Xubno diblomaasiyiin ah oo ka socda Geeska Afrika,islamarkaana uu hoggaaminayay Safiirka Soomaaliya ee Dalka Shiinaha Danjire Cawaale Cali Kullane ayaa magaalada

Xianyang ee Dalka shiinaha ugu qeyb galay shir muhiim ah oo uu soo agaasimay Mudane Zhao Gang oo ah guddoomiyaha gobolka Shaanxi.

Guddoomiye Zhao Gang, ayaa si diirran ugu soo dhaweeyay dhammaan ka soo qaybgalayaasha bandhigga 30-aad ee carwada Beeraha iyo Teknooojiyadda  Shiinaha ee Yangling (CAF) , wuxuuna muujiyay sida ay Shiinaha uga go’an tahay in ay sii ballaariso iskaashiga gobolka Geeska Afrika ee horumarinta wax soo saarka Beeraha.

Danjire Cawaale Kullane ayaa uga  mahadceliyay guddoomiye Zhao Gang soo dhoweyna milgaha iyo sharafta leh ee loo sameeyay isaga iyo wafdiga diblomaasiyiinka geeska Afrika uu hoggaaminayay, wuxuuna carabka ku adkeeyay muhiimadda ay beeruhu u leeyihiin Geeska Afrika, sidoo kale, waxaanu aad uga mahadceliyay rabitaanka Shiinaha ee ah inay iska kaashadaan arrimahan muhiimka ah.

Kulanka ka dhacay magaalada Shaanxi ayaa ahaa mid muhiim u ah xoojinta iskaashiga dhinaca beeraha ee u dhexeeya Shiinaha iyo dalalka Geeska Afrika. Waxaana lagu asteeyay shucuur iskaashi, is ixtiraam iyo go’aan laga gaaro wadaagida kheyraadka, wax ka qabashada caqabadaha jiraiyo fursadaha ka jira Geeska Afrika.   

Munaasabadd Kooban oo maanta ka dhacday Dekadda weyn ee Magalaada Muqdisho ayaa Guddoomiyaha hay’adda Mareeynta Musiiboyinka Qaranka Soomaaliyed ee SoDMA mudane Maxamuud Macalim Cabdulle waxa uu dowladda Qatar kala wareegay deeq Gargaar mucaawino ah.

Goobta deeqdaan lagula kala wareegayey waxaa ku sugnaa Safiirka Dowladda Qatar u Fadhiya Soomaaliya, mudane Cabdalla Binu Saalim Al-nuceymi,Guddoomiyaha hay’adda Mareeynta Musiiboyinka Qaranka Soomaaliyed ee SoDMA Mudane Maxamuud Macalim Cabdulle, Masuuliyiin katirsan Qatar Charity iyo Xubno ka socday Maamulka Dekadda.

Mucaawinadan ayaa gaaraysa 150-Tan oo Timir ah,waxaana loogu talagalay in la gaarsiiyo dadka dantayar iyo kuwa ku nool deeganadii khawaarijta Al-shabaab laga saaray.

Wasiirka Wasaaradda Shaqada iyo Arrimaha Bulshada XFD, Mudane Dr. Maxamed Cilmi Ibraahim ayaa kulan la yeeshay Safiirka Dawladda Qatar u fadhiya Soomaaliya Safiir Dr. Abdolla salem alnuaimi .

Labada dhinac ayaa ka wada hadlay arrimaha la xiriira shaqo abuurka iyo xirfad siinta bulshada, kor u qaadista wada shaqeynta, iskaashiga iyo mashariicda ay isla wadaan Wasaaradda iyo Dawladda Qatar.

Sidoo kale Wasiirka ayaa Safiirka uga xog-waramay dedaallada ay Wasaaraddu ka waddo kor u qaadista shaqo abuurka iyo horumarinta barashada xirfadaha  bulshada gaar ahaan dhallinyarada.

Safiirka ayaa isaguna dhankiisa xusay in xiriirka labada dal uu yahay mid soo jireen ah oo u baahan in la sii xoojiyo.

Ugu danbayntii Wasiirka ayaa uga mahad naqay Safiirka soo dhaweynta quruxda badan sido kalena ballan qaaday xoojinta xiriirka.a

Wali waxaa socda dardargalinta dagaal ee lagula jiro kooxda Khawaarijta ah, islamarkaana ay socda howasha toosinta habaca gala habsami u socodka gulufka lagu ciribtirayo Maleeshiyaadka gabalkoodu dhacay, sidaasi awgeed ayuu Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayuu Xeer Madaxweyne ugu magacaabay Sareeye Guuto Madeey Nuureey Sheekh Taliye Ku xigeenka Ciidanka Xoogga Dalka Soomaaliyeed, iyo sidoo kale, Madaxweynaha ayaa darajada Gaashaanle Sare u dalacsiiyey Dayax Cabdi Cabdulle, waxa uuna u magacaabay Taliyaha Ciidanka Lugta ee Ciidanka Xoogga Dalka Soomaaliyeed, waxaana uu magaacaabistan ku saleeyay sharciga dhismaha Ciidanka Xoogga dalka ee Lr. 15 ayaa u rajeeyay Taliyayaasha cusub in uu Alle u fududeeyo gudashada howlaha muhiimka ah ee horyaalla.

Madaxweynaha ayaa xusay in muwaadin kasta oo Soomaaliyeed, Shacab iyo Ciidanba ay maanta hortaallo mas’uuliyad adag oo ku saabsan xoreynta dalka, isagoo bogaadiyay sida naf-hurnimada leh ee Ciidamada Qalabka Sida iyo Shacabka Soomaaliyeedba ay uga go’an tahay in dalka laga sifeeyo Khawaarijta, iyadoo uu Xeerkan Madaxweyne uu ku dhaqan-galay shalay oo Isniin ah, 18-ka Sebteembar 2023, saxiixa Madaxweynaha Jamhuuriyadda Federaalka Soomaaliya.

Maxay tahay Xogta magacaabista labada taliye?: Magaalada Dhuusamareeb waxaa beryahaanba shirar gaar ah uu la qaatay Madaxweyne Hassan Sheikh Mohamud Taliyaha xoogga dalka Gen. Ibraahim Sheekh Muxudiin, iyadoo kulamadaasi diiradda lagu saaray xoojinta dagaalka iyo saxidda qalalaadka jiray ee ciidanka xoogga dalka.

Madaxweyanaha ayaa Wasiirka Gaashaandhiga iyo Taliyaha xoogga kala hadlay xoojinta dagaalka iyo kala saarista shaqooyinka cid walba ay leedahay, wuxuuna siiyay hoga-tusaaleyn cid walba shaqda ay gooni u leedahay, wuxuuna ka dhageystay talooyinka la xariira wax ka bedelka taliska Ciidamada gaar ahaan ciidanka lugta.

Taliye Dayax ayaa ahaa sarkaal ka tirsanaa ciidanka , waxa uuna ahaa taliyaha ciidamada GorGor, isagoo ka horna ahaa abaanduule ka tirsanaa ciidanka koofiya casta Madaxtooyada Qaranka ee Villa Soomaaliya.

“Dowladeena Soomaaliyeed in aan garab istagaano, Ciidamadeen in aan garab isgaagno, dadka deegaanka oo soo jeestay oo wacyigooda sidii hore uu ka duwan yahay in la garab istaago waaye,” sida uu yiri guddoomiye ku xigeenka Gobolka Banaair Mudane Yabooh. Deeqdaan uu shalay gobolka Banaadir uu ku wareejiyey ciidama dowladda ee xilligaan dagaalka kula jira Khawaarijta waxa ay aheyd mid uu maamulka horay u balan qaaday, iyada oo Guddoomiyaha Gobolka uu sheegay in ka maamul ahaan ay diyaar u yihiin garab istaaga Ciidamada.

“Guddoomiyaha gobalka Banaaddir, ahna duqa magaalada Muqdisho, Sh. Yuusuf Xuseen Jimcaale “Maddaale” wuxuu joogaa furinta dagaalka lagula jiro Kooxda Khawaarijta ah ee Al-shabaab,  ma ahan nin dagaal, balse waa nin abaabul, sidaasi darteed, waxaan qabaa ha laga faa’iideysto fursaddaasi. Wuxuu hormuud u yahay mudanayaal badan oo furimaha hore ee dagaalka ku sii jeeda. Waxaan hubaa haddii Guddoomiye Maddaale uu dego deegaannada Degmada Ruunnirgood mid ka mid ah sida: Nuurdugle, Caddaan-laxeey ama degmada lafteeda in la heli doono kumannaan macaawisleey ah oo naftooda u hura deegaanka, kuwaasi oo intooda badan weli la’ cid ay aaminaan”, sidaasi waxaa SONNA u sheegay mid ka mid dadka dadka deegaanka Ruunnirgood. “Madaxweynihii adiga ku soo magacaabay, islamarkaana mas’uuliyadda Ummadeed kugu aaminay ayaa hortaada furin uga jira, sidaa darteed iima muuqato fursad aad ku dayacdo midda maanta aad heysato deegaankaaguna kaa naawilayo. Nin walboow naftaa, Nabiyoow Ummaddaa ayaa xaalku marayaa e”, ayuu sii raaciyay.

Wararka naga soo gaaraya Gobolka Shabeellaha Dhexe ayaa sheegaya in la go’doomiyay koox ka tirsan maleeshiyada Khawarijta ah ee Shabaabka ee ku sugan deegaanno hoos taga Cali Fooldheere, oo hoostagga Degmada Mahadaay ee gobolkaasi, kadib dagaal halkaasi ka dhacay, waxayna Wararka hordhaca ah ay sheegayaan in koox maleeshiyadaasi ay ka soo gudubtay daanta galbeed ee Webiga Shabeelle, si ay weeraro uga gaystaan waddooyinka ku yaala inta u dhaxeyso Degmooyinka Aadan Yabaal, Mahadaay iyo Jalalaqsi, iyadoo Diyaaradaha Dagaalka Drones-ka ay ka qeyb qaateen Weerarka.

Ciidamada ayaa shalay dagaal culus la galay Shabaabka, oo ka dhex dagaalamaya dhulka howdka ee ku teedsan Webiga, iyadoo ay dhimasho badan iyo khasaare dhaawacyo u badan ka dhacey deegaanka, waxayna ku hareersan yihiin ama go’doonsan yihiin godod halkaasi ka qoteen, waxaana u furan tahay hal waddo oo keliya, waana waddada ay Webiga uga tallaabi karaan daanta galbeed ee gobolkaasi, taasina suurtogal uma aha taasina.

Deegaannada ay Khawaariijta muddo ka badan 24 saac ku go.doonsan yihiin ayaa kala ah Ciid ciidka iyo Xuseen barbaar ee Degmada Mahadaay ee Gobolka Shabeelada Dhexe, waxaana lagu sheegay inay meeshaasi tahay dhul howd ah oo ay Maleeshiyaadka Shabaabku gabaad ka dhigan karaan, kana soo qaadi karaan weerarada gaadmada ah, in laga saarana ay muhiim u tahay xasilloonida labada gobol ee Hiiraan iyo Sahabeelada Dhexe ee Maamul-goboleedka Hirshabelle, waxaana la soo warinayaa in haatan la Qorshaha in Ciidamada ay duleedka Ceelbaraf ka xiraan waddada gasha dhulka howdka iyo midda kale ee tagta Webiga.

Safiirka Jamhuuriyadda Federaalka Soomaaliya ee Dalka Shiinaha Danjire Cawaale Kullane ee Soomaaliya ayaa ka qeyb galay furitaanka bandhigga 30-aad ee carwada farsamada sare ee Beeraha iyo teknoloojiyadda Shiinaha (Yangling Agricultural High-tech Fair (CAF) oo lagu qabtay gobolka Shaanxi.

Bandhigan oo soconaya muddo afar maalin ah (Sebtembar 19 ilaa 23) ayaa diiradda lagu saarayaa hal-abuurnimada sayniska ee kobcinta iyo horumarinta tayada Beeraha.

Waxaana Bandhigan uu ujeedkiisu yahay in lagu soo bandhigo horumarka dhanka Beeraha iyo kobcinta iskaashiga khubarada iyo hogaamiyayaasha warshadaha.

Danjiraha Soomaalliya ee Shiinaha Amb. Cawaale Cali Kullane  oo ka qeyb galay madashan ayaa hoosta ka xariiqay in ay Soomaaliy ka go’an tahay xoojinta xiriirka Shiinaha iyo horumarinta beeraha Geeska Afrika.

CAF 2023 waxay bixisaa aragtiyo qiimo leh oo ku saabsan horumarinta Beeraha casriga ah iyo hal-abuurka tiknoolajiyada ee kor u qaadi kara sugnaanta cuntada iyo kicinta kobaca dhaqaalaha Soomaaliya iyo guud ahaan gobolka.