Guddiga maamulka doorashooyinka xildhibaanada Labada Aqal ee Somaliland ayaa shaaciyay liiska guddiga xulista ergada Doorashada 2-kursi oo ka mid ah kuraasta Golaha Shacabka ee lagu dooran doono Mogadisho.
Doorashada xildhibaanada golaha shacabka ayaa si daah furan kaga socota magaalada Muqdisho iyo maamul goboleedyada dalka.
Olole nadsaafadeed oo ay soo abaabuleen kooxo dhallinyaro ah ayaa todobaadkii 15-aad ka socdo xeebta Liido ee magaalada udisho.
Ololahaan nadaafadeed oo ah fikrad ka timid dhallinyaro is-xil-qaamay ayaa ujeedku yahay kor u qaadista Bilicda Xeebta Liido ee magaalada Mogadishu.
Injineer C/Fataax Carab oo ka mid ah dhallinyaradaasi ayaa sheegay in qorshaha laga leeyahay ololaha nadaafadda uu yahay sidii qof kasta loogu baraarujin lahaa nadaafadda deegaanka iyo soo celinta bilicda magaalada.
Bilic Qurxoon oo laga dareemo Xeebta Liido iyo guud ahaan caasimadda,iyadoo la adeegsanaayo nadaafadda waa sida kaliya ee lagu heli karo bulsho caafimaad qab ah.
Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo wafdi uu hoggaaminayo ayaa maanta u amba-baxay magaalada Addis Ababa ee Caasimadda dalka Itoobiya oo uu kaga qayb galayo meertada 35-aad ee Shirweynaha Ururka Midowga Afrika.
Shirweynahan oo ay ka qayb galayaan Hoggaamiyeyaasha Dalalka Afrika iyo madax kale, ayaa looga arrinsanayaa dib-u-habaynta Ururka Midowga Afrika, hirgelinta hiigsiga Ururka ee sannadda 2063 iyo wax ka qabashada caqabaha kala duwan ee ay Qaaraddu wajahayso oo ay ugu horreeyaan rabshadaha, saboolnimada, cunno yarida iyo cudurka COVID-19.
Dowladaha caalamka ayaa maanta u dabbaaldegay xusk 4-ta Febraayo oo ah aalinta caalamiga ah ee Kansarka Adduunka si kor loogu qaado wacyiga la xirira halista cudurkaasi iyo sida ugu haboon ee looga qeybqaadan karo ka hortagga iyo daawaynta kansarka.
Xuska maalintaan waxaa hogaaminaya Ururka Caalamiga ah ee Xakamaynta Kansarka (UICC) si loo taageero baaqa qaramada midoobay ee ku aadan xuska maalinta caalamiga ah ee cudurka kansarka,kaas oo la soo saaray sanadkii 2008-dii
Hadafka aasaasiga ah ee Maalinta Kansarka Adduunka waa in si weyn loo dhimo qatarta cudurkaasi oo keena dhimasho iyo in taageero loo muujiyo kuwa uu saameeyay kansarku.
Haddaba,dalka Soomaaliya ayaa ka mid ah dalalka maanta dhigaya ama u dabbaaldegaya xuska maalinta 4-ta Febraayo ee maalinta caalamiga ah ee cudurka kansarka.
Maamulka Wasaaradda caafimaadka XFS iyo ururada dhaqaatiirta dalka,ayaa maaanta ka qeybgalay munaasabadda maalinta kansarka,iyagoo ka warbixiyay halista cudurkaasi,sida looga hortagi karo iyo dadaalka ku aadan in si wadajirka ah loo wajaho cudurkaasi .
Saraakiisha Maraykanka ayaa sheegay in hogaamiyihii ISIL (ISIS) Abu Ibrahim Al-Hashimi Al-Qurayshi ee lagu dilay weerar uu Maraykanku ku qaaday Dalka Suuriya uu ku noolaa dabaqa saddexaad ee dhismo ay deganaayeen qoysas rayid ah oo aan xiriir la laheyn kooxdaasi.
Saraakiisha Mareykanka ayaa sheegay in militariga ay doorteen in ay weerar ku qaadaan kooxdaasi, halkii ay duqeyn ka geysan lahaayeen xarunta si looga fogaado dhibaato ku dhacda qoysaska ku nool dabaqa koowaad.
“Madaxweyne Joe] Biden ayaa amar ku bixiyay hawlgalkaan weerarka cirka ah, Waxaanna ku guuleysaney howlgalkaas,” ayuu yiri sarkaal sare.
Ciidamada Mareykanka ayaa Arbacadii sameeyay howlgalkii lagu dilay Abu Ibrahim Al-Hashimi Al-Qurayshi, kaasoo saraakiisha Washington ay sheegeen in uu is qarxiyay, uuna dilay xubno ka tirsan qoyskiisa.
Wasiirka Haweenka iyo Horumarinta Xuquuqda Aadanaha Xukuumadda Federaalka Soomaaliya Xildhibaan Xaniifa Maxamed Ibraahim ayaa maanta magaalada Muqdisho kulan kula yeelatay ku-xigeenka ergayga Qaramada Midoobay ee Soomaaliya Anita Kiki,ayagoo ka wada hadlay xaqiijinta qoonddada haweenka ee 30% ee Baarlamaanka Soomaaliya.
Mustaf Sheekh Cali Dhuxulow ayaa ku guuleystay kursiga tirsigiisu yahay Hop#049 ee golaha shacabka BJFS oo doorashadiisu maanta ka qabsoontay magaalada Dhuusamareeb ee caasimadda Galmudug
Madaxweynaha dalka dalka Guinea-Bissau, Umaro Sissoco ayaa ka badbaaday isku day inqilaab oo ay isku dayeen saraakiil ka tirsan ciidanka, Madaxweynaha oo la hadlay warbaahinta ayaa sheegay inay dhinteen 11 qof oo isugu jira ciidanka militariga iyo dad rayid ah
Talaadadii ayey ahayd markii laga maqlay Rasaas xoog leh oo ka dhacaysa agagaarka madaxtooyda dalka Guinea-Bissau xili ay shirk u lahaayeen madaxweynaha iyo Raysal wasaraha dalkaasi.
Guddoomiyaha guddiga Midowga Afrika, Moussa Faki Mahamat, iyo xoghayaha guud ee Qaramada Midoobay Antonio Guterres ayaa labaduba walaac xooggan ka muujiyay xaaladda.
Dalka Guinea-Bissau ayaa ah dal ay halakeeyeen isku dayada inqilaabka isagoo intii dalkaas xornimada qaatay ay ka dhaceen tiro ba ilaa sagaal inqilaab,Sannadkii 2009 madaxweynihii xilligaas ee Joao Bernardo Vieira ayaa lagu dilay weerar.
