Guddoomiyaha Hay’adda Maareynta Musiiboyinka Qaranka Mudane Maxamuud Macallim Cabdulle, ayaa maanta xarunta dhexe ee SoDMA waxa uu ku qaabilay Xildhibaan Hodan Xasan oo ka tirsan Aqalka Wakiillada Gobolka Minnesota ee dalka Mareykanka.

Guddoomiyaha ayaa xildhibaanada uga warbixiyey sameenta dalkeena ka soo gaartay isbeddelka Cimilada, jawaab celinta hay’adda ka bixisay daadadka iyo fatahaadaha El-Niño ee Gobolada dalka Ku dhufatay iyo dadaalada ay wali wado.

Xildhibaan Hodan Xasan ayaa sheegtay in ay u sameen doonto hay’adda u Qaraamid( Advocacy) dhinaca Diasporada ah, si hay’adda ay uga cawiyaan gurmadka ay wado.

Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa maanta ka qeybgalay munaasabadda xuska sanad guurada 11-aad ee dib u aas-aasida Waaxda Gurmadka Deg-Degga ee maamulka gobolka Banaadir iyo dowladda hoose ee Xamar.

Waaxdaan oo laf dhabar u ah adeegyada dowladda hoose ay u heyso bulshada gobolka Banaadir ayaa waxaa dib loo aas-aasay sanadkii 2012-kii, iyadoona Howlwadeenada waaxdaan ay gurmad naf hurnimo ah u fidiyaan shacabka Soomaaliyeed, haba ugu darnaato xilliyada ay kacaan dababka.

Duqa Magaalada Muqdisho oo munaasabadda ka hadlay ayaa aad ugu dheeraaday dadaalada Naf-hurnimo oo ay howlwadeenada Waaxda Gurmadka Deg-degga ay sameeyaan, asigoona xusay in Maamulka Gobolka ay ka go’an tahay tayeynta iyo ka warqabka Howlwadeenada waaxda, maadaama ee yihiin kuwa ka shaqeeya shaqada ugu adag ee lagu bad-baadiyo Nafta iyo Maalka Shacabka Soomaaliyeed.

Munaasabadda waxaa goobjoog ka ahaa Agaasimaha waaxda Gurmadka Deg-degga Maamulka Gobolka Banaadir iyo Dowladda Hoose ee Xamar Mudane Cabdiqani Maxamed Axmed, qaar ka mid ah Agaasimeyaasha Maamulka Gobolka Banaadir iyo Howlwadeenada Waaxda Gurmadka Deg-degga.

Hay’adda Bisha Cas Turkiga ayaa maanta olole caafimaad oo indho fiiqid ah ka bilowday magaalooyin badan oo Soomaaliyeed, oo ay ka mid yihiin Muqdisho, Gaalkacyo iyo Doolow.

Hay’adda Turkish Foundation ayaa fulinaysa mashruucan loogu talagalay in 512 bukaan si lacag la’aan ah loo sameeyo baaritaanno iyo qaliin indha fiiqid. Wajiga koowaad ee mashruucan ayaa waxaa laga furay Isbitaalka “National Eye Hospital” ee ku yaala magaalada Muqdisho.

Guddoomiye ku-xigeenka Bisha Cas ee Turkiga Taner Kurt ayaa sheegay inuu rajeynayo in ololahan uu ka qayb qaadan doono wax-ka-beddelka-nolosha dadka deegaanka, isagoo xusay in uu socon doono muddo saddex toddobaad ah.

Kampala:- Furitaankii shirwaynaha 16aad ee Markaz Al-Towxiid ee Magaalada Kampala ayaa waxaa ka qeybgalay Siihayaha Safaaradda Soomaaliya ee Kampala Mudane Cabdiladiif Maxamuud Cali.

Mudane Cabdiladiif ayaa bogaadiyay doorka culimada Soomaaliyeed ay ku leeyihiin fidinta diinta islaamka una rajeeyay muxaadarooyinka halkan culumada Soomaaliyeed kasoo jeedinayaan in ay noqdaan kuwo ay ka faa’iidaystaan bulshada reer Kampala ee kasoo qeyb galay.

Kulanka dacwada islaamka ee Markaz Al-Towxiid oo ah kii 16aad ee lagu qabto dalkan Uganda ayaa waxaa muxaadarooyin kala duwan ka bixin doona qaar ka mid culimada aadka looga yaqaan degaanada soomaalida.