Guddiga hirgelinta doorashooyinka heer Dowlad Goboleed ee Jubbaland ayaa  shaaciyey xiliga la qabanayo doorashada afarta kursi ee ka dhiman aqalka sare ee deegaan doorashadoodu tahay Jubbaland

Guddoomiyaha Guddiga doorashooyinka Heer dowlad Goboleed ee Jubbaland Dr. Siyaad Maxamed Mursal oo warbaahinta la hadalay ayaa sheegay in Maalinta Berito ah la diiwaangelin doono musharixiinta Aqalka Sare, halka Maalinta Khamiista ah ay dhici doonto doorashada Afarta kursi ee Aqalka Sare uga harsan Maamulka Jubbaland.

Madaxweynaha Dowlada goboleedka Jubaland Mudane Axmed Maxamed Islaam, ayaa xalay soo gudbiyay liiska afarta kusi ee ka harsan xildhibaanada Aqalka sare ee kasoo galaya Dowlad Goboleedka Jubaland

Madaxweynaha Dowlad Goboleedka Jubbaland Axmed Maxamed Islaam, ayaa Xarunta Madaxtooyada ee Magaalada Kismaayo ku qaabilay ku xigeenka Wakiilka Qaramada Midoobay u qaabilsan Soomaaliya Anita Kiki Gbeho, oo booqasho ku tagtay halkaas.

Kulanka ayaa lagaga hadlay arimaha Doorashooyinka oo Maamulka Jubbaland ay xalay soo dhamaystireen xubnahii ku dhimanaa tartamayaasha Aqalka Sare taas oo dardar galin doonta howlaha Doorashooyinka.

Marwo Anita Kiki Gbeho, ayaa Jubbaland uga mahad celisay sida ay u ilaalisay qoondada haweenka ee aqalka sare iyadoo hoosta ka xariiqday in Qaramada midoobay ay tageerayso howlaha Doorashooyinka iyo sidii loo dardar galin lahaa.

Madaxweynaha Dowlad goboleedka Galmudug Mudane Axmed Cabdi Kaariye Qoorqoor ayaa maanta Aqalka Madaxtooyada ku qaabilay Taliyaha Ciidanka Amisom ee sector 4 iyo saraakiil uu hoggaaminayay.

Kulanka ayaa looga hadlay dardar galinta howlaha Doorashoyinka Galmudug iyo Sugidda Amiga.

Madaxweynaha ayaa soo Gaba gabeeyay kulamo Amni oo maalmahan uu la lahaa Saraakiisha Amisom.

Shirka wada-tashiga qorshe howleedka 2021-2022 iyo Istaraajiyada Xalka Waara ee Dowlad Gobaleedka Galmudug ayaa maanta lagu soo gaba gabeeyay Magaalada Dhuusamareeb.

Wada-tashigan oo socday muddo saddex cisho ah ayaa diirradda lagu saaray diyaarinta qorshe howleedka Istiraatijiyada xalka waara ee dowlad gobaleedka Galmudug iyada oo ay ka qeyb galeen wasaraadaha iyo hay’adaha ay quseeyso ee dowlad gobaleedka Galmudug iyo Xubno ka socday Xafiiska Xalka Waara ee Waaaradda Qorsheynta Qaranka oo gacan weyn ka geystay dar dargalinta tallaaboyinka wax looga qabanayo mushaakilaadka kala duwan ee keena masiibooyinka dabiiciga ah sida abaaraha, colaadaha iyo wixii la mid ah sidii wax looga qaban lahaa .

Agaasimaha guud ee Wasaaradda gargaarka iyo Maareynta musiibooyinka Maamul Galmudug mudane Cumar Xasan Maxamuud ayaa yiri “waxaan rajaynaynaa in wasaaradda qorshaynta qaranka ay la timaado hal-abuuro dheeraad ah sida Strategy yada xalka waara taas oo la hordhigo deeq bixiyayaasha si ay ugu taageeraan wixii maaliyad ah ee lagu fulin karo”

Waxaa sharaf noo ah muddadii saddexda beri ahayd diyaarinta qorshe hawleedku socday in aad arrimo mudnaano gaar ah leh aad ugu darteen qorshe hawleedka xalka waara ee dowlad goboleedka Galmudug 2022.

Agaasimaha guud ee Wasaaradda Qorsheynta dowlad gobaleedka Galmudug Cabdullaahi Cumar Sakiin ayaa sheegay in howl ballaaran la qabtay oo wax ku ool u ah deeganada Maamulka Galmudug.

Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed Laftagareen ayaa ka qeyb-galay Munaasabad lagu dhaarinayey Gudiga Adeega Garsoorka Dowlad Goboleedka Koonfur Galbeed ee dhowaan Madaxweynaha uu Magaacabay.

Madaxweynaha Dowlad Goboleedka Koonfur Galbeed ayaa gudiga Adeega Garsoorka kula dardaarmay inay si cadaalad ah ugutaan waajibkooda shaqo ayna u cadaalad falaan bulshada.

“dowladnimadu bilowgeeda iyo aas-aaskeeda waa garsoor iyo cadaalad hadii cadaalada iyo garsoorka uu galo walaac,baqdin iyo shaki oo uu istaagi waayo dowladnimadu maistaagto, waxaan ubaahanahay dadka reer koonfur galbeed meel waliba ay joogaan inay cadaalad helaan, xukunkaan iyo dowlada koonfur galbeedna ay ka helaan dadka hormuudka unoqonaayo oo larabo inay ka shaqeeyaan waa idinka waxaan idinkula dardaarmayaa inaad howshaas si cadaalad ah aad ugu adeegtaan bulshada.

Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed Laftagareen ayaa Gudi Rabi uga bariyey in xilka loo igmaday la garab galo lana fududeeyo howsha adag.

Wasiirka wasaarada Gadiidka iyo Duulista Hawada Xukuumadda Federaalka Soomaaliya Duraan Axmed Faarax iyo Gudoomiyaha Gobolka Hiiraan Cali jeyte Cusmaan ayaa maanta Xariga ka jaray Dhismaha cusub ee qeybta Terminaalka garoonka diyaaradaha Ugaas Khaliif ee Magaalada Baladweyne.

Munaasibada Furitaanka Qeybta Terminaalka Garoonka waxa ka qeyb galay Agaasimaha Heyda Duulista Rayidka soomaaliya Axmed Xasan macalin Agaasime kuxigeynka Madaxtooyada Somaaliya iyo masuuliyiinkale oo ka tirsan,maamulka Gobolka Hiiraan odoyaasha dhaqanka iyo qeybaha Bulshada Magaalada Beledweyne.