Wasiirka Wasaaradda gaashaandhigga XFS , Cabdulqaadir Maxamed Nuur ayaa soo gabagabeeyay booqasho 3-cisho ah oo uu ku tagay dalka Tansaaniya.

Xoghayaha labaad ee Safaaradda Soomaaliya ee Dalka Tansaaniya Cabdi Wali Jibriil Xasan,ayaa warbaahinta Qaraanka u sheegay in booqashada wasiirka ay la xiriirtay xoojinta xiriirka iyo iskaashiga labada dal ee Soomaalkiya iyo Tansaaniya.

Wasiirka Difaaca Dowladda Soomaaliya ayaa intii uu ku sugnaa dalkaasi,waxa uu u kurgalay qaabka ay u socdaan howlaha safaaradda iyo adeegyada kale ee loo fidiyo shacabka Soomaaliyeed.

Sidoo kale, wasiirka XFS,waxa uu la kulmay wasiirka adeegga Qaranka Dalkaasi marwo, Stergomena Lawrence.

Wasiirka Awqaafta iyo Arrimaha Diinta XFS Mudane Cumar Cali Rooble ayaa booqday Xarunta Qunsuliyadda Soomaalliya ee magaalada Jiddah,halkaas oo uu kula kulmay maamulka xaruntaasi.

Wasiirka iyo ,waxaa xaruntaasi ku soo dhoweeyay Qunsulka Guud ee Safaaradda Soomaalia ee Jidah ee dalka Sacuudiga Axmed Maxamuud Diiriye iyo madax kale.

Dhinacyadaasi,waxa ay ka wadahadleen sidii loo maareynta lahaa xujeyda Soomaalida,isla markaa loogu fududeyn lahaa howlaha la xiriira adeegyada ay u baahan yihiin

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa ka qeyb galay munaasabad lagu abaal marinayay guddiyadii iyo howlwadeennadii kala duwanaa ee u istaagay in dalkaan ay si nabad ah uga dhacdo doorashooyin nadaxtinimo.

Munaasabadda oo ku qabsoontay Xafiiska Ra’iisulwasaaraha,waxa uu madaxweynuhu ku bogaadiyay gudiyada shaqadii wanaagsanayd ee ay dalka kaga soo gudbiyeen marxaladdii doorashada.

Munaasabaddaan,waxaa kaloo ka  qayb galay, Guddoonka labada gole ee BFS mudane Sheekh Aadan Maxamed Nuur iyo Cabdi Xaashi Cabdullaahi, Ra’iisulwasaaraha XFS, Mudane Maxamed Xuseen Rooble, Ra’iisulwasaare ku xigeenka mudane Mahdi Maxamed Guuleed, Guddoomiye ku xigeenka koowaad ee Golaha shacabka Marwo Sacdiya Yaasiin Xaaji, Wasiiro, Xildhibaanno iyo Marti sharaf kale.

Kulanka ayaa wuxuu ku saabsanaa salaan sharafeed iyo hambalyo ku aadan dib u doorashada Guddoomiyaha oo uu safiirku u waday Guddoomiyaha iyagoo ka wada hadlay xoojinta xiriirka diblumaasiyaddeed ee labada Dal.

Safaaradda Mareykanka ee Soomaaliya ayaa sheegtay inay magaalada Muqdisho geysay 286,650 tallaalka Pfizer ee loogu talo galay xanuunka COVID-19.

Tallaalkan ayaa qayb ka ah ballanqaad ay dowladda Maraykanka kaga jawaabaysay dadaalada caalamiga ah ee lagula dagaalamayo xanuunka COVID-19,sida ay hadalka u dhigeen.

Madaxweyne Biden,ayaa sheegay in Mareykanka ay ka go’an tahay  dadaallada tallaalka caalamiga ah lagu gaarsiinayo Soomaaliya si loo badbaadiyo nolosha dadka Soomaaliyeed ayna uga qayb qaadan lahayeen  soo afjarida masiibada Covid19.

Maraykanku wuxuu ballan qaaday inay  bixiyo 1.1 bilyan oo tallaalka COVID-19 ah adduunka oo dhan ah.

Ilaa hadda tallaalka la gaariisiyey 115 waddan waxaa u gaaraya 500 Milyan oo tallaal ah.

Golaha Wasiirrada Xukuumadda Federaalka Soomaaliya oo maanta yeeshay kulankoodii caadiga ahaa ayaa ansixiyay Magacaabista Taliyaha Hay’adda Nabad sugidda iyo Sirdoonka Qaranka oo loo magacaabay Mudane Mahad Maxamed Salaad.