Ra’iisul wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre oo maanta xafiiskiisa ku qaabilay saddex dhallinyaro ah oo naftooda u huray badbaadinta dadkii ku dhaawacmay qaraxii kooxaha Khawaarijtu ay ka geysteen xeebta Liido.

“Xukuumadda Danqaran waxa ay idinku abaalmarinaysaa geesinimdiina oo aad ku muteyseen bilad iyo shaqaalaysiin.”Ayuu yiri Ra’iisul wasaare Xamse.

Xukuumadda ayaa dhallinyaradan siisay fursad shaqo iyo abaalmarino, si loo qiro kaalintooda nafhurnimo.

Kigali: Madaxweynaha Jamhuuriyadda FS mudane Xasan Sheekh Maxamuud ayaa kulan la qaatay madaxweynaha dalka Rwanda Paul Kagame, waxaana ay ka wada hadleen calaaqaadka labada dal iyo iskaashiga ka dhexeeya sidii loo xoojin lahaa.

Madaxweyne Xasan Sheekh oo ka qaybgalay caleema saarka madaxweyne Kagame oo dib loo doortay ayaa ugu hambalyeeyey horumarka uu dalkiisa ku hoggaamiyey.

Ra’iisul wasaare ku xigeenka dowladda FS ayaa daah-furay madasha horumarka oo looga hadlayay dajinta qorshaha kobaca iyo isbedelka dhaqaalaha dalka ee deyn cafinta kadib.

Shirkan oo uu soo qaban qaabiyay machadka Heritage oo socon doona muddo laba maalmood ah ayaa lagu gorfayn doonaa xaaladda dhaqaale ee dalka iyo sidii loo horumarin lahaa dhaqaalaha dalkeenna.

Mundane Saalax ayaa madasha ka sheegay muhiimadda ay leedahay in dood noocan ah la yeesho iyo in Xukuumadda Dan Qaran ay ahmiyad wayn siisay horumarka dhaqaalaha dalka.

Ra’iisul wasaare ku xigeenka XFS ayaa sheegay in dakhliga dalkeennu kor u kacay %56, oo ka dhigan in horumar wayn laga sameeyey dhinaca korodhka dakhliga iyo horumarka dhaqaalaha guud, waxa uu sidoo kale xusay in dalka deyntii laga cafiyay oo ka dhignayd guul wayn oo Soomaaliyeed.