Wasiir ku-xigeenka Wasaaradda Warfaafinta, Dhaqanka iyo Dalxiiska XFS Mudane Cabdiraxnaan Yuusuf Al-Cadaala ayaa maanta waxaa uu kulan la qaatay madaxda Wasaaradda Warfaafinta, Isgaarsiinta iyo Technology-yada ee Maamulka SSC-Khaatumo.

Wasiir Cadaala, ayaa sheegay in Wasaaradda Warfaafinta ee dalka ay garab taagan tahay Wasaaradda Warfaafinta SSC-Khaatumo garabna lagu siin doonao in wariyaasha ka howlgala maamulkaas ay helaan tababaro kor loogu qaadayo aqoontooda iyo sidoo kale in dib loo howlgalin doono xarumihii dalxiiska ee ku yaalay maamulkaas.

Wasiir Cadaala oo kamid ah wafdiga Ra’iisul Wasaaraha XFS ayaa sidoo kale tagay xarumaha ay ku shaqeeyaan qaar kamid ah Warbaahinta kala duwan ee ka howlgala maamulka SSC-Khaatuno.

Wafdiga ka socda Dowladda Masar oo uu hoggaaminayo Axmed Cali Towfiiq Ibraahim Lutfi, Kaaliyaha Wasiirka Arrimaha gudaha Masar ayaa maanta soo gaaray magaalada Muqdisho, halkaas  oo ay ku soo dhoweeyeen mas’uuliyiin ka tirsan Dowladda Federaalka Soomaaliya.

Wasiiru Dowlaha Wasaaradda Amniga XFS, Wasiiru Dowlaha Wasaaradda Cadaaladda, Agaasimaha Guud ee Wasaaradda Amniga Gudaha, u qeybsamaha Arrimaha Carabta ee Wasaaradda Amniga, iyo saraakiil ay ka mid yihiin Jeneraal Maxamed Maxamuud Garaar, Jeneraal C.kariin Macalin Xuseen ayaa Garoonka diyaaradaha Abadan Cadde si diiran wafdiga ugu soo dhoweeyay.

Munaasabad kooban oo lagu wareejinayay agabka ciidanka ay ku deeqday Wasaaradda Arrimaha Gudaha Masar oo uu hadal ka jeediyay Axmed Cali Towfiiq Ibraahim Lutfi, Kaaliyaha Wasiirka Arrimaha gudaha Masar oo ka mahadceliyay Soo dhoweynta ayaa sheegay inuu fariin ka sido madaxda dalka Masar,wuxuuna sheegay in ujeedka imaanshihiisa uu qeyb ka yahay xoojinta amniga iyo la-dagaallanka argagixisada ay muujineyso aragtida madaxweynaha Masar.

Wuxuu xusay in Dowladda Masar qeyb weyn ay ka qaadatay tayeynta iyo tababarada saraakiisha ciidamada xoogga dalka, isagoo xusay in wejiga koowaad ee tababarada oo la bilaabay 224-loo, tababar la sii yay 100-ka mid ah saraakiisha ciidamada Soomaaliya,islamarkaana ay bixisay 40 ka mid ah koorsooyinkan la siiyay ciidamada booliiska, sidoo kale, Axmed Cali Towfiiq Ibraahim Lutfi, isagoo wuxuu tilmaamay inuu jiro wejiga labaad oo la qorsheynayo in Tabatha’s Masaari ahi loo soo diro dalka si ay uga qeyb qaataan howlaha lagu ballaarinayo tababarka ciidanka Soomaaliyeed oo la gaarsiinayo ikaa 200.

Wasiiru Dowlaha Wasaaradda Amniga Gudaha XFS Maxamed Cali Xagaa oo ka hadlay soo dhoweynta ayaa sheegay in Soomaaliya ay tahay sida dalkooda Labaad, isagoo muujiyay in taageeradan ay muujineyso iyo xiriirka walaalnimada ku dhisan ee soo Jordanian ee u dhaxeeya Masar iyo Soomaaliya, wuxuuna sheegay in shacabka Soomaaliyeed ku faraxsan yihiin taageeradooda xasillinta amniga gudaha ee dalka taasi oo ay ka mid tahay taageerada dhinaca tababarka ciidamada iyo qalabka ciidamada intab.

Munaasabadda wareejinta agabka oo goob joog ka ahaayeen Safiirka iyo Qunsulka Dalka Masar ee fadhigoodu yahay magaalada Muqdisho Maxamed Albazi iyo Maxamed Fowzi Masar,iyadoo uu Wasiiru Dowlaha Amniga XFS Maxamed Cali Xagaa oo ay weheliyaan Agaasimaha Guud ee Wasaaradda Amniga XFS Yuusuf Cali Maxamed iyo Jeneraal Maxamed Maxamuud Garaar ay guddoonsiiyeen wafdiga Masar haddiyado ay ugu talo gashay Wasaaradda Amniga XFS wafdigan oo y keentay diyaaradda Egypt Air ayaa dib ugu laabtay dalkooda Hooyo.

Laascaanood:- Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa xarigga ka jaray xarunta hay’adda diiwaangalinta aqoonsiga dadweynaha ee (NIRA), oo xarun cusub ku yeelan doonta Magaalada Laascaanood ee xarunta maamulka SSC-Khaatumo.

Xaruntaan ayaa bulshada deegaanka u qaban doonta adeeg muhiim ah, iyagoo ka heli doonaan Kaarka aqoonsiga Qaranka (Natinal ID) waxaana ay ka baaqsan doonaan in adeeggaan ay safar dheer u galaan.

“Qofka Muwaadinka ah waa in la diiwaan galiyo, oo uu aqoonsi helo, waana qodob Dastuuri ah, marka xaqiiqdaas ayaa uga curatay reer Khaatumo deegaanada maamulka, waana ku faraxsanahay in Madaxweynuhu noqdo qofkii ugu horreeyey ee la diiwaan galiyo”.

Aqoonsiga Qaranku waa xaq dastuuri ah oo Muwaadin kastaa uu xaq u leeyahay inuu helo aqoonsi qaran iyo diiwaangelin, waana saldhigga horumar kasta ee qaranku hiigsado.

Xukuumadda DanQaran oo fulineysa waajibkaas ayaa dib u yagleeshay Aqoonsi Qaran oo dhijitaal ah, xogtiisuna ay sugan tahay.

Laascaanood:-Wasiirka Wasaaradda Waxbarashada, Hiddaha iyo Tacliinta Sare ee Dowladda Federaalka Soomaaliya, Mudane Faarax Sheekh Cabdulqaadir, ayaa si rasmi ah xarigga uga jaray xafiiska shahaadooyinka ee Magaalada Laascaanood, gobolka Sool ee Maamulka Khaatumo (SSC).

Xafiiskan cusub ayaa noqon doona mid si weyn uga jawaaba baahida ardayda dhammaysatay heerarka kala duwan ee waxbarasho, isaga oo fududeyn doona helidda shahaadooyinka rasmiga ah ee ay bixiso Dowladda Federaalka Soomaaliya. Ujeeddada laga leeyahay furitaanka xafiiskan ayaa ah in la helo adeeg wax-ku-ool ah oo ardayda u dhow, loogana hortago dibudhac ku yimaadda bixinta shahaadooyinka, taas oo horay ugu xirneyd xarumo ku yaalla magaalooyin kale oo ka fog halka ay ku noolyihiin.

Munaasabadda xarigjarka ayaa waxaa ka qeybgalay mas’uuliyiin ka tirsan Wasaaradda Waxbarashada, Maamulka Gobolka Sool, bahda waxbarashada ee SSC Khaatumo, waalidiin iyo arday. Wasiir Faarax Sheekh Cabdulqaadir ayaa munaasabadda ka jeediyay khudbad uu ku bogaadinayo dadaalka shacabka deegaanka iyo sida ay ugu heellan yihiin horumarinta waxbarashada, isaga oo xusay in Wasaaraddu ka go’an tahay in la gaarsiiyo adeegyada waxbarasho dhammaan gobollada dalka.

“Maanta waxa aan markhaati ka nahay tallaabo kale oo muhiim u ah xoojinta nidaamka waxbarashada dalka. Xafiiskan waxa muujinayaa sida ay Wasaaradda uga go’an tahay in adeegyada waxbarasho la gaarsiiyo dhammaan shacabka Soomaaliyeed, meel kasta oo ay joogaan,” ayuu yiri Wasiirku.

Wasaaradda Waxbarashada ayaa sii wadi doonta dadaallada lagu xaqiijinayo usinnaanta helitaanka adeegyada waxbarasho, iyada oo kaashaneysa maamulka deegaanka, bulshada rayidka ah, iyo daneeyeyaasha kale ee waxbarashada.

Laascaanood: Ra’iisul Wasaaraha Xukuumadda Federaalka Soomaaliya, Mudane Xamsa Cabdi Barre, ayaa caawa magaalada Laascaanood kulan muhiim ah kula yeeshay Isimada deegaannada SSC-Khaatumo.

Kulanka ayaa diirrada lagu saaray sidii loo xoojin lahaa midnimada iyo geeddi-socodka nabadda, dib-u-heshiisiinta iyo xasilloonida dalka, isaga oo ka dhagaystay tallooyin dhaxal-gal ah oo ku aaddan dib-u dhiska dalka, iyo sidii deegaannada SSC-Khaatumo looga hirgalin lahaa hey’addaha dowladda ee bulshada soo gaarsiiya adeegyada muhiimka ah ee ay u baahan yihiin.

Mudane Xamsa Cabdi Barre, ayaa uga mahadceliyey Isimada doorkooda muhiimka ah ee ku aaddan nabadaynta iyo midnimada, waxaa uuna adkeeyey sida ay Xukuumaddiisu mudnaan gaar ah u siineyso xoojinta hey’adaha dowladda iyo ilaalinta midnimada ummadda Soomaaliyeed.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa kulan kula qaatay magaalada Antalya ee dalka Turkiga dhiggiisa Turkiga Mudane Recep Tayyip Erdoğan.

Madaxweynaha ayaa magaalada Antalya uga qeyb galaya meertada 4aad ee madasha Diblomaasiyadda Antalya 2025.