Madaxweynaha Jamhuuriyadda Federaalka Soomaaliya mudane Xasan Sheekh Maxamuud ayaa caawa wada-hadal telefoon ah la yeeshay dhiggiisa Jamhuuriyadda Turkiga Mudane Rajab Dayib Erdogan.

Labada Madaxweyne ayaa ka wada hadlay sidii loo xoojin lahaa iskaashiga istaraatiijiga ah ee u dhexeeya labada dal ee walaalaha ah, gaar ahaan dhinacyada tamarta iyo difaaca.

Madaxweyne Erdogan ayaa xaqiijiyay in Turkigu uu sii wadi doono taageerada uu u fidiyo Soomaaliya, isaga oo adkeeyey muhiimadda Turkigu uu siinayo madaxbanaanida, gobnimada iyo midnimada dalka iyo dadka Soomaaliyeed iyo taageerada hawlgallada Ciidanka qalabka sida ee dabar-goynta argagixisada.

Qaahira: Safiirka Jamhuuriyadda FS ee Masar ahna wakiilka joogtada ah ee ururka Jaamacadda Carabta danjire Cali Cabdi Awaare ayaa maanta booqasho sharafeed ugu tagay Safiirka dalka aan walaalaha nahay ee Mauritania mudane Al-xuseen Siidii Cabdalla oo xilligan ah guddoomiyaha golaha Jaamacadda Carabta meertada 161-aad.

Labada Danjire ayaa ka wada hadlay Xiriirka iskaashi iyo danaha labada wadan oo ku wada jiro ururo caalami ah

Xafiiska Ra’iisul Wasaaraha iyo Wasaaradda Qorsheynta, Maalgashiga iyo Horumarinta Dhaqaalaha ee Xukuumadda Federaalka Soomaaliya, ayaa maanta si rasmi ah u daahfuray Aqoon Isweydaarsiga tiirka arrimaha Bulshada iyo kobaca karaanka Aadanaha ee Qorshaha Isbedelka Qaran (QIQ: 2025-2029).

Aqoon isweydaarsigan, oo socon doona muddo labo maalmood ah, ayaa waxaa si qoto-dheer loogu falanqeyn doono jaangoynta qeybaha uu ka koobnaan doono Tiirka Arrimaha Bulshada iyo Kobaca Karaanka Aadanaha.

Xoghayaha Joogtada ah ee xafiiska Ra’iisul Wasaaraha mudane Kamaal Guutaale oo furitaanka munaasabadda hadal ka jeediyey, ayaa sheegay in Aqoon isweydaarsigan muddada uu socdo lagu gorfeyn doono sidii shacabka soomaaliyeed looga haqabtiri lahaa adeegyada waxbarasho, caafimaad, shaqo abuurka, horumarinta dhallinyarada, Haweenka iyo dhamaan arrimaha horutabinta u leh horumarinta arrimaha Bulshada.

Dhanka kale, waxaa maanta la soo gaba-gabeeyay shir labo maalmood ah oo loogu talagalay daadihiyayaasha Ardaaga Tiirka horumarinta dhaqaalaha ee Qorshaha Isbeddelka Qaran (2025 – 2029).

Wasaaradda hawlaha guud, dib udhiska iyo guryeynta dowladda FS iyo shirkadda Cat’s ayaa kala saxiixdey heshiis ku saabsan daraasadda maareynta daadadka iyo sahminta biyo mareenada magaalooyinka Beledweyne Iyo Dhuusa-mareeb.

Heshiiskaan oo uu saxiixey wasiirka wasaaradda hawlaha guud Cabdisalaam Cabdi Cali (Dhaay) ayaa looga golleeyahay maareynta daadadka iyo fatahaadada soo lalaabtey ee Magaalada Beledweyne ee Gobolka Hiiraan Iyo sidoo kale daraasad lagu diyaarinayo helida goobaha biyo mareenada magaalada Dhuusamareeb oo ay wasaaraddu qorsheyneyso inay wadooyin ka hirgeliso, si looga hortago fatahaado ka imaan kara xilliyada roobabka iyo Isbedelka Cimilada.

Kulanka heshiiskan lagu kala saxiixdey waxaa sidoo kale goob joog ahaa Duqa Degmada Beledweyne Guddoomiye Nadar Tabax iyo wasiirka hawlaha guud ee Galmudug Axmed Dhiblaawe Casir.

Mashruuca Nagaad oo ay hormuud u tahay wasaaradda hawlaha guud ee dowladda FS ayaa laga fuliyaa 5 dowlad goboleed iyo gobolka Banaadir, kaas oo uu maalgelinayo Bangiga Adduunka.

Maxkamadda gobolka Banaadir ayaa maanta eedeysane Cabdinuur Aadan Ibraahim oo ahaa agaasime ka tirsan wasaaradda Maaliyadda ee dowlad goboleedka Koonfur Galbeed Soomaaliya, waxaa loo maxkamadeeyay in uu maalgalinayay argagaxisada iyo sido kale Lacag dhaqid.

Xafiiska Xeer Ilaaliyaha Guud ee Qaranka oo Dacwadiisa u gudbiyay Maxkamadda gobolka Banaadir Bartamahii Bishii 5aad ee Sannadkaan ayaa sheegay in eedeysanaha uu sameystay Akoono laga furay bankiyada dalka kuwaasi oo lacagaha loogu heyn jiray kooxaha argagaxisada ah.

ku dhawaad $296,036.75 ayaa la dhigay mid ka mid ah akoonadda u sameystay, ayada oo lacagahaasi loo bixinayay qaab Mushaar ahaan bil walba sida laga dhex arki karay akoonka eedeysanaha sida uu Xeer Ilaaliye ku xigeen Farxaan Xuseen Maxamed u sheegay Maxkamadda gobolka Banaadir.

Qareenka eedeysanaha oo lagu magacaabo Axmed Kheyr ayaa ku dooday in eedeysanaha uu wakiil ka ahaa nin ay ilmo adeer yihiin oo akoonka ahaa taasna aysan noqon karin dambi loo ciqaabo eedeysanaha.

Saalax Cali Maxamuud Dabaan guddoomiyaha Maxkamadda gobolka Banaadir ayaa sheegay in eedeysane Cabdinuur Aadan Lagu xukumay Hal sanno oo Xabsi ah iyo sido kale Ganaax Lacageed oo dhan saddax kun oo dollar, xukunka uu ka furan yahay Rafcaan cidda aan ku

Wasaaradda deegaanka iyo isbadalka cimilada dowladda FS ayaa soo dhoweysay hawlgal ay ciidanka ammaanku ka sameeyeen degmada Ceelwaaq ee gobolka Gedo, kaas oo lagu soo xiray xiray dad ku hawlanaa xaalufinta deegaanka.