Waxaan halkan idin kugu soo gudbineybaa Warbixinta Toddobaadlaha ee
Dowladda Federaalka Soomaaliya.
1- Madaxweyne Xasan Sheekh Maxamuud oo booqasho shaqo ku tegay magaalada Dooxa ee dalka Qatar.
2- Madaxweyne Xasan Sheekh Maxamuud oo magaalada Dooxa kulan kula yeeshay madaxda dalka Qatar.
3- Madaxweyne Xasan Sheekh Maxamuud oo khudbad ka jeediyay Madasha Al Jazeera oo sannadkan looga hadley xaaladda Gaza, iyo dib u qaabeynta nidaamka amniga iyo xasiloonida dunida.
4- Madaxweyne Xasan Sheekh Maxamuud ayaa ugu baaqey dhammaan hay’adaha dowladda iyo shacabka inay si wadajir ah uga shaqeeyaan, mudnaanta koowaadna siiyaan hawlaha gurmadka degdegga ee abaaraha.
5- Madaxweyne Mudane Xasan Sheekh Maxamuud ayaa ka qeyb galay xarig jarka mashaariic horumarineed oo laga hirgeliyay Dowlad Deegaanka Soomaalida Ethiopia, isagoo bogaadiyay horumarka, nabadda iyo isbedelka ka jira degaanka.
6- Madaxweyne Xasan Sheekh Maxamuud, ayaa hambalyo iyo bogaadin u diray xubnaha loo doortay hoggaanka cusub ee Guddiga Madaxa-Bannaan ee Xuquuqul Insaanka Qaranka,isagoo kula dardaarmay in ay xoogga saaraan horumarinta iyo ilaalinta xuquuqda aadanaha, xoojinta cadaaladda iyo kor u qaadidda isla xisaabtanka.
7- Madaxweyne Xasan Sheekh Maxamuud oo magaalada Jigjiga kulamo kula yeeshay Ra’iisul Wasaaraha Ethiopia Abiy Ahmed Ali iyo Madaxweynaha Djibouti, Ismaaciil Cumar Geelle.
8- Madaxweyne Xasan Sheekh Maxamuud, ayaa soo saaray wareegto lagu magacaabay shan mas’uul oo ka mid noqonaya maamulka Jaamacadda Ummadda Soomaaliyeed.
9- Ra’iisul Wasaare Xamsa Cabdi Barre ayaa u magacaabay Maxamed Isaaq Cabdinuur inuu noqdo Agaasimaha Guud ee Adeegyada Wasaaradda Waxbarashada,iyadoo Marwo Xabiibo Cali Maxamed loo magacaabey Agaasimaha Guud ee Horumarinta Waxbarashada Farsamada Gacanta iyo Xirfadaha.
10- Ra’iisul Wasaare Xamsa Cabdi Barre, ayaa xilka u kala wareejiyey Taliyaha cusub ee Ciidanka Xoogga Dalka Soomaaliyeed, Sarreeye Guuto Ibraahim Maxamed Maxamuud, iyo Taliyihii hore, S/Gaad Odawaa Yuusuf Raage.
11- Ra’iisul Wasaare Xamsa Cabdi Barre, ayaa magaalada Muqdisho ku qaabilay Agaasimaha Guud ee Hay’adda Hay’adda Horumarinta iyo Iskaashiga Switzerland, Danjire Patricia Danzi.
12- Ra’iisul Wasaare Xamsa Cabdi Barre ayaa xarigga ka jaray waddo casri ah oo laga hirgeliyey Degmada Wadajir, gaar ahaan Buulo-Xuubey.
13- Ra’iisul Wasaare Xamsa Cabdi Barre, ayaa mar kale si cad u caddeeyay mowqifka dowladda ee ku aaddan difaaca qarannimada, isagoo sheegay in midnimada dalka ay tahay muqaddas.
14- Ra’iisul Wasaare Ku-Xigeenka Soomaaliya Mudane Saalax Axmed Jaamac, ayaa qaabilay wafdi heer sare ah oo ka socday hay’adda caalamiga ah ee Mercy Corps, waxaana kulankaasi diiradda lagu saarey cunno-yarida iyo xoojinta amniga deegaannada gargaarka u baahan.
15- Wasiirka Arrimaha Dibadda iyo Iskaashiga Caalamiga ah Mudane Cabdisalaam Cabdi Cali ayaa khadka telefanka wadahadal kula yeeshay Wasiirka cusub ee Arrimaha Dibadda ee Kuwait Mudane Sheekh Jarraah Jaaber Al-Axmad Al-Sabah.
16- Wasiirka Arrimaha Dibadda iyo Iskaashiga Caalamiga ah Mudane Cabdisalaan Cabdi Cali, ayaa magaalada Pretoria booqasho sharafeed ugu tagay Madaxweynihii hore ee Jamhuuriyadda Koonfur Afrika, Mudane Thabo Mbeki.
17- Wasiirka Arrimaha Gudaha Federaalka iyo dib-u-Heshiisiinta Cali Yuusuf Cali ayaa la kulmay wafdi sare oo ay hoggaamineysay Agaasimaha Guud ee hay’adda Horumarinta iyo Iskaashiga Switzerland (SDC), Ambassador Patricia Danzi.
18- Dowladda Federaalka Soomaaliya ayaa mar kale xaqiijisay in gogosha wadahadalku ee loo fidiyay Golaha Mustaqbalka ay weli furan tahay, si loo xoojiyo midnimada iyo wada-tashiga qaran, iyadoo dowladdu ay muujineysao in ay ka xun tahay dib u dhaca ku yimid shirka 1-dii bishan.
19- Dowladda Federaalka Soomaaliya ayaa ku dhawaaqday inay mudnaanta koowaad siinayso bedqabka muwaadiniinta, iyadoo xoojisay fulinta xeerarka iyo amarrada amniga ee horay loo meel mariyay.
20- Wasiirka Arrimaha Dibadda iyo Iskaashiga Caalamiga ah Mudane Cabdisalaam Cabdi Cali, ayaa magaalada Pretoria kulan kula yeeshay Wasiirka Xiriirka Caalamiga ah iyo Iskaashiga Jamhuuriyadda Koonfur Afrika.
21- Madaxweynaha Dowlad-Goboleedka Koonfur Galbeed, Cabdicasiis Xasan Maxamed (Laftagareen), ayaa xarunta madaxtooyada magaalada Baydhabo ku qaabilay Guddoomiyaha Guddiga Madaxa-bannaan ee Doorashooyinka Qaranka, Mudane Cabdikariin Axmed Xasan.
22- Wasiirka Caafimaadka Soomaaliya, Mudane Cali Xaaji Aadan, iyo Wasiir-ku-xigeenka Caafimaadka Ruushka, Oleg Salagay, ayaa magaalada Geneva ku kala saxiixday heshiis is-afgarad (MoU) oo lagu xoojinayo iskaashiga caafimaad ee labada dal.
23- Wasiirka Amniga Gudaha Cabdullaahi Sheekh Ismaaciil (Fartaag), ayaa guddoomiyay shir muhiim ah oo ay yeesheen guddiga heer qaran ee ka shaqeynaya arrimaha la-dagaallanka tahriibinta iyo safarrada sharci darrada ah.
24- Wasiirka Gaashaandhigga Mudane Axmed Macallin Fiqi, ayaa kulan la yeeshay Safiirka Midowga Yurub ee Soomaaliya, Danjire Francesca Di Mauro,iyagoo ka wada hadlay taageerada dhinacyada farsamada iyo agabka ee loo fidiyo Ciidanka Xoogga Dalka Soomaaliya.
25- Wasiirka Caafimaadka iyo Daryeelka Bulshada, Mudane Cali Xaaji Aadan ayaa ka qayb-galay furitaanka shirka 158-aad ee Guddiga Fulinta Hay’adda Caafimaadka Adduunka (WHO), kaas oo ka furmay magaalada Geneva ee dalka Switzerland.
26- Wasiirka Gaashaandhigga Soomaaliya, Mudane Axmed Macallin Fiqi, ayaa si rasmi ah u furay kulanka Guddiga Difaaca Qaranka, kaas oo ah madal muhiim u ah jihaynta amniga dalka.
27- Wasiirka Shaqada iyo Arrimaha Bulshada Mudane Saalim Caliyow Ibrow, ayaa daah rogay sharciga cusub ee shaqada ee heer qaran.
28- Wasiirka Arrimaha Dibadda iyo Iskaashiga Caalamiga ee Soomaaliya, Mudane Cabdisalaan Cali, ayaa ka qayb-galay kulanka gabagabada ee Shirka Hindiya–Carabta, oo ka dhacay magaalada New Delhi.
29- Wasiirka Tamarta iyo Khayraadka Biyaha Cabdullaahi Bidhaan Warsame, ayaa si rasmi ah u furay Shirka Isku-duwidda Tamarta iyo Biyaha ee Federaalka iyo Maamul Goboleedyada ,oo ka dhacay magaalada Muqdisho .
30- Wasiir Ku-Xigeenka Warfaafinta, Dhaqanka iyo Dalxiiska Cabdiraxmaan Yuusuf Al-Cadaala, ayaa magaalada London kaga qayb-galay munaasabad ballaaran oo lagu taageraayey maamulka cusub ee Waqooyi Bari.
31- Danjiraha Soomaaliya u fadhiya Aljeeriya Mudane Yusuf Axmed Xasan ayaa kulan la yeeshay madaxda Gudoonka Aqalka Sare ee Baarlamaaka Dalka Algeria.
32- Ciidanka Hay’adda Sirdoonka iyo Nabadsugidda Qaranka (NISA) oo hawlgal qorshaysan ka fuliyay deegaanka Maxaa Saciid ee Gobolka Shabeellaha Dhexe,ayaa lagu dilay 13 ka tirsan Khawaarijta.
