Maamulka howlgalka Midowga Afrika ee (AMISOM) ayaa magaalada Beydhabo ku soo gunaanuday tababar aqoonkororsi ah oo ku saabsanaa ka hortagga falalka iyo tacadiyada gaarka ah ee lala beegsado haweenka iyo caruurta.

Tababarkan oo ay soo qaban qaabiyeen qeybta booliska AMISOM, ayaa waxaa ka qeyb galay 6 gabdhood iyo 24 sarkaal oo rag ah, kuwaaas oo ka kala socday qeybaha saldhigyada.

Waxaa intii uu socdday tababarkaasi diiradda la saaray xuquuqda carruurta, ilaalintooda iyo sida loo dhaqangalin karo ama loo adkeyn karo sharciyada difaacaya xuquuqd dadka mirimageydada ah.

Wasaaradda Haweenka iyo Horumarinta Xuquuqda Aadanaha Xukuumadda federaalka Soomaaliya ayaa maanta tababar ku saabsan hab-raaca saxaafadda ee loogu talagalay soo tabinta rabshadaha ku saleysan tacadiga Jinsiga u qabatay qaar kamid ah saxafiyiinta Galmudug.

Tababarka ayaa waxaa loo qabtay 50 wariye, waxaana uu socon doonaa labo maalin, wasiirka warfaafinta Galmudug Axmed Cabdi Shire Falagle ayaana si rasmi ah u furey, iyaddoo ay ka qeybgaleen mas’uuliyiin ka tirsan maamulka iyo agaasimaha waaxda Qorsheynta wasaaradda Haweenka Soomaaliya, mudane Feysal Nuur Faarax.

U jeedka tababarka ayaa ah siddii wariyeyaasha loo bari lahaa hab-raaca waafaqsan sharciga oo ay u mari lahaayeen tabinta wararka la xiriira xadgudubyada ka dhanka ah Jinsiga.

Tababarkaan ayaa waxaa maalgelisay hey’adda UNFPA oo kamid ah hey’adaha bah-wadaagta la ah wasaaradda Haweenka iyo Horumarinta Xuquuqda Aadanaha Soomaaliya.

Guddoomiyaha Gobolka Banaadir Mudane Cumar Maxamuud Maxamed iyo Taliyaha Ciidanka Booliska Cabdi Maxamedd Xasan Xajaar,ayaa maanta Magaalada Muqdisho kula kulmay saraakiil ka socotay   saldhigyada Boliiska ee  gobolka.

Kulankaasi lala yeeshay taliyeyaasha saldhigyada,waxaa diiradda lagu saaray xaaladda amni ee goobolk iyo sida ugu haboon ee loo dardargalin karo howlaga ciidamada ee dhinaca sugidda ammaanka.

Wasiirka Warfaafinta, Dhaqanka iyo Dalxiiska, xukuumadda Soomaaliya, mudane Cismaan Abokor Dubbe, oo maanta shir jaraa’id ku qabtay magaalada Muqdisho ayaa beeniyay warbixinta baaraha guddiga xuquuqul insaanka Qaramada Midoobey oo dhowaan soo saaray taas oo lagu sheegay in ciidan Soomaaliyeed oo tababar ku qaadanaya dalka Eritrea ay ka qeybgaleen dagaalka gobolka Tigraay ee Ethiopia.

Waxaa uu sheegay in warbixinta Qaramada Midoobay aysan heysan wax daliil ah uu tusaya waxa ay sheegayaan, isaga oo intaas ku daray in siyaasiyiin dano gaar ah ka raadinaya ay arrintaas buun buuniyaan.

Wasiir Dubbe, waxaa uu tilmaamay in ciidanka Soomaaliyeed ee lagu tababarayo dalka Eritrea uusan ka qeybgalin dagaalka Itoobiya isla markaana aaney jirin baahi arrintaas loo qabo.

Mudane Cismaan Abokor Dubbe, waxaa uu sheegay in siyaasiyiinta Soomaaliyeed gaar ahaan kuwa mucaaradka ah ee maalin kasta ka hadla arrinta ciidanka Eritrea jooga aysan marna soo hadal qaadin dhibaatada Kenya ay ku heyso dadka Soomaaliyeed ee ku nool gobolada Jubbooyinka.

Guddoomiyaha Gobolka Banaadir ahna Duqa Magaalada Muqdisho Mudane; Cumar Maxamuud Maxamed (Cumar Filish) ayaa ka qeyb galay madal Caafimaad oo ay soo qaban-qaabisay Agaasinka Caafimaadka iyo daryeelka Bulshada ee maamulka Gobolka Banaadir iyo Dowlada hoose ee Xamar.

Madashaan ayaa waxaa ka qeyb-galay madax kala geddisan oo ka kala socday maamulka Gobolka Banaadir, Wasaaradaha Caafimaadka, Maaliyadda, Dhalinyarada , Isboortiga  Ganacsiga, madaxda Ururrada Dhaqaatiirta, daneeyayaasha Caafimaadka, Rugta Ganacsiga, Shirkada Hormuud iyo marti sharaf kale.

Madashaan ayaa waxaa diiradda lagu saaray saameynta Caabuqa COVID19 uu ku yeeshay dhaqaalaha iyo arrimaha bulshada dalka Soomaaliya gaar ahaan Gobolka Banaadir iyo dedaalladii lagu bixiyay Wacyigelinta.

Munaasabad kooban oo lagu dahfurayay tababar ku saabsan  wacyigalinta ka hortaga fikirka xagjirka ah ayaa loo furay sarakiisha iyo qaar ka tirsan ciidanka asluubta ee ka howlgal xabsiga dhaxe xamar.

Madasha ayaa waxaa ku sugnaa wasiirka Awqaafta iyo Arrimaha Diinta XFS taliye ku xigeenka ciidanka Asluubta iyo qaar ka mid ah culumaa’udiinta bixin doonta  tababarka  oo socon doona mudo sadex cisho ah.

Taliyaha Ciidanka Asluubta Soomaaliyeed ayaa kula dardaarmay ciidanka in ay ka faa’iideestaan aqoonta ay bixin doonan culimada  wasaaradda diinta Awqaafta.

Wasiirka cadaaladda XFS ayaa sheegay in markasta ay xooga sarayaan sare u qaadista aqoonta ciidanka asluubta lana joogtayn doono tababarada noocan oo kale ah.

Wasiirka Warfaafinta XFS ahna Guddoomiyaha guddiga Qaran ee qaban qaabada xuska maalmaha xorriyadda 26 June iyo 1-da Luulyo Cismaan Obokar Dubbe ayaa kulan la qaatay hay’adaha amniga kana dhagaystay warbixin ku saabsan maalmaha muhiimka u ah Qaranka ee xorriyaddaha,

kulankan  oo ka qabsoomay xarunta wasaaradda Warfaafinta ayaa looga hadlay hawlaha dardar gelinta maalmaha xoriyadda oo fooda inagu soo haya.