Baraawe- Wasiirka Warfaafinta Koonfur Galbeed, Ilyaas Saciid Cali (Qalinle) oo ay wehliyaan Maamulka Degmada iyo Taliyeyaasha ciidamada ayaa kulan la qaatay Taliyaha cusub ee Ciidamada AMISOM ee Magaalada Baraawe, Colonel Jonathan OChom.

Waxayna kawada hadleyn xoojinta wada shaqeynta iyo dardar gelinta howlaha lagu sugayo Amniga Magaalada Baraawe.

Taliyeyaasha ciidamada iyo Taliyaha cusub ee ciidamada AMISOM ee Baraawe ayaa Wasiirka kaga warbixiyay xaaladda amni ee Magaalada Baraawe iyo deegaanada hoos yimaada, iyagoo sheegay in ay sii xoojin doonaan wada shaqeynta laamaha amniga iyo la dagaalanka kooxda Al-Shabaab.

Wasiir Ilyaas Qalinle ayaa ugu hambalyeeyay Taliyaha cusub ee Ciidamada AMISOM, Colonel Jonathan OChom xilka culus ee loo magacaabay, waxuna ugu mahadceliyey AMISOM sida ay Soomaaliya u garab taagan yihiin iyo dadaaladooda ku wajahan inj lagu guuleysto xasilinta dalka iyo la dagaallanka argagixisada dhibaatada ku heysa guud ahaan Soomaaliya gaar ahaan Koonfur Galbeed.

ILAYSKA DALKA:-Maamulka Galmudug ayaa ciidamo ka tirsan kuwa Daraawiishta geeyay deegaanada Koonfurta Mudug si ay halkaas kaga xoreeyaan maleeshiyada Al-Shabaab.

Ciidamadan oo wata gaadiidka dagaalka ayaa maanta gaaray deegaanka Wisil oo hoos-yimaada degmada Hobyo, waxayna saraakiisha hoggaamineysa ciidankan ay sheegeen inay dhowaan koonfurta Mudug ka bilaabayaan howlgal ka dhan ah argagixisada Al-Shabaab.

Sidoo kale, deegaanka Wasil waxaa lagu wadaa in ay gaaraan wafdi ka kooban Wasiiro, Xildhibaano iyo Saraakiil ka tirsan ciidanka Galmudug.

Maxkamadda Ciidamada Qalabka sida ee Soomaaliya ayaa Maanta waxay  Billowday Fadhiga Maxkamadaynta Rag loo haysto Dilkii Magaalada Muqdisho loogu geystay  Guddoomiyihii hore ee  degmada Hodan  Cabdixakiim Cabdiraxmaan Ciise Dhaga-Juun.

Goobta Maxkamadda ayaa waxaa ku sugan Saraakiisha sare ee Maxkamadda Ciidamada, Rag loo heysto dilka Guddoomiyihii hore ee  degmada Hodan, ehellada labada dhinac iyo dad kale oo ka qayb galaya fadhiga Maanta ee Maxkamadda.

Dadka loo haysta eedda dilka Guddoomiyihii hore ee  degmada Hodan, ayaa gaaraya Sideed ruux, oo Toddoba kamid ah ay Maxkamadda xaadir ku yahiin, halka midka kalana uu maqanyahay.

Allaha u Naxariistee  Guddoomiyihii hore ee  degmada Hodan  Cabdixakiim DhagaJuun, ayaa 21-kii Bishii Janaayo ee Sakandan 2021,  waxaa uu u geeriyooday Rasaas lagu furay Gaari uu saarnaa oo marayay isgoyska Howl-Wadaag ee magaalada Muqdissho.

ILAYSKA DALKA:-Maxkamadda Ciidamada Qalabka Sida ayaa saakay billowday Dhageysiga Eedeymaha rag loo haysto Dilka Alle ha u naxariistee Guddoomiyihii degmada Hodan Cabdixakiim Cabdiraxmaan Ciise Dhagajuun.

Marxuum Dhegajuun ayaa Bishii January ee Sanadkan u geeriyooday rasaas ay ku fureen Ciidamo ka tirsan Boliiska Soomaaliya.

Guddoomiyaha Baarlamaanka Carabta ayaa sheegay  in ay ugu baaqeynaa walaalaha Soomaaliya in ay u hoggaansamaan wadahadalka oo ah xalka kaliya ee lagu gaari karo is afgarad ku saabsan doorashooyinka qaranka iyo in la taageero Xasilloonida.

Mudane Caadil bin Cabdulraxmaam Al-Casuumi, Guddoomiyaha Baarlamaanka Carabta, waxa uu walaalaha Jamhuuriyadda Federaalka Soomaaliya ugu yeerayaa inay si wax ku ool ah uga qaybqaataan wadahadallada qaran ee uu ujeedkiisu yahay in la gaaro is afgarad ku saabsan doorashooyinka qaranka, iyo in laga shaqeeyo dhameystirkooda.

Si loo gaaro horumar siyaasadeed iyo mid iyo dastuuri ah intaba, taasoo muhiim u ah amniga Iyo xasilloonida Jamhuuriyadda Soomaaliya.

Guddoomiyaha baarlamaanka carabta wuxuu adkeeyay in u hogaansamida wada hadalada siyaasadeed ee udhaxeeya dowlada federaalka Soomaaliya dowladaha Xubnaha ka iyo dhinacyada kale ee Soomaaliyeed ee ay khuseeyo.

Wadahadallada waa xalka kaliya ee looga gudbi karo dhibaatooyinka iyo caqabadaha hortaagan diyaarinta doorashooyinka guud ee ka dhacaya dalka, sidoo kale dalalka Carabta waxaan ugu baaqayaa inay garab istaagaan Soomaaliya oo ay ku taageeraan Ka-gudubka caqabadaha jira iyo inay taageeraan dadaallada looga jiro in dalka lagu jiheeyo dhabaha nabadda, horumarka iyo barwaaqada.

Al-Casuumi wuxuu xaqiijiyey mowqifka adag ee baarlamaanka carabta ee ku aadan taageerada Jamhuuriyadda Soomaaliya ee dhamaan dadaalada loogu talagalay in lagu gaaro is afgarad qaran oo dhameystiran , iyo kor u qaadida amnigeeda iyo xasilloonideeda heer kasta.