Madaxweynaha Jamhuuriyadda Federaalka Soomaaliya ayaa ku bogaadiyay saraakiisha iyo ciidamada xoogga dalka guulaha ay ka soo hooyeen howlgallada ay ka wadaan gobollada dalka ee looga sifeynayo argagixisada Al-Shabaab.

Madaxweyne Farmaajo ayaa sheegay in geesiyaasha ciidamada qalabka sida ee u istaagay xoreynta dalka iyo ciribtirka argagixisada Al-Shabaab ay taariikhda xusi doonto, maadaama ay u soo dhabar adeegeen daroofo adag si ay u samata bixinaayn dalkooda oo ay uga dulqaadaan cadowga Ummadda Soomaaliyeed.

“Runtii aad iyo aad ayaan idinkaga mahadcelinayaa shaqada adag aad heysaan ee habeen iyo maalin, soo jeedka, dhaxanta, kaneecada iyo dagaalka joogtada ah ee aad kula jirtaan argagixisada iyo cadowga Ummadda Soomaaliyeed runtii aad baan idinkaga mahadcelineynaa, howsha aad ku jirtaan shaqo ma ahan ee waa waajibaad wata naftiina inaad u hurtaan oo aad naftiina u hibeysaan difaaca Ummaddiina, dalkiina iyo dowladnimadiina”. Ayuu yiri Madaxweyne Farmaajo.

Madaxweynaha ayaa hoosta ka xariiqay in howlgallda ciidamada qalabka sida ay ka wadaan qeybo ka mid ah Gobollada dalka laga gaaray guulo la taaban karo, waxaana uu ku booriyay inay labo jibaaraan howlgallada ka dhanka ah argagixisada Al-Shabaab.

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo maanta farxadda Ciidda Carafo la qaatay cutubyo ka tirsan Ciidanka Xoogga Dalka ayaa ku dhiirri-geliyey sida nafhurnimada leh ee ay ugu taagan yihiin difaaca dalkooda iyo ilaalinta karaamada dadkooda.

Madaxweynaha ayaa sheegay in geesiyaasha Ciidamada Qalabka Sida ee u istaagay xoreynta dalka iyo ciribtirka arxanlaaweyaasha argagixisada ah ee Alshabaab ay taariikhdu xusi doonto, maadaama ay u soo dhabar adaygeen duruufo adag si ay u samatabixiyaan dalkooda.

Waxaad tihiin Ciidan Qaran oo u taagan difaaca dalka, dib u soo noolaynta dawladnimada iyo ilaalinta karaamada dadka Soomaaliyeed, waxaan idiinku hambalyeynayaa munaasabadda Ciidda Carafo iyo waajibka qaran ee aad gudaneysaan. Farxad gaar ah ayay ii tahay in aan munaasabadaha noocan oo kale ah idin la qaato madaama aad tihiin geesiyaasha aan ku faanno.”

Madaxweynaha Jamhuuriyadda ayaa bogaadiyey hawlgallada socda ee ka dhanka ah argagixisada caadeystay gumaadka shacabka Soomaaliyeed, iyada oo geesiyaasha Xoogga Dalku ay guulo waaweyn ka soo hoynayaan howgallada ay ka wadaan deegaannada ay ku dhuumaalaysanayaan argagixisadu.

Cabsidii ugu weyneyd ee Al-shabaab soo wajahday ayaa dhabowday. Maanta oo ay taariikhdu tahay 20ka Luulyo 11-ka barqanimo ayay duqeyn lala beegsaday Al-shabaab ka dhacday Deegaanada Dawlad Goboleedka Galmudug ee Soomaaliya, taasoo lagu difaacayey geesiyada Ciidanka Kumaandooska ah Xoogga Dalka ee DANAB. Duqeynta lagu difaacayey Ciidanka wax dhibaato uma gaysan dadka rayidka ah. Ciidanka Xoogga Dalka iyo Danab way sii wadayaan dadaalada ay ka wadaan Dowlad Goboleedka Galmudug si ay uga xoreeyaan shacabka Soomaaliyeed falal xaasidnimada ee canaasiirta Al-shabaab. Haddii aynu wadajirno Al-shabaab wax uma dhimmi karaan shacabka Soomaaliyeed.

Muslimiinta adduunka oo dhan ayaa manta u dareeray gudashada ciidul Adxaa oo ah munaasabadda ciidda labaad ee ku weyn bulshada islaamka  ee caalamka.

Gudaha dalka Soomaaliya kumanaan ruux oo isugu jira shacab iyo masuuliyiin ayaa manta ka qeyb galay salaadda ciidda carafo oo lagu oogay magaalooyin badan oo ka mid ah gobolada dalka.

Dukashada salaadda ka dib,masuuliyiin iyo culima’udiin kale ayaa bulshada la wadaay hambalyada ciida carafo, waxayna bulshada ugu baaqeen in ay iscaawiyaan oo dadka masaskiinta ah laga farxiyo.

Munaasabadda ciidda labaad ee ay leeyihiin dadka muslimiinta ah ayaa sanadkii labaad ku soo beegantay,iyadoo ay jiraan cabsi iyo walaac laga qabo cudurka Conid 19,kaas oo dhaliyay in dalalka qaar ay jooojiyaan isu imaatinka goobaha dadweynaha.

Boqolaal isugu jira shacab iyo masuuliyiinta deegaanka ayaa ka qeyb galay salaada Ciida Carafo oo lagu oogay garoonka kubada cagta Takhtar Waberi ee magaalada Xuddur.

Sanadkaan salaada ciida hal goob laguma wada tukan sidii ciidihii hore maadaama bulshada ay ku soo badanayso magaalada xuddur meelo kala duwan ayaa salaada ciida carafo lagu ksla oogay.

Masuuliyiinta iyo culimada ayaa salaada ka dib bulshada lawadaay hambalyada ciida Carafo waxayna bulshada ugu baaqeen in ay iscaawiyaan oo dadka masaskiinta ah laga farxiyo.

Madaxweynaha Dowlad Goboleedka HirShabeelle Mudane Cali Cabdullaahi Xuseen ayaa munaasabadda ciidul adxaa awgeed hambalyo u diray dhammaan Ummadda Muslimiinta ah, gaar ahaan Bulshada Soomaaliyeed meel walba oo ay joogaan.

Madaxweynaha HirShabeelle ayaa Alle uga baryay in Dadka Soomaaliyeed dambigooda uu dhaafo, waxaa uuna kula dardaarmay in ay iscafiyaan si Eebbe inoogu wada naxariisto, waxaana uu ugu baaqay Shacabka Hirshabeelle iney isku gargaaraan oo la caawiyo dadka liita.

Mudane Cali Cabdullaahi Xuseen ayaa Eebe ugu baryay Shacabka Soomaaliyeed in Ciidaan tan xigta ay ku gaaraan Barwaaqo, Nabad iyo Horumar. Waxaa uu sidoo kale u rajeeyay in ay farxad ku ciidaan.

War saxaafadeed ka soo baxay Xafiiska Wakiilka Gaarka ah ee Xoghayaha Guud ee Qaramada Midoobay u qaabilsan Soomaaliya Danjire James Swan ayaa hambalyo ku aaadan muanasabadda ciidul Adxaa u diray shacabka Soomaaliyeed.

Bahda Qaramada Midoobay ee Soomaaliya waxay dhammaan Soomaalida u rajaynayaan “Ciid Wanaagsan.”

“Hambalyo diirran oo ku aaddan Ciidul Adxaa ayaa idin kaga imaanaysa bahda Qaramada Midoobay ee Soomaaliya,” ayuu yiri James Swan, Wakiilka Gaarka ah ee Xoghayaha Guud ee Qaramada Midoobay u qaabilsan Soomaaliya.

“Waxaan dadka Soomaaliyeed kala qayb qaadanaynaa xuska maalintan iyo rajadooda ku aadan dib u heshiisiinta, naxariista, midnimada iyo nabadda. “Ciid Wanaagsan”

Madaxweynaha dowlad goboleedka Jubbaland Mudane Axmed Maxamed Islaam ayaa guud ahaan shacabka reer Jubbaland, Ummada Soomaaliyeey iyo Muslimiinta Caalamka ugu hambalyeeyay maalmaha barakaysan ee munaasabadda ciidda carafo.

Madaxweynaha Jubbaland ayaa tilmaamay in maalmahan barakaysan ay ku weyn yihiin Bulshada islaamka isla markana gudashada waajibkaadka xajka ee sanad walba maanta oo kale loo dareeri jiray uu sanadkan saamayn ku leeyahay xanuunka COVID-19.

“Maalmahan barakaysan waa maalmo ku astaysan khayrka iyo cibaadada, iyadoo dadka Muslimiinta ah ay ku jiraan gudashada waajibaadka Xajka, inkastoo sannadkan uu saamayn ku yeeshay dadweyne kala duwan oo tagi lahaa xajka xanuunka COVID-19 oo wali caalamka ka jira” ayuu yiri Axmed Madoobe.

Mudane Axmed Maxamed Islaam ayaa Shacabka Soomaaliyeed ugu baaqay in la garab istaago Shacabka Soomaaliyeed ee tabaalaysan isla markana farxada maalmahan barakaysan lala qeybsado.

“Waxaan guud ahaan shacabka Soomaaliyeed ugu baaqayaa in maalmahan barakaysan aan uga faa’iidaysano caawinta dadkeena taagta daran iyo kuwa aan awoodin inay sidii la rabay ugu dabaal dagaan maalmahan barakaysan” ayuu yiri Madaxweynaha Jubbaland.

CIID WANAAGSAN