Ra’iisul Wasaaraha XFS Maxamed Xuseen Rooble iyo Wafti uu hogaaminayo ayaa maanta safar ku tagaya Magaalada Dhuusamareeb ee xarunta Dowlad Goboleedka Galmudug.

Booqashada wafdiga uu hoggaaminaayo ra’iisul Wasaaraha Xukuumadda Federaalka Soomaaliya ayaa la sheegay in ay la xiriirto dardargelinta iyo hubinta Doorashada Golaha Shacabka Baarlamaanka ee 11-aad.

Ra’iisul Wasaaraha ayaa Mudada uu jooga Galmudug waxa uu kulamo la qaadan doonaa madaxda maamulkaas, Bulshada qaybaheeda kala duwan Iyo Xubnaha Guddiyadda Doorashada Heer Federaal Iyo Heer maamul goboleed ee ku sugan Galmudug.

Ra’iisul Wasaaraha XFS Maxamed Xuseen Rooble ayaa horay u ballanqaaday in uu safar ku tago xarumaha Dowlad-Goboleedyada si uu u dardargeliyo qabsoomidda Doorashada Xildhibaannada Golaha Shacabka Baarlamaanka 11-aad ee Soomaaliya.

Guddiga hirgalinta dorashooyinka Gobolada Waqooyi ayaa maanta shaaciyey in maalmaha soo socda la qaban doono doorashada 9 kursi, oo ka mid ah kuraasta Aqalka Golaha Shacabka.

Guddiga ayaa sidoo kale xusay in kuraasida ku xigta doorashadooda la shaacin donana iyana sida ugu dhaqsaha badan.

Doorashadda Kuraasta aqalka Sare ayaa shalay la soo dhamaystiray guud ahaan Dalka oo dhan iyadoo talaabada maanta la qaadayna tahay mid muujinaysa hore u socodka Guddo galka hawlaha doorashooyinka Dalka.

Ra’iisul Wasaaraha XFS Mudane Maxamed Xuseen Rooble ayaa xafiiskiisa ku qaabilay Agaasimaha Bangiga Adduunka ee Geeska Afrika Mr. Keith Hansen iyo wefdi uu hoggaaminayo oo ay ka wada hadleen dardargelinta mashaariicda horumarineed ee Bangiga Adduunku ka fuliyo Soomaaliya iyo kuwa qorsheysan.

Ra’iisul Waaaaraha ayaa uga mahadceliyay Bangiga Adduunka taageeradiisa hay’adaha dowladda iyo horumarinta midaamka maaliyadeed ee dalka.

Ciidamada Xoogga dalka ayaa jab xooggan gaarsiiyay maleeshiyada Al-Shabaab oo isku dayay in ay weerar ku soo qaadaan garoonka diyaaradaha magaalada Baraawe ee caasimadda maamulka Koonfur Galbeed.

Ciidamada oo u diyaarsanaa dhagarta argagixisada ayaa jid-gooyo u dhigay,islamarkaana halkaas ku dilay 5-ka tirsan maleeshiyada Al-Shabaab, hubkii ay wateena ka furtay.

Taliyaha ciidamada Xoogga dalka Generaal Odawaa Yuusuf Raage ayaa warbaahinta ciidamada qalabka sida u sheegay in ay jiraan khasaare intaasi ka badan oo la gaarsiiyay cadowga,islamarkaana ciidamada xoogga ay u diyaarsan yihiin in ay ka hortagaan dhagar kasta oo ay soo maleegaan kooxda nabad-diidka Al-Shabaab.

Magaalada Baraawe ayaa lagu wadaa in maalmaha soo socda lagu qabto doorashada golaha Shacabka ee Baarlamaanka Jamhuuriyadda Federaalka, waxaana si weyn loo adkeeyay amniga magaalada.

Waxaa warar dheeraad ah laga helayaa shil gaari oo xalay ka dhacay deegaanka Beer ee Bariga Burco, waxaana lasoo sheegayaa inuu  jiro  khasaare isugu jira dhimasho iyo dhaawac.

Inta la ogyahay labo qof oo haween ah ayaa ku geeriyootay 14-qof oo kalena waxaa ka soo gaaray dhaawac ka dib markii ay isku dhaceen labo gaari oo kala ah bas iyo Xaajiyad.

Mas’uuliyiinta maamulka oo dhacdadan ka hadlay ayaa tacsi u diray qoysaska dhibanayaasha.

Deegaanadan ayaa waxaa inta badan ka dhaco shilal gaari, kuwaas oo sababa dhimasho iyo dhaawac, soo gaaro dadka rakaabka ah, waxaana loo aaneeyaa in dawaralladu ay gaadiidka si xooggan ay u ka xeeyaan

Ciidamada ammaanka gaar ahaan Ciidanka Hubaysan ee Duufaan ee NISA ayaa howlgal balaaran ka fuliyay gudaha iyo nawaaxiga Degmada Deyniile, gaar ahaan Oodweyne oo Argagixisada Al-Shabaab ku aaseen Miinooyin ku guulaystay in ay ka soo saaraan, si shacabka looga badbaadiyo dhagarta ay maleegayaan argagixisada.

Ciidamada Duufaan ee NISA waxay aad ugu mahadcelinayaan dadka deegaanka oo lasoo xiriiray laamaha Sirdoonka Caasimadda, kuna soo wargaliyey Miinadan ay maleeshiyada Al-Shabaab dhulka ku duugeen.

Ciidamada Ammaanka ayaa inta badan fashiliya dhagarta ay shacabka u maleegayaan argagixisada Al-Shabaab.

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo ka hambalyeey guusha dhammeystirka doorashada Sanatarrada Aqalka Sare ee Baarlamaanka ayaa ku bogaadiyey Ra’iisul Wasaaraha XFS Mudane Maxamed Xuseen Rooble dadaalka uu ku bixiyey dardar-gelinta doorashada.

Madaxweynaha ayaa xusay sida xilkasnimada ah ee Madaxda Dowlad-goboleedyada dalku ay u guteen waajibaadka Qaranka ee ka saarnayd soo gudbinta musharaxiinta Sanatarrada Aqalka Sare, waxa uuna ku ammaanay Guddoonka iyo Xildhibaannada Baarlamaannada heer Dowlad-Goboleed gudashada masuuliyadda kaga aadanayd doorashada Sanatarrada Aqalka Sare.

Sidoo kale, Madaxweynaha Jamhuuriyadda ayaa bogaadiyey Xubnaha Guddiyada Doorashooyinka heer Federaal iyo heer Dowlad-Goboleed, Xallinta Khilaafaadka, Guddiga Amniga Doorashooyinka iyo Ciidanka Soomaaliyeed ee ka shaqeeyey sugidda ammaanka goobaha doorashada Aqalka Sare, isaga oo tilmaamay kartida iyo aqoonta dadka Soomaaliyeed ay u leeyihiin qabashada doorasho ka turjumeysa hor u socodka dalkeenna.

Madaxweyne Maxamed Cabdullaahi Farmaajo ayaa u hambalyeeyey dhammaan 54-ta Sanatar ee loo doortay Aqalka Sare, waxa uuna Alle uga baryey in uu u fududeeyo gudashada Waajibaadka Qaran ee loo doortay, uuna waafajiyo go’aan kasta oo ku saleysan horumarinta dalka, dadka iyo danaha

Lataliyihii mudada dheer ee madaxweynihii hore maraykanka Donald Trump,Mr Stephen Bannon ayaa lagu soo oogay dacwad ah inuu diiday amar maxkamadeed oo ay sameeyeen guddiga gaarka ah ee Congress-ka ee baaraya weerarkii dhimashada dhaliyay ee 6-dii Janaayo ee Capitol-ka Mareykanka, tallaabada ugu weyn ee ay qaaday waaxda cadaaladda si ay ugu qasabto wadashaqeynta saaxiibadii hore ee madaxweynihii hore.

Bannon ayaa lagu soo oogay laba dacwadood oo quursi ah, waaxda cadaaladda ayaa bayaan ay soo saartay Jimcihii ku sheegtay: mid uu diiday inuu yimaado meel dhigis iyo mid kale oo ku lug leh inuu diiday inuu soo saaro dukumentiyo. Taariikhda dacwadda lama dajin. Bannon wuu diiday inuu faallo ka bixiyo.

“Tan iyo maalintii ugu horeysay ee aan xafiiska qabto, waxaan u balan qaaday shaqaalaha waaxda cadaaladda in si wadajir ah aan u tusi doono shacabka Mareykanka af iyo adinba in waaxdu u hogaansanto sharciga, raacdo xaqiiqda iyo sharciga ayna raacdo cadaalad loo siman yahay sharciga. ” Xeer Ilaaliyaha Guud Merrick Garland ayaa ku yiri bayaanka. “Darajooyinka maanta ayaa ka tarjumaya sida ay wasaaraddu uga go’an tahay mabaadi’dan.”

Xeer-ilaaliyeyaasha federaalka ee Washington ayaa helay dacwadda xeer-beegtida weyn, tallaabadii ugu horreysay ee sharci oo muhiim ah oo ay wasaaraddu ku dhaqaaqday intii uu xilka hayay Madaxweyne Joe Biden iyo Garland si ay u xoojiso baaritaanka ballaaran ee shirweynaha. Aqalka Cad ayaa su’aalo ku saabsan eedeynta Bannon u gudbiyay waaxda cadaaladda