Guddiga xaqiijinta Qoondada Haweenka doorashada 30% ayaa kulan looga hadlayay xaqiijinta qoondada haweenka  kula qaatay Magaalada Gaalkacyo ururada haweenka Gaalkacyo iyadoona kulanka ay goob joog ka ahaayeen masuuliyiin ka tirsan Galmudug.

Kulanka oo ahaa mid haweenka gobalka mudug loogu wacyi galinayay in ay doorkooda ka qaataan sidii loo xaqiijin lahaa qoondada haweenka ayaa waxaa maanta gudiga xaqiijinta qoondada haweenka ee heer qaran waxa ay kulan kula qaateen xubnaha ururada haweenka gobalka mudug .

Kulanka oo ay goob joog ka ahaayeen mas’uuliyiin ka tirsan Galmudug ayaa waxaa ugu horreyn ka hadlay xubno kamid ah gudiga oo ay ugu horreeyeen guddoomiye ku xigeenka gudiga Marwo Caasho Geelle Diiriye iyo Guddoomiyaha Gudiga Batuulo sheekh axmed gaballe kuwaas oo ku booriyay haweenka inay u istaagaan sidii ay u heli lahaayeen qoondada 30% .

Isku duwaha Wasaaradda haweenka Gobalka Iudug Drs yurub Cabdulqaadir Sheekh Cali iyo qaar ka mida xubnaha ururka haweenka dagmada Gaalkacyo oo,  bogaadiyay kulanka ayaa sheegay in ay u istaagi doonaann sidii loo xaqiijin lahaa in haweenku ay ka helaan qoondada ay ku leeyihiin 11 kursi oo doorashadooda ka dhici doonto Gaalkacyo .

Ugu danbeyntii wasiirka Wasaaradda Warfaafinta Galmudug Axmed Shire Falagle ayaa xusay in ka maamul ahaan ay xoogga saari doonaan xaqiijinta qoondada haweenka.

-Ra’iisul Wasaaraha XFS Mudane Maxamed Xuseen Rooble ayaa xafiiskiisa ku qaabilay safiirka UK ee Soomaaliya oo ay ka wada hadleen xiriirka labada dal iyo habsami u socodka iyo amniga doorashooyinka dalka ee uu hormuudka ka yahay Ra’iisul Wasaaruhu

Kulanka Bandhigga iyo baahinta warbixinta dib-u-eegista Dastuurka ayaa maanta ka furmay magaalada Jowhar ee Caasimadda Dowlad goboleedka Hirshabelle.

Kulanka ayaa lagu soo bandigay warbixinta  dib-u-eegista dastuurka oo soo koobaysa guulihii laga gaaray dib-u-eegista dastuurka, caqabadihii lala kulmay iyo sidii looga gudbi lahaa. Sidoo kale, warbixinta ayaa soo jeedinaysa xulashooyinka ku saabsan arrimaha ubaahan wada xaajoodka siyaasadeed sida Awood Wadaagga, Maqaamka Caasimadda, Hannaanka Caddaalada iyo Asluubta, Maamulka Maaliyadda Dowladd, khayraad wadaagga iyo Amniga.

Kulanka waxaa ka soo qeybgalay qeybaha kala duwan ee bulshada ku dhaqan Caasimadda Jowhar, waxa uuna socon doonaa muddo saddexda Maalin  ah.

Wasaarada Arimaha gudaha  ee dowalad goboleedka Galamuga ayaa  maanta kulan aqoon isweydaarsi ah Magaalada dhuusamareeb ugu  soo xiratay shaqaale isugu jira kuwa Wasaaradda iyo xubno ka socday golleyaasha deegaanka ee degmooyinka qaar ee katirsan Maamulka Galmudug.

Kulanka  ayaa ku saabsanaa kor u qaadida awooda aqooneed ee shaqaalaha Wasaaradda arimaha Guddaha Galmudug ee hannaanka adeeg bixinta, ilaalinta xuquuqda caruurta iyo ka qayb_galka caruurta ee maamulka deegaanka, waxaana xiritaanka  Aqoon isweydarsigan oo socday mudo afar maalmood ah qayb ka ahaa fal tusayaal ay shaqaaluhu ku muujiyeen fahamkooda  aqooneed  howlwadenada Wasaaradda

Agaasimaha guud ee Wasaaradda arimaha gudaha  Galmudug warsame Faarax Cabdi oo shaqalaahan ku booriyay ka soo dhalaalida howsha looga fadhiyo ee ah dhaqan galinta waxa la barey ayaa sidoo kale sheegay in casharadan muhiim u ahaayeen dadaajinta dowladnimada iyo in fahamkeeda laga soo bilaabo caruurnimada, iyadoo la adeegsanayo goobaha waxbarashada

Habraaca Saxda ah ee Doorshada Aqalka Sare ee Baarlamaanka Federaalka Soomaaliya  (Somaliland).

Wasaraddaha Caafimaadka Galmudug iyo Dowladda Federaalka oo kaashanaya hey’adda Caafimaadka aduunka ee WHO ayaa magaalada Dhuusamareeb tababar ku saabsan maareynta iyo daaweynta xaaladaha nafaqo darada ee ilmaha ka yar shanta sano ugu soo gaba-gabeeyay tiro ka mid ah shaqaalaha ka shaqeeya xarumaha nafaqada ee Galmudug, kuwaas oo mudo afar maalmood ah qaadanayay tababarkan.

Maxamed cali xiireey, Madaxa Nafaqada ee Wasaaradda Caafimaadka Galmudug ayaa sharaxey ujeedka tababarka loo qabtay shaqaalahan Caafimaad.

Madaxa xogta iyo khiimeynta, qaybta nafaqada ee Wasaaradda Caafimaadka Federaalka Aadan Maxamed Nuur oo dhankii ka hadley faa’iidada tababarkan u yeelanayo shaqalaha Caafimaad ayaa sheegay in markii labaad Galmudug lagu qabtay si loo dhaqan galiyo hab-raacyada u dagsan Wasaaradda Caafimaadka.

Ugu dambeyn, Agaasimaha guud ee Wasaaradda Caafimaadka Galmudug Dr. Cabdiwali Maxamed Axmed oo xiray tababarka ayaa shaqaalaha caafimaadka Galmudug kula dardaarmay in ay si hufan ugu shaqeeyaan Bulshada.

Madaxweynaha Dowlad Goboleedka Koonfur Galbeed Soomaaliya Mudane Cabdicasiis Xasan Maxamed Laftagareen ayaa Aqalka madaxtooyadda ee Magaalada Baydhabo ku qaabilay Safiirka Dowladda Itoobiya u fadhiya Soomaaliya Mudane Amb: Cabdifataax Sheekh Cabdullaahi.

Madaxweyne Lafta-gareen iyo safiirka Itoobiya ayaa ka wada hadlay Kulanka Arrimaha Doorashooyinka iyo Amniga.