Dal waxaa dhisa dadkiis, dal marka lagu leeyahay waa in la helaa dad dal xuduuda leh, calan, lacag, iyadoo intaasba ay jiraan ayaa haddana waxa uu ku taagan yahay dal waxaa ugu horreeya waa canshuur bixinta dadka iska leh dalka dowladna ma jiri karto haddeysan qaadeynin canshuur.
Canshuurtu macnaheedu maahan in ay baad tahay ee waa ajuuro uu kugu leeyahay dalkaada xaqna ay kugu tahay inaan iska bixiso, canshuurtu maahan wax laga qaado gibilka dadka ee waa mid laga qaado ganacsiga ama guryaha iwm.
Haddaadan aqoon canshuurta waxaa weeye lacag qidmo yar ah oo laga qaado sannad ka sannad bulshada sida shatiyada dukaamada, carwooyinka, bakhaarrada, hotteellada, garaashyada, guryaha dadweynaha noocyadooda kala duwan, gaadiidka dadweynaha nooc walba iwm.
Canshuuraha la qaado waxaa ugu muhimsan soomaaliya canshuurta dekadaha, iyo airoporka, maadaama canshuurta laga qaado ganacsatada iyo bulshada inteeda kale kuma filna dalka oo mar walba dalka wuxuu u baahan yahay kab laga helo dibadaha.
Haddaba, muwaadin haddii aad bixin waydo lacagta kugu waajibatay ee canshuurta sanadlaha ah maxaa dhici kara.
Sida aan wada ognahay dal kasta wuxuu leeyahay mushkilado u gaar ah inta aan la gaarin mashaariic horumarineed
Matalan haddii ay dhacaan fatahaadaha dowladdada waxaa looga baahan yahay gurmad deg deg ah, haddii uu hoos dhac dhaqaale dalka ku habsato waxaa loo baahan yahay in durba la kabo, intaasoo wasaaradood iyo hay’ado kala duwan waxaa la siiyaa mushaar bileed, iyadoo ay dheer tahay howlaha gaarka lagu socodsiiyo .
Sidoo kale, dalkaan wuxuu u baahan yahay ciidammo kala duwan oo dalka ka difaaca cadowga nuucyadiisa kala duwan iyagana waxaa la siiyaa mushaar bille ah
Intaas iyo in ka badan ayuu dal leeyahay waxaana lagu kala maareeyaa canshuurta yar ee adiga bixiso, marka muwaadin yaysan kugu adkaanin in aad bixiso canshuurta sanadka oo ah midda lagu kala socodsiiyo howlaha ay dowladdu waddo.
Canshuuraha kuwa diidaa waxaa lagu sifeyn karaa dal iyo dowlad diid aan mas’uul ahayn isagoo karaya in uu bixiyo canshuurta ku waajibtay haddii uu geliyo wax hagar ah kaasi maahan muwaadin sax ah ee waa cadow ka soo horjeeda horumarka dalka/
Haddaan kuu soo dhaweeyo isbitaallada iyo dhaqaatiirta mar waliba heeganka kuugu jirta waxay ku shaqeeyaan waa canshuurtaada, waxa daawada lagu keeno waa canshuurtaada, waxa dugsiyada lagu dhiso waa canshuurtaada waxa dalka lagu difaacayo sidoo kalena waa canshuurtaada.
Haddaba haddaad tahay muwaadin dhab ah waa in aad iska bixisaa canshuurta kugu waajibata adigoon ka meer meerin waa talo adiga iyo annagaba na’anfaceysa
Waxaana kaa rajeyneynaa in aad u qaadato sida ay tahay adigoo u daneynaya jaceyla dalkaaga iyo calankaada.
WQ: Osman Dhiblaawe
