𝐖𝐚𝐬𝐢𝐢𝐫 𝐖𝐚𝐬𝐚𝐚𝐫𝐚𝐝𝐝𝐚 𝐂𝐚𝐚𝐟𝐢𝐦𝐚𝐚𝐝𝐤𝐚 𝐢𝐲𝐨 𝐝𝐚𝐫𝐲𝐞𝐞𝐥𝐤𝐚 𝐛𝐮𝐥𝐬𝐡𝐚𝐝𝐚 𝐗𝐮𝐤𝐮𝐮𝐦𝐚𝐝𝐝𝐚 𝐅𝐞𝐝𝐞𝐫𝐚𝐚𝐥𝐤𝐚 𝐒𝐨𝐨𝐦𝐚𝐚𝐥𝐢𝐲𝐚 𝐇.𝐄 Dr. Ali Haji Adam 𝐚𝐲𝐚𝐚 𝐦𝐚𝐚𝐧𝐭𝐚 𝐝𝐚𝐚𝐡𝐟𝐮𝐫𝐞𝐲 𝐌𝐚𝐝𝐚𝐬𝐡𝐚𝐝𝐚 𝐈𝐬𝐤𝐚𝐚𝐬𝐡𝐢𝐠𝐚 𝐚𝐝𝐞𝐞𝐠𝐠𝐚 𝐠𝐚𝐚𝐫𝐤𝐚 𝐥𝐨𝐨 𝐥𝐞𝐞 𝐲𝐚𝐡𝐚𝐲 𝐢𝐲𝐨 𝐚𝐝𝐞𝐞𝐠𝐠𝐚 𝐃𝐨𝐰𝐥𝐢𝐠𝐚 𝐚𝐡 𝐞𝐞 𝐪𝐞𝐲𝐛𝐭𝐚 𝐂𝐚𝐚𝐟𝐢𝐦𝐚𝐚𝐝𝐤𝐚.

Munaasabadda waxaa goobjoog ka ahaa Agaasimaha guud ee Wasaaradda Caafimaadka Dr. Guuleed Cabdijaliil waxaana kasoo qeybgaley Wasiiro ka tirsan Xukuumadda Federaalka Soomaaliya, agaasimayaal, xubno ka socdey qeybaha gaarka loo lee yahay iyo kuwa Dowliga ah ee qeybta Caafimaadka Soomaaliya, aqoonyahano, kaadiriin dhanka Caafimaadka ah, Dhaqaatiir iyo marti sharaf kale.

Munaasabadda Daahfurka madasha wadahadlka u dhaxeeya qeybaha gaarka loo leeyahay iyo kuwa Dowliga ah ee bixiya Caafimaadka waxaa looga hadley isdii labada dhinac ay si wadajir ah u wada shaqeyn lahaayeen iyo in la hello jawi wadashaqeyn oo ka duwan midka hadda jira si loo gaaro yoolka fog ee ah in bulshadeenu hesho Caafimaad nidaamsan oo tayeysan taasoo qeyb ka ah bartilmaameedka Caafimaadka horumarsan ee dalkeena.

Dhammaan madaxdii kasoo qeybgashey ayaa tilmaantey in wadashaqeynta qeybaha gaarka iyo kuwa dowliga ah ay ka dhigan tahay in isbadal xoogan oo dhinaca horumarka ah uu ku socda Caafimaadka Soomaaliya taasoo muujineysa dadaalka aan kala joogsiga la heyn ee ay Wasaaradda Caafimaadka iyo daryeelka bulshada Xukuumadda Federaalka Soomaaliya ku baadi goobeyso xaqiijinta Caafimaadka dhameystiran ee Soomaaliya.

Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya Dr. Ali Haji aden ayaa sheegey in waajib qaran ay tahay wadashaqeynta labada dhinac si bulsho waynta Soomaaliyeed ee u heelan adeegyada Caafimaadka u helaan, waxa uuna ka mahad celiyey in dedaalada qeybaha gaarka loo leeyahay iyo kuwa Dowliga ah ay markasta ugu hiilinayaan dadkeena.

Wasaaradda Caafimaadka iyo daryeelka Bulshada Xukuumadda Federaalka Soomaaliya waxaa ka go’an wax ka qabashada baahiyaha Caafimaad ee ka jira Dalka iyo sidii lagu horumarin lahaa Caafimaadka
<span;>Soomaaliya si loo gaaro yoolka horumarinta Caafimaadka Qaranka.

Afhayeenka Booliska soomaaliyeed Qaasim Axmed Rooble oo warbaahinta la hadlay ayaa sheegay in ay howlgal ay xalay abaara 12:00 Habeenimo  ka sameeyeen magaalada Muqdisho ku soo qabteen tiro hoobiyaal oo gaarayo ilaa iyo 140 xabo oo isugu jiro kuwa garbaha laga tuuro iyo kuwa laga sameeyo Baaruudda qaraxda.

Afhayeenka ayaa sheegay in howlgalkan oo meelo kala duwan ka dhacay uu ka dhashay kadib markii kooxda Khawaarijta soo tuureen labo Hoobiye kadibna ciidanka sidaas ku tixraaceen.

Sidoo kale afhayeenka ayaa sheegay in dabkii saaka aroortii hore ka kacay Suuqa Bakaaraha uu ka dhashay qarax ay Khawaarijga ku qariyeen meel qashin ah

Ra’iisul Wasaaraha Jamhuriyadda Federaalka Soomaaliya, Mudane Xamsa Cabdi Barre ayaa maanta xarigga ka jaray Xarun cusub oo qayb ka qaadanaysa ka hortagga isbeddelka cimillada iyo nabaadguurka deegaanka.

Ra’iisul Wasaaraha ayaa bogaadiyey dadaalka Wasaaradda Deegaanka iyo Isbeddelka Cimillada ee la xiriira sidii loo heli lahaa Soomaaliya cagaaran oo ka guuleysata saameynta ay isbeddelka cimilladu ku yeelatay deegaanka.

Mashruucan oo qeyb ka ah hirgelinta hal abuurkii Madaxweynaha Jamhuuriyadda ee Soomaaliya Cagaaran iyo beerista 10, milyan oo Geed, ayaa waxa hirgelinteeda iska kaashaday Wasaaradda Deegaanka iyo Isbeddelka Cimillada iyo Shirkadda ka hortagga abaaraha, horumarinta deegaanka iyo duurjoogta ee Afrika (ADILP).