Glashow: Wasiirka amniga gudaha dowladda FS Mudane Cabdullaahi Sheekh Ismaaciil (Fartaag), ayaa Kulan muhiim ah oo ku saabsan xoojinta iskaashiga dhanka amniga la yeeshay Ra’iisul wasaare ku xigeenka ahna wasiirka arrimaha Gudaha Serbia, Mudane Ivica Dacic, iyada oo kulanka diiradda lagu saaray sidii labada dal ay uga wada shaqeyn lahaayeen amniga, gaar ahaan la-dagaallanka argagixisada iyo dambiyada abaabulan.

Intii uu kulanku socday, labada mas’uul waxay isla meel dhigeen muhiimadda ay leedahay wada shaqeynta caalamiga ah, iyo in ay isku dhaafsadaan khibrado dhanka ammaanka ah.

Wasiirka arrimaha gudaha ee Serbia, Ivica Dacic ayaa xusay sida uu dalkiisu diyaar ugu yahay in uu Soomaaliya ay ka caawiyo dhismaha hey’adaha amniga iyo tababarrada la xiriira ilaalinta nabadgelyada.

Sidoo kale, wasiirka amniga gudaha mudane Cabdullaahi Sheekh Ismaaciil, oo ka qeyb galaya shirka guud ee 92-aad ee INTERPOL oo ka dhacaya magaalada Glasgow, ayaa kulammo kala duwan la yeeshay mas’uuliyiin ka socday dalalka Mareykanka, Rwanda iyo South korea, waxana ay ka wada hadleen sidii loo xoojin lahaa iskaashiga dhinaca amniga ee kala dhaxeeya dalalkaas.

Munaasabad kooban oo maanta lagu qabtay magaalada Muqdisho ayaa waxaa si wadajir ah loogu saxiixay heshiis dowladda Soomaaliya looga cafiyey in ka badan $1 Bilyan oo Dollar Mareykanka ah. Wasiirka Maaliyadda Soomaaliya Biixi Imaan Cige iyo Safiirka Dowladda Mareykanka ee Soomaaliya Richard H. Riley ayaa si wadajir ah heshiiskaan ugu kala saxiixday xarunta Safaaradda Mareykanka ee Muqdisho.

Heshiiskaan taariikhiga ah ee Dowladda Mareykanka uga cafisay Soomaaliya Deymihii ay ku lehayd ayaa daba socda, kaddib markii bishii March ay Soomaaliya ka cafiyeen Deymihii lagu lahaa Soomaaliya dalalka Naaadiga Paris club, Ruushka, iyo dalalka kale oo badan. Arrintaan ayaa sidoo kale qeyb ka ah dadaaladii hannaanka Deyn Cafinta Soomaaliya ee in muddo ah Dowladda Federaalka Soomaaliya soo wadday.

Saxiixa heshiiska kaddib, waxaa Warbaahinta si wadajir ah ula hadlay Wasiirka Maaliyadda Soomaaliya iyo Safiirka Dowaldda Mareykanka ee Soomaaliya,isagoo sheegay in heshiiskaan uu yahay mid taariikhi ah, oo Soomaaliya fursad muhiim ah siinaya.

” Waxa aan maanta magaalada Muqdisho uga dhawaaqay dhammaystirka heshiiska Deyn Cafinta ee Dowladda Mareykanka isaga oo uu i weheliyo Danjiraha Dowladda Mareykanka ee Soomaaliya, Richard H. Riley. Wadarta guud ee deynta Dowladda Mareykanka ay maanta Soomaaliya ka cafisay ayaa ah, $1 billion (1 bilyan oo doollar Mareykanka ah”). Ayuu yiri Wasiirka Maaliyadda Soomaaliya.

Wasiirka Maaliyadda Soomaaliya Biixi Imaan Cige ayaa uga mahadceliyay Dowladda Mareykanka iyo Shacabka Mareykanka taageerada muhiimka ah ay siiyaan Soomaaliya ee dhanka horumarinta dhaqaalaha iyo dib-u-habaynta hannaanka Maaliyadda dalka.

Munaasabadda wareejinta gaadiidka, agabka ciidamada iyo tas-hiilaadka caafimaadka oo lagu qabtay dugsiga tababarka ciidamada ee Dhego badan ayaa waxaa ka soo qayb galay wasiiru dowlaha wasaaradda gaashaandhigga DFS, ku xigeenka agaasimaha Midowga Yurub ee Qaaradda Afrika, Ergayga Midowga Yurub u qaabilsan Soomaaliya, saraakiil ka socotay xafiiska UNOPS iyo mas’uuliyiin kale.

Wasiiru dowlaha wasaaradda gaashaabdhigga XFS Cumar Cali Cabdi oo Midowga Yurub kala wareegay gaadiidka ayaa xusay in taageeradoodu muhiim u tahay dhismaha ciidamada qalabka sida.

Shir-jiraa’id oo ay labada mas’uul si wadajir ah u wada qabteen ayaa waxaa ugu horeyn ka hadlay Mathieu Briens agaasime ku xigeenka Midowga Yurub ee Qaaradda Afrika, waxaana uu sheegay inuu ku faraxsanahay inuu maanta la joogo wasiiru dowlaha wasaaradda difaaca Soomaaliya iyo dhammaan bahda Midowga Yurub si ay ugu wareejiyaan gaadiid iyo agab militari oo muhiim u ah Soomaaliya, qalabkan oo ay u soo iibisay Midowga Yurub dowladda Federaalka Soomaaliya.

“Qalabkani wuxuu ka mid yahay taageerada weyn ee Midowga Yurub uu siinayey Soomaaliya sanadihii la soo dhaafay oo ay ka mid tahay tababarka Ciidamada aan siinay toban kun oo askari laga soo billaabo 2010-kii, waxaana ay saldhig u tahay si aan u garab istaagno Soomaaliya si ay u gaarto hamigeeda”, ayuu yiri Mathieu Briens.

Wasiiru dowlaha wasaaradda gaashaandhigga XFS Cumar Cali Cabdi ayaa ka mahadceliyay taageerada Midowga Yurub gaar ahaan gaadiidka iyo agabka lagu wareejiyay, waxaana uu sheegay inu Midowga Yurub uu yahay saaxiib weyn oo ka mid ah taageerayaasha beesha caalamka.

Ugu dambeyntii wasiir dowlaha wsaaradda gaashaandhigga oo ay wehliyaan saraakiisha Midowga Yurub ayaa kormeeray qaybaha dugsiga tababarada ciidanka ee Jeneral Dhagabadan, halkaas oo ay ka socdaan hawlo baaxad leh oo isugu jira tababarka ciidanka iyo sare u qaadista xirfadda saraakiisha xoogga dalka.