Dowladaha Soomaaliya iyo Spain ayaa kala saxiixday heshiis is-afgarad oo dhidibada u taagaya xoojinayo xiriirka labada dal,gaar ahaan dhinacyada siyaasada iyo dibolomaasiyadda.

Munaasabadda saxiixa heshiiskan oo ka dhacday magaalada Madrid, waxaa ka qeybgalay Wasiiru-dawlaha Arrimaha Dibadda iyo Iskaashiga Caalamiga ah ee Soomaaliya, Mudane Cali Maxamed Cumar iyo Xoghayaha Arrimaha Dibadda ee dalka Spain, Diego Martínez Belío.

Labada mas’uul ayaa hoosta ka xariiqay muhiimadda xoojinta iskaashiga ee laba-geesoodka ah, gaar ahaan dhinacyada amniga, arrimaha badda , horumarinta dhaqaalaha iyo raadinta fursadaha maalgashi ee dhinacyadaasi.

Wasiir Cali Maxamed Cumar ayaa dib u xaqiijiyay sida ay Soomaaliya uga go’an tahay xoojinta iskaashiga caalamiga ah ee la jaanqaadaya danaha qaranka Soomaaliyeed.

Dowladda Spain ayaa bogaadisay horumarka la taaban karo ee ay Soomaaliya ka gaartay dhinacyada xasilloonida iyo dib-u-dhiska qaranka.

Xildhibaanno iyo mas’uuliyiin kale oo ka tirsan Dowladda Federaalka Soomaaliya ayaa kormeer dhiirigalin ah ku tagay  xerada tababarka Ciidamada Xoogga Dalka ee Gobolka Bakool.

Wafdigaan oo ay sidoo kale kamid ahaayeen saraakiil ciidan waxaa  horkacaayey xildhibaan C/laahi Balaag ,kuwaas oo la kulmay boqollaal dhallinyaro ah oo la doonayo in lagu biiriyo ciidanka qaraka,kuwaas oo hadda ay u socdaan ama qaadanaya tababar ciidan,gaar ahaan aqoon ku saabsan barashada xirfadaha khuseeya difaaca iyo ilalinya dalka.

Xildhibaan /Laahi Balaag oo la hadlay ciidankaasi qaadanana tababarka ayaa ka mahadceliyay dadaalka dowladda ay ugu jirto in dhallinyarada Gobolka Bakool loo abuuro xirfado ay ku difaaci karaan deegaanada gobolkaasi iyo guud ahaan dalka.

Wafdigaasi ka socday Dowladda Feeraalka waxaa xerada tababarka ciidaka ku soo dhoweeyay saraakiil ka tirsan guutada sagaalaad ee qeybta lixdanaad,iyadoo halkaasi lagu daawaday dhoolatus ciidan oo ay soo bandhigeen dhallinyarada cusub ee uu u socdo tababarka ciidan.

Kormeerkaasi waxaa kaloo ka qeybgalay xubno ka sovday maamulka Gobolka Bakool iyo qaar kamid ah hoggaamiyaasha ururada bulshada.

Hantidhowraha Guud ee Jamhuuriyadda Federaalka Soomaaliya, Mudane Axmed Ciise Guutaale, ayaa Xaruntiisa kula kulmay masuuliyiin ka socday Urur Goboleedka Iskaashiga Dhaqaalaha ee Bariga Afrika (EAC).

Kulankaasi oo ahaa mid xasaasi ah waxaa  Hantidhowraha Guud ee Qaranka uu saxiixay qoraaladii ugu dambeyay ee la xiriiray baarista hantidhowr ee Golaha Jaamacadaha Bariga Afrika iyo sidoo kale shan mashruuc oo heer gobol ah.

Dhinaca kale, waxa uu hantidhowraha meelmariyay qorshaha baarista sanadkaan oo lagu wado in la bilaabo bisha Abriil 2026, iyadoo kulanka mudadii uu socday uu  goobjoog ka ahaa Ku-xigeenka Hantidhowraha Guud Mudane Cabdijamaal Ismaaciil.

Kulaka dhinacyadaasi waxa ay muujinayaan daahfurnaanta iyo isla xisaabtanka heer gobo lee u dhexeeya Hay’adaha Hantidhowrka Guud ee Urur Goboleedka Iskaashiga Dhaqaalaha Bariga Afrika.

Xildhibaan Yaasin C/laahi  Fareey oo ka mid ah Xildhibaanada BJFS ayaa deeq xoolo ah gaarsiiyay Ciidanka Xoogga iyo kuwa madaniga ee ka howlgala deegaanada kulaala Barigga Gobolka Gaalgaduud.

Deeqdaan oo ka koobnyd boqol neef oo ari ah waxaa loo wakiishay in ay deegaankaasi gaatrsiiyaan Guddoomiyaha Degmada CeeldheerC/axmaan Cumar Axmed iyo Daa’uud Cabdulle Raage oo ah guddoomiye ku xigeenka degmada ee dhinaca amniga iyo siyaasadda.

Munaasabad kooban oo loo sameeyay guddoonka deeqdaasi xoolaha ah waxaa ka hadkay Taliyaha ururka todobaad ee Gorgor Korneyl Maxamed Macalin Abuukar Shaarib , dhamme Muqtaar Abuukar beergeelle taliyaha ururka sadexaad iyo qaar kamid ah hoggaamiyaasha ururada bulshada,kuwaas oo ka mahadceliyay kaalmada uu soo gaarsiiyay xildhibaan Yaasiin Rareey.

Deeqdaan ayaa qeyb ka ah garab istaagga iyo dhiirigalinta cidamada ku sugan furimaha dagaalka ee lagu ciribtirayo khawaarijta,mana ahan markii ugu horeysay ee deeq xoolo ah ay helaan ciidanka xooga iyo kuwa madaniga ee ka howlgala deegaanno dhaca bariga Gobolka Gaalgaduud.

Wasaaradda arrimaha Gudaha dowladda FS ayaa dib u magacawday xubnihii maamulka gobolka Bakool, kan degmada Xudur iyo golaha deegaanka degmadaas.

Taliyaha Ciidanka Xoogga Dalka Soomaaliyeed, Sarreeye-Guuto Ibraahim Maxamed Maxamuud, ayaa kulan muhiim ah la qaatay Taliyaha Taliska Hawlgallada Gaarka ah ee Mareykanka ee Afrika (Special Operations Command Africa SOCAF), Major General Claude K. Tudor.

Kulankan ayaa diiradda lagu saaray xoojinta iskaashiga dhinaca amniga, horumarinta iyo tayeynta Ciidanka Xoogga Dalka Soomaaliyeed, iyo dardargelinta howlgalada lagula dagaallamayo argagixisada.

Labada dhinac ayaa isla qaatay muhiimadda ay leedahay in la kordhiyo tababarrada, is-dhaafsiga khibradaha, iyo taageerada farsamo ee kor u qaadaysa awoodda ciidanka, si loo xaqiijiyo amni waara oo dalka ka hirgala.

Sidoo kale, waxaa la isla gartay in la sii xoojiyo wada shaqeynta ka dhaxaysa Ciidanka Xoogga Dalka Soomaaliyeed iyo ciidamada saaxiibada caalamka, gaar ahaan howlgalada ka dhanka ah kooxaha Khawaarijta.