Wasaaradda Arrimaha Dibadda iyo Iskaashiga Caalamiga ee XFS ayaa hambalyo ku aaddan xuska sanad guurada 66-aad ee ka soo wareegatay maalintii xoriyada u dirtay Boqorka, Xukuumadda iyo Shacabka Dalka Morocco.

Wasaaradda ayaa bayaan ay soo saartay ku tiri: “Waxaan hambalyo kal iyo laab ah u diraynaa boqorka, dowladda iyo shacabka Boqortooyada Marooko oo u dabbaaldegaya munaasabadda 66-guurada ka soo wareegtay maalinta xorriyaddaFDalkaasi.

Wasaaradda Arrimaha Dibadda Soomaaliya,waxa ay u rajeeyeen maamulka Dalka Marooko in ay sii wadaan xiriirka laba geesoodka ah ee u dhexeeya Soomaaliya iyo dalkaasi  iyo guud ahaan hurumarada kale ee ay wadaagaan caalamka iyo Marooko.

Wasiirka Gaadiidka iyo  Duulista Hawada Xukuumadda Federaalka Soomaaliya, Durraan Axmed Faarax ayaa maanta gaaray magaalada Garoowe ee xarunta Puntland.

Mas’uuliyiin ka tirsan Puntland iyo qaybaha Bulshada ayaa ku soo dhaweeyay garoonka diyaaradaha.

Socdaalka Wasiirka oo saddex cisho qaadanaya, ayaa muddada uu ku suganyahay Garoowe, wuxuu kullamo la qaadanayaa mas’uuliyiinta Puntland iyo qaybaha Bulshada.

Garoowe- Madaxweynaha dowlad goboleedka Puntland Mudane Siciid Cabdullaahi Deni, ayaa soo saaray Xeer Madaxweyne Lr. 38 ee November 17, 2021 kuna saabsan magacaabid Taliyaha iyo Taliye Xigeenka 1-aad ee Ciidanka Asluubta.

Madaxweynaha dowlad goboleedka Puntland

Markuu arkay: Dastuurka Dowladda Puntland Qodobkiisa 80-aad.

Markuu arkay: Aqoondooda, kartidooda iyo waayo aragnimadooda Ciidanimo

Wuxuu xeeriyey:

1. Waxaa S/Guuto Bile Faarax Cali loo magacaabay Taliyaha Ciidanka Asluubta Dowladda Puntland.
2. Waxaa S/Guuto Cabdirisaaq Maxamuud Axmed (Gantaal) loo magacaabay Taliye Xigeenka 1-aad ee Ciidanka Asluubta Dowladda Puntland.

Xeerkani wuxuu dhaqan gelayaa markuu Madaxweynuhu saxiixo, wuuna saxiixay

Baydhabo- Howlgal ka dhan ah kooxda Nabadiidka Al-Shabab oo ay si wadajir ah u fuliyeen Ciidamada Qalabka sida oo is garabsaneya Booliska,  xoogga dalka, Nabad sugidda iyo Daraawiishta Koonfur Galbeed ayaa maanta laga fuliyey Waddada xiriirisa Deegaanka Deynuuney iyo magaalada Baydhabo iyo Deegano kale oo dhowr ah.

Howlgalka oo Afarta jiho lagu qaadey ayaa ujeedkiisu ahaa baacsiga argagixisada Al-Shabab oo xogtoodi ay heleen Ciidamada Qalabka sida in ay ku dhuumaaleysanayaan Tuulooyinka hoos yimada Deegaanka Deynuuney ee Gobolka Baay .

Taliyaha Qeybta 60-aad ee Ciidanka Xoogga Dalka Soomaaliyeed Jenaraal Maxamed Sheekh Cabdullahi Ciirow oo howlgalka horkacayay qeybna ay ahaayeen Saraakiisha Ciidamada Booliska, Nabad sugidda, Daraawiishta Koonfur Galbeed iyo Ciidanka Xoogga dalka Soomaaliya ayaa shaaciyay inay joogteynayaan howlgallada argagixisada lagula dagaalamayo, ayna qorsheynayaan inay isku furaan waddooyinka deegaannada Koonfur Galbeed.

Kismaanyo – Shirkan oo socday muddo shan cisho ah ayaa diirradda lagu saaray diyaarinta qorshe howleedka Istaraatijiyada xalka waara ee dowlad gobaleedka Jubbaland, iyadoo ay ka qeyb-galeen wasaraadaha iyo hay’adaha ay quseeyso ee dowlad gobaleedkaasi oo gacan weyn ka geystay dar-dargelinta tallaabooyinka wax looga qabanayo mushaakilaadka kala duwan ee dabiiciga ah sida abaaraha, colaadaha iyo fatahaada.

Mudane Cabdirashiid Cumar faratoon oo ah agaasimaha guud ee Wasaaradda Gargaarka iyo maareynta masiibooyinka Jubbland oo kulanka ka hadalay ayaa sheegay in muddada wadatashiga socday ay ka faa’iideyn qodobbo muhiim ah, sida Xalka Waara loogu heli lahaa dadka ku jiro xeryaha barakacayaasha iyo qaxootiga soo Guruprem-noqday sidoo kalena ay helaan waxyaabaha aas-aasiga u ah sida biyo, goobo caafimaad, waxbarasho iyo dhul iyo guri ay degaan tasoo ka dhigayso in ay la mid noqon karaan dadka kale caadiga ah nolasha ay ku noolyihiin.

Ku simaha agaasimaha guud ee Wasaaradda Qorsheynta maamulka Jubaland Mudane Cusmaan Xasan Cabdi ayaa yiri “waxaan bogaadinayaa hay’adaha kala duwan ee ka qeygalay wadatashiga ee quseeyso arrinta sida ay u muujiyeen dhabar adeeg iyo talooyinka dhaxal galka ahaa ku biiriyeen qorshe howleedka sanadlaha 2021-2022 ee Istaraatiijiyadda Qaran ee Xalka Waara ee dowlada gobaleedka Jubbalad, tani waxa ay naga caawinaysaa ka maamul ahaan inaa xalka ka gaarno mushkiladahan soo noq-noqday ee IDPs”.

Agaasimaha Xafiiska Xalka Waara ee Wasaaradda Qorsheynta Qaranka, Marwo Zahra Cabdi Maxamed ayaa tilmaamtay in watashigan maanta la soo gaba-gabeeyay qorshaha hirgelinta dowlad goboleedka Jubbaland uu la jaanqaadi doono Istaaraajiyadda Qaranka Xalka Waara, iyada oo mashaariicda horumarineed loo sameenayo Maamulka Jubland ee loogu talagalay in xal waara loogu helo barakacayaasha, qaxootiga soo guryo-noqday iyo dadka nugul.

“Ujeeddadu waa inaa qorshaha u sameeyno mudnaansiin kala duwan oo hadba sida ay u kala culus yihiin inaa u qabanno, isagoo kala jaanqaadayo Istaraajiyadda xalka waara iyo Qorshaha Horumarinta Qaranka Soomaaliyeed, marka mudnaan siinno waxaa innoo hirgelayo fulinta Istaraajiyadda qaranka ee xalka waara, iyada oo la fududeynaayo lana dar-dar gelinaayo qorshayaasha oo kor u qaadi doono awoodda iskuwidda ee waxqabadyada xalka waara ku sallaysan isla markaana hay’adaha ku howlgalaan ay tahay” ayeey tiri Zahra Cabdi Maxamed.

Xafiiska Xalka waara ee Wasaaradda Qorsheynta Qaranka waxaa ka taageerayaa barnaamijkaan Urur gobaleedka IGAD-DRDIP iyo Baanka Adduunka (WorId Bank). Iyada oo gebagabada wada-tashiga laga soo saaray qorshe howleedka sannadka 2021-2022 ee Istaraajiyadda Xalka Waara ee dowlad goboleedka Jubbaland. Sidan oo kale waxaa loola diyaariyay qorshe howleedka xalka waara ee dowlad goboleedyada kala ah Hirshabeelle iyo Galmudug.

Dhuusamareeb- Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble oo booqasho dhiirrigelin ah ugu tagay Ciidanka Xoogga Dalka ee ku sugan Galmudug ayaa  uu ku ammaanay sida geesinimada leh ee ay argagixisada iyo nabad diidka uga difaacayaan dalka, kuna boorriyay in ay sii labo jibbaaraan howsha adag ee ay qaranka u hayaan.