Ururka waxa uu aad uga walaacsannahay is-bedellada cusub ee ku yimid xiriirka u dhexeeya Jamhuuriyadda Dimuqraadiga Federaalka ee Itoobiya iyo Jamhuuriyadda Federaalka Soomaaliya.

1. IGAD waxa ay si adag u xaqiijineysa mabda’ lama dhaafaanka ee ilaalinta iyo dhowrista madaxbannaanida, wadajirka iyo midnimada dhuleed ee Jamhuuriyadda Federaalka Soomaaliya; iyo in macaamil kasta uu ilaaliyo mabaadii’da asaasiga ah ee kor ku xusan, iyo in heshiis iyo wadaxaajood kasta ay ku dhacaan ogolaanshaha Dawladda Federaalka Soomaaliya.
2. Waxaan ugu baaqeyna Jamhuuriyadda Federaalka Dimuqraadiga ah ee Itoobiya iyo Jamhuuriyadda Federaalka Soomaaliya in ay qaboojiyaan xiisadda, beddelkeedana ay yeeshaan wada hadal wax ku ool ah.

Kampala :- Madaxda Urur-Goboleedka IGAD oo dhagaystay mowqifka adag ee dowladda Federaalka Soomaaliya ayaa caddeeyey mowqifkooda ku aaddan faro-gelinta Dowladda Itoobiya ee ka dhanka ah Madaxbannaanida iyo midnimada dalkeenna.

Jamhuuriyadda Federaalka Soomaaliya waxa ay bogaadinaysaa bayaanka wadajirka ah ee Shir-madaxeedka IGAD oo lagu sheegay sida ay u ilaalinayaan madaxbannaanida, midnimada iyo wadajirka Soomaaliya, shacab iyo dhulba, heshiis kastana ay aas-aas u tahay ogolaanshaha Dowladda Federaalka Soomaaliya.

Madaxweynaha Jamhuriyadda Federaalka Soomaaliya Mudane Xasan Sheekh Maxamuud iyo wafdiga ku wehelinaya shirkan ayaa usoo bandhigay Hoggaamiyeyaasha IGAD iyo diblumaasiyiinta Gobolka xadugudbka Itoobiya ay ku sameysay midnimada iyo madaxbannaanida Soomaaliya iyo dhibaatada ay ku yeelanayso xasilloonida iyo nabadda Geeska Afrika.

Wafdiga Jamhuuriyadda Federaalka Soomaaliya ee uu hoggaaminayo Madaxweyne Xasan Sheekh ayaa xoojiyey qaraarkii Baarlamaanka Federaalka Soomaaliya ay ku laaleen is-afgaradkii sharci darrada ahaa ee ay kala saxiixdeen Ra’iisul Wasaaraha Itoobiya iyo Madaxweynaha Maamulka Soomaaliland, kaas oo khilaafsan heshiisyada labada dal, mabaad’ida aas-aasiga ah ee Midowga Afrika, xeerarka heer IGAD iyo heer caalamba.

Kampala:- Madaxda Urur goboleedka IGAD oo meel uga soo wada jeestay xadgudubka dowladda Ethiopia ay ku sameysay madax banaanida dhuleed ee JFS.

Shir Madaxeedkii 42 aad ee  Ururka Goboleedka IGAD oo maanta ka qabsoomay Magaalada Kampala ee dalka Uganda ayaa Laga soo saaray War-murtiyeed dhowr qodob ka kooban.

Madaxda IGAD ayaa isku raacay in lama taabtaan ay tahay Madax banaanida dhuleed ee Jamhuuriyadda Federaalka Soomaaliya.

Sidoo kale Madaxda ayaa soo jeediyey in Heshiis walba oo Soomaaliya lala galayo uu soo maro dowladda Federaalka Soomaaliya.

Guddoomiye ku xigeenka koowaad ee Golaha Shacabka Marwo Sacdiyo Yaasiin Xaaji Samatar oo uu wehliyo Guddoomiye ku xigeenka labaad ee Golaha Mudane Cabdullaahi Cumar Abshiroow ayaa maanta shir guddoomisay kulanka 11-aad ee guddiga joogtada ah ee Golaha Shacabka Baarlamaanka Jamhuuriyadda Federaalka Soomaaliya.

Kulanka ayaa marka hore waxaa Guddoomiye Sacdiyo Yaasiin, xubnaha guddiga joogtada uga warbixisay xaalada guud ee dalka iyo guud ahaan waxyaabaha hortebinta u leh dowladnimada dalka, waxaana kulanka lagu ajandeyay heshiiska ku biirista ururka Bulshada Bariga Afrika.

Sidoo kale kulanka guddiga joogtada ayaa lagu taageeray Musharaxa Dowladda Soomaaliya ee u taagan qabashada Ururka Midowga Afrika, Xildhibaan Fowsiya Yusuf Xaaji Aadan.

Ugu dambeyn xubnaha guddiga joogtada ayaa aad ugu dooday arrinta la xiriirta heshiis beenaadkii ay wada-galeen maamulka Soomaaliland iyo dowladda Itoobiya kaas oo ay guddigu adkeeyeen in loo midoobo, waxaa ayna guddiga joogtada adkeeyeen in madaxda dowladaha xubnaha ka ah dowlada Federaalka Soomaaliya ay si buuxda ugu garab istaagaan mowqifka dowladda Federaalka, kaas oo muujinaya midnimada dhuleed ee JFS.

Kampala:- Magaalada Kampala ee caasimadda dalka Uganda waxaa maanta ka furmay Shirka Urur goboleedka IGAD oo loooga hadlayo qodobo ay ugu muhiimsanyihiin xadgudubka Ethiopia ee ka dhanka ah Soomaliya.

Shirkaan oo ay codsatay Dawladda Soomaaliya waxaa ka qaybgalaya Madaxwaynayaasha Soomaaliya, Yugaandha, Kenya, Jabuuti iyo koofurta Suudaan.

Shirka waxaa kale oo goob joog ah wakiilo heerkooodu sareeyo kuwaas oo ka kala socda ururada iyo Dawladaha daneeya arrimaha Gobalka Geeska Afrika.

Ururada jooga waxaa ka mid ah Qaramada Midoobay, Midawga Afrika, Midawga Yurub iyo Jaamacadda Carabta, Waxaa kale oo shirka jooga Wufuud sare oo ka kala socda Dalal ay ka mid yihiin Maraykanka,Turkiga, Sucuudiga, Qatar iyo Imaaraadka.

Shirka waxaa awoodiwaysay in ay kasoo qaybgasho Ethiopia oo dareemaysa waji gabax ka dib markii Adduunku si isku mid ah uga horyimid damacooda foosha xun.

Gunaanadka shirka ayaa la filayaa in laga soo saaro warmuritiyeen daaran qodobadii ay isla gorfeeyeen madaxda ka qeyb gashay shirkaan uu ka mid yahay Madaxweynaha Jamhuuriyadda Federaalka Soomaaliya Xasan Sheekh Maxamuud.

Taliyaha Ciidanka Xooga dalka Soomaaliyeed S/gaas ibraahim Sheikh Muxudiin Caddow iyo wafdi uu Hoggaaminayo ayaa gaaray Magaalada Wargaadhi ee Gobalka Shabeellaha Dhexe ,wafdiga Taliyaha waxaa qeyb ka ah Taliyaha Ciidamada ATMIS General Sam Okiding, Xildhibaan C/raxmaan Maxamed Sheikh oo ka mid ah Baarlamaanka Jamhuuriyada Soomaaliya iyo saraakiil ciidan oo ka tirsan XDS.

Ujeedka ayaa ah in la xoojiyo Howgalada ka dhanka ah maleeshiyada Argagixisada ah iyo in sare loo qaado wada shaqeynta Ciidamada milateriga dalka, kuwa ATMIS iyo ciidamada xaq udirirka ah ee deegaanka.

Golaha Wasiirrada Xukuumadda Jamhuuriyadda Federaalka Soomaaliya oo yeeshay kulankoodii toddobaadlaha ah, ayaa soo dhaweeyay go’aankii ka soo baxay shirkii aan caadiga ahayn ee Ururka Jaamacadda Carabta,kaasi oo ku saabsanaa taageerada madaxbannaanida,gobonimada iyo midnimada Soomaaliya.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa Muqdisho ku qaabilay madaxa sirdoonkeena CIA-da, Mareykanka William Burns, kaas oo booqasho ku yimid magaalada Muqdisho.

Mudane Xasan Sheekh Maxamuud madaxweynaha JFS iyo William J. Burns ayaa ka wada hadlay arrimaha gobalka iyo danaha labada dhinac iyo xoojinta iskaashiga staraajiga ah, sida la dagaalanka argagixisada caalamiga ah iyo kor u qaadista nabadda iyo xasiiloonida gobalka.

Ugu yaraan hal ruux ayaa ku geeriyooday,qof kalena waa uu ku dhaawacmay kadib shil diyaaradeed oo maanta abaara 11:30 ka dhacay degmada Ceelbarde ee gobolka Bakool sida uu Warbaahinta Qaranka u xaqiijiyay Maareeyaha garoonka Ceelbarde C/fitaax Geedsane

Diyaaradda oo ka duushay Muqdisho, ayaa sidday gargaar Banii’aadano,waxaana saarnaa  afar ruux oo shaqaalaha UN-ka ah gaar ahaan qeybta WFP,Shilka Diyaaradda ayaa ka dhashay kadib markii mid ka mid ah Taayarada uu baxay  oo ka weectay  wadda ay ku orodaan diyaaradaha, iyadoona diyaaradda gashay dhismo u dhow aagga  garoonka.

Wixii war ah oo ka soo kordha halkaan isha ku hay.