Wasaaradda Caafimaadka iyo daryeelka bulshada Xukuumadda Federaalka Soomaliya oo ka duuleysa qorsha ciribtirka Khawaarijta ayaa qorshaynaysa sidii adeeg Caafimaad ay u helli lahaayeen bulshada ku nool goobaha laga xureeyey Khawaarinta.

“Wasaaraddu waxay dhiiragellinaysaa, garab buuxo oo dhanka Caafimaadka ahna sii naysaa Ciidamadeena sooma jeestayaasha ah ee dhabarka u ritay difaaca Umadda Soomaaliyeed iyo baabi’inta Cadowga caadeystay dhiigga Shacabka Soomaaliyeed ee Khawaarijta.” Ayaa lagu yiri bayaan ka soo baxay wasaaradda Caafimaadka.

Waxaa Wasaaradda Caafimaadka iyo daryeelka bulshad Xukuumadda Federaalka Soomaaliya ka go’an in Ciidankeenu hellaan daryeel Caafimaad, Shacabka Soomaaliyeed ee ku dhibaataysnaa goobaha laga eryey iyo kuwa laga eryi doono Khawaarijta inay iyaguna hellaan gurmad iyo daryeel Caafimaad.

Kalfadhiga saddexaad kulankiisa 21-aad ee Golaha Shacabka Baarlamaanka Jamhuuriyadda Federaalka Soomaaliya ayaa shir guddoomiyay Guddoomiyaha Golaha Shacabka Baarlamaanka JFS Mudane Sheekh Aadan Maxamed Nuur (Madoobe), waxaana ku wehliyay Guddoomiye ku xigeenka Labaad ee Golaha Shacabka Mudane Cabdullaahi Cumar Abshirow.

Ajandaha kulanka ayaa ahaa warbixinta akhrinta 2-aad ee Hindise Sharciyeedka Howlgabka iyo liiltirka Shaqaalaha Rayidka ee Dowladda, kaas oo muhiim u ah dhammaan shaqada howlwadeennada dowladda. Xildhibaannada Golaha Shacabka BJFS oo ka dooday akhrinta labaad, ayaa fadhiga Golaha ka jeediyay tallooyin iyo muhiimada uu leeyahay sharcigan.

Guddoomiyaha Golaha Shacabka oo soo xiray kulanka maanta ayaa Guddiga Arrimaha Bulshada ee Golaha shacabka faray in soo-jeedinta iyo talooyinka Xildhibaanada kusoo daraan isla-markaana kuso celiyaan Golaha.

Dhuusamareeb:- Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa magaalada Dhuusamareeb ka furay, Shirka Golaha Wadatashiga Qaranka ee dowladda federaalka iyo dowlad-goboleedyada dalka.

Madaxda heer federaal iyo heer dowlad goboleed ayaa shirkan kaga arrinasanaya xaaladda amniga dalka, dhameystirka howlgalada dib u xoreynta, xasilinta deegaanada laga saaray Khawaarijta iyo gaarsiinta adeegyada aasaasiga ah ee bulshada.

Shirka waxaa ka soo qaybgalay, Ra’iisulwasaaraha XFS mudane Xamse Cabdi Barre, Ra’iisul wasaare ku xigeenka dalka mudane Saalax Axamed Jaamac, Madaxweynaha Galmudug Mudane Axmed Cabdi Kaariye (Qoorqoor), Madaxweynaha Jubbaland Mudane Axmed Maxamed Islaan, Madaxweynaha Koonfur Galbeed Mudane Cabdicasiis Xasan Maxamed (Lafta-gareen), Madaxweynaha Hirshabeelle Mudane Cali Cabdullaahi Xuseen (Cali Guudlaawe) iyo Guddoomiyaha gobolka Benaadir mudane Yuusuf Xuseen Jimcaale Maddaale.

:- Saraakiisha ciidamada xaq-u-dirirka deegaanka Guullane, barbaarta gaashaaman, abwaanno,dhallinyaro, haween iyo qeybaha kala duwan ee Bulshada ayaa soo dhoweyn heerkeedu sarreeyo ugu sameeyay deegaankaas saraakiisha wacyigelinta Ciidamada Xoogga Dalka oo maalmihii u dambeeyay ku sugnaa furimaha hore ee lagula dagaallamayo kooxda Khawaatijta Al-shabaab.

Waxaanna ugu horeyn goobta, shirib lagu cabirayay halganka lagula jiro Khawaarijta iyo gumaadka ay shacabka ku hayaan ka soo jeediyay abwaannada iyo waxgaradka deegaanka Guullane.

Qaar ka midnah odayaasha dhaqanka deegaanka, saraakiisha xaq-u-dirirka iyo guddoomiyaha deegaanka Guullane oo goobta ka hadlay ayaa si wadajir ah ugu mahadceliyay guud ahaan madaxda Dalka iyo sida markasta heegan ugu yihiin in Dalka laga xoreeyo Khawaarijta.

” Mahad Allaa iska leh, reer Guullane waxay ku faraxsan yihiin guusha laga gaaray Khawaarijta, waxaana madaxda qaranka u sheegeynaa in reer Guullane qeyb ka qaateen sidii Dalka looga xoreyn lahaa cadowga,” ayuu yiri mid ka mid ah waxgaradka oo goobta ka hadlay.

Sidoo kale, mid ka mid ah odayaasha dhaqanka ayaa yiri ” Dowlad la’aan waa dhib, Dowladda maanta noo timid kor Alle haka dhigo ayaa leennahay,”.

Ugu dambeyn, saraakiisha wacyigelinta ciidamada xoogga dalka ayaa ka mahadceliyay soo dhoweynta ay u sameeyeen reer Guullane, iyagoo dadka deegaanka kula dardaarmay in ay sii laba jibaaraan halganka ay kula jiraan Khawaarijta.

Ciidamada Xoogga Dalka oo kaashanaya dadka deegaanka ayaa guulo wax ku ool ka gaaray dagaalka ay kula jiraan kooxda Khawaarijta Al-shabaab oo ah koox maafiyo ah oo shacabka Soomaaliyeed dil, qarxin iyo gumaad joogta ah ku haya in ka badan 15-sanno, waxayna hadda u muuqdaan kuwo gabalkooda sii dhacayo.

:-Maamulka Wakaaladda Murtida iyo Wacyigelinta Qaranka iyo Guddiga Garsoorka Tartan Suugaaneedka Tilmaamaha Khawaarijta waxay ku wargelinayaan Bulshada Soomaaliyeed gaar ahaan Bahda Suugaanta iyo Farshaxanka (Arts) in 01/09/2023 uu billaabanayo Tartanka wuxuuna socon doonaa muddo bil ah.

Hadaba suugaanyahan kasta oo doonaya inuu ka qayb galo waa u furan yahay tartanka meel kasta oo uu ka joogo.

Wixii faah-faahin ah kala xariiri Tell: +252615579153