudug Axmed Cabdi Kaariye QoorQoor ayaa ka tacsiyey geerida ku timid Allaha u naxariisto Nabadoon Maxamed Aadan Rooble “Xood”
oo saakay ku geeriyooday magaalada Guriceel ee Gobolka Galgaduud.

Marxuumka ayaa lagu xasuusan doonaa doorkii uu ku lahaa nabadeynta , dib u heshiisiinta iyo dib u dhiska Galmdug loo dhanyahay , waxaana una ka mid ahaa nabadoonada ugu firfircoonaa Deegaanada Galmudug.

Alle ha u naxariisto Marxuum Maxamed Aadan Rooble “Xood” oo maalmahan xanuunsanaa ayaa saakay ku geeriyooday Magaalada Guriceel ee Gobolka Galgaduud.