Guddoomiyaha Hey’adda Maareynta Masiiboyinka qaranka SoDMA Mudane Maxamuud Macalin Abdulle oo wehelinayo Guddoomiye ku xigeenka hay’adda Dr. Axmed cabdi adan ayaa Xarunta Hay’adda SoDMA kulan kula qaatay Ku xigeenka Xoghayaha xaafiiska RW somaaliya Cabdirisaaq cali Ibraahim iyo madaxa Social pillar ka ee qorshaha isbadalka qaran “National Transformation Plan” oo maanta booqasho ku yimid hay’adda SoDMA.

kulanka ayaa looga hadlay qorshaha isbadalka qaranka oo uu daadihinayo xaafiska RW iyo doorka sodma ku leedahay si gaar ah Yaraynta Khatarta Musiibada ee qorshaha isbadalka qaran NTP iyo sida hay’adda SoDMA u qaadan laheed doorkeed muhiim ka ah, madaxda ka socotay xaafiiska RW ayaa warbixin ka siiyay madaxda hay’adda maaraynta musiibooyinka Qorshaha isbadalka qaranka kaasi oo looguurayo marka uu dhamaado qorshihii hormarinta qaranka 9aad.

Dowadda Soomaaliya oo dib u dayactir ku sameysay biyo xireenka Sabuun ee deegaanada Hirshabeelle si ay uga faa’idaystaan dadka beeraleyda ah ee halkaasi ku dhaqan, mashruucaan ayaa qeyb ka ah mashaariic horumarineed oo ay DFS muddooyinkii danbe ka hirgalinaysay qeybo ka mid ah gobollada dalka.

Mashruucaan biyo xireenka ah ee Sabuun ayaa dhawaan waxaa daah furay DFS si ay uga faa’idaystaan dadka beeraleyda ah ee ku dhaqan deegaannada uu maro wabiga Shabeelle si ay sare ugu qaadaan wax soo saarka beeraha,iyadoo ay dadka beeraleyda ah ay aad ula daala dhacayeen muddooyinkii danbe dhibaatooyinka ay sabab u ahaayeen fatahada biyaha wabiga.

Deegaannada u maro wabiga Shabeelle ayaa waxaa saameyn xooggan ku yeeshay fatahaadaha iyo daadadka roobka xilliyada ay da’ayaan Gu’ga iyo Deyrta,Cumar Abgaaloow oo ka mid ah  dadka deegaanka ayaa u sheegay warbaahinta qaranka xilli biyo xireenkaan laga sameyay deegaanka ay aad u wanaagsaneyd wax soo saarka beeraha,hal kudhigna ay u ahayd ama jiddo joog ama Jowhar,xilligaana u rajo fiican ka qabo in markale ay aad uga faa’idaystaan beeraleyda oo ay tabacadan beeraha,Cumar Abaalow oo ah agaasimaha waxaada wax soo saarka maamul goboleedka Hirshabeelle ayaa sheegay in baahi wayen loo qabo dib u dayactirka biyo xireen si sare loogu qaado wax soo saarka beeraleyda loogana faa’idaysan doono dalagyo kala duwaan si biyihii loo deeqsiyo beerah.Muxuu kusoo kordhin doona wax soosaarka beeraha.

Wasiirka warfaafinta, dhaqanka iyo dalxiiska ee Jamhuuriyadda Federaalka ee Soomaaliya mudane Daa’uud Aweys Jaamac ayaa soo xiray tababar laba maalmood socday oo ku saabsanaa Istaraatiijiyada warbaahinta ee ka hortagga wararka been abuurka iyo wararka sida khaldan loo tebiyo.

Tababarkan oo ay ka faa’iidaysteen ilaa 20 suxufiyiin iyo mas’uuliyiin ka kala socday hay’adaha warbaahinta dowliga iyo kuwa gaarka loo leeyahay waxaa iska kaashaday Wasaaradda warfaafinta, dhaqanka iyo dalxiiska ee Soomaaliya iyo Safaaradda Jamhuuriyadda Turkiga ee Muqdisho.

Aqoon isweydaarsiga waxaa diiradda lagu saarey sidii weriyeyaasha iyo madaxda warbaahinta loo bari lahaa xirfado sare oo tayo leh oo la xiriira ka hortaga been abuurka ah iyo in bulshada lagu jiheeyo tubta toosan ee wax dhista .

Wasiirka warfaafinta, dhaqanka iyo dalxiiska ee XFS mudane Daa’uud Aweys Jaamac ayaa ugu mahad celiyay Dowladda Turkiga taageeridda tababarkan muhiimka ah.

“Waxaan ku jirnaa olole xooggan oo ku wajahan jiheynta bulshada iyo ka hortaga been abuurka, toddobaad ka hor waxaan qabanay shir weyn oo looga hadlay saameynta been abuurka iyo kicinta colaadaha, tababarkani waxa uu ka dhashay kulan aanu halkan kula yeelanay Safiirka, wuxuuna xoojinaya hagaajinta istaraatiijiyadda Warbaahinta iyo ka hortaga wararka khaldan ama been abuurka ah ee sida kul talogalka ah loo baahiyo. Waxaan uga mahad celinayaa safaaradda taageerada joogtada ah ee ay la garab taagan tahay Dowladda Soomaaliya iyo shacabkeeda ” ayuu yiri wasiir Daa’uud Aweys

Wasiirka waxaa uu kula dardaarmay ka qeyb galayaasha in waxa ay ka faa’iideen tababarkan ku dhaqmaan una gudbiyaan saaxiibadooda goobaha shaqada.

Safiirka Jamhuuriyadda Turkiye ee Soomaaliya Danjire Alper Aktaş oo ka hadlay xiritaanka tababarka ayaa tilmaamay in ujeedka aqoon isweydaarsigan safaaradda u taageertay uu yahay xoojinta iskaashiga labada dal, loona baahan yahay weriyeyaasha iyo warbaahinta inay door fiican ka qaataan dib u dhiska iyo horumarka Soomaaliya.

Wasaaradda warfaafinta, dhaqanka iyo dalxiiska Jamhuuriyadda Soomaaliya ayaa wadda dedaalo lagu xoojinayo wacyiga bulshada ee ka hortaga faafinta wararka been abuurka ah iyo kicinta colaadaha sokeeye oo wax u dhimaya nabadda iyo xasiloonida dalka.

Taliyaha Ciidanka Booliska Soomaaliyeed S/Guuto Sulub Axmad Firin ayaan maanta kormeer ku tegay dugsiga barbaarinta carruurta agoonta ciidanka booliska Soomaaliyeed oo Imtixaanka shahaadiga ah ee dusiga dhexe uu ka socdo.

Sidoo kale Taliyaha ayaa kormeeray qeybta farsamada gacanta oo gabdho iyo wiilal lagu baro farshaxanka iyo xarqaanka, si uu ugu dhiirigeliyo ardayda ka tirsan carruurta agoonta ciidanka booliska ee baraneysa farsamada gacanta.

Taliye Sulub Axmed Firin ayaa horay ugu balanqaaday carruurta agoonta ah in imtixaanka shahaadiga ee dugsiga dhexe xaruntooda loogu geyn doono.

Wasiirka wasaaradda gaashandhigga Soomaaliya mudane Cabdulqaadir Maxamed Nuur iyo ku-simaha Ergeyga gaarka ah ee xoghayaha guud ee Qaramada Midoobay u qaabilsan Soomaaliya, ahna Madaxa Xafiiska Kaalmaynta Qaramada Midoobay ee Soomaaliya (UNSOM) James Swan ayaa magaalada Muqdisho ku yeeashay kulan looga hadlayay horumarka laga gaaray dagaalka Khawaarijta, dhimista ciidamada ATMIS iyo dib u habeynta ammaanka.

Wasiirka gaashaandhigga Soomaaliya Mudane Cabdulqaadir Maxamed oo ka warbixiyay horumarka baaxadda leh ee laga gaaray howlgaladda ciidamada Dowladda iyo shacabka Soomaaliyeed ay dalka kaga xoreynayaan argagixisada ayaa dhanka kale tilmaamay muhiimada xiligan ay leedahay xoojinta taageerada UNSOM.

Madaxa xafiiska Qaramada Midoobay ee Soomaaliya (UNSOM) James Swan ayaa dhankiisa dowlada iyo shacabka Soomaaliyeed ku ammaanay sida naf hurnimada leh ee ay uga go’antahay in ay dalkooda ka xoreeyaan kooxaha Argagixisada ah ee dhibaatada ku haya Soomaaliya iyo dalalka dariska la ah.