Maxaa laga og yahay Khawaarij Yuusuf Sheekh Ciise Koba ku tukade? qormadaan waxaa ku eegeynaa Arxanlaawahii dilay xubna ka tirsan qoyskiisa, wuxuu ku dhashay deegaanka Cowsweyne oo ka tirsan Degmada Ceeldheer ee bariga Galguduud, isagoo wax ku bartay deegaankaasi, islamarkaana uu markii dambana uu ka mid noqday Macalimiinta degmada Ceeldheer, wuxuuna uu ka mid ahaan jirey kabo ku tukade gaar ahaan deegaanka Cowsweyne, ahaana Macalimiintii la dhihi jirey BB-da

“Yuusu Sheekh Ciise sida ka muuqata magacaba Aabbihii  waa Nin ahlu quraan ah oo aan dadka dhibin, Ciise turufo waa naaneystiisii hore waxaa u ahaa marka aan bartay Nin watay gaari xamauulka ah ee loo yaqaan T.M markii horena dowladdii dhacday u ahaa Dabdamis oo uu bililqeystay, waxaana iiga marqaatiya inta nool oo tiqiinay Kaba ku tukade, waxaana koba ku Tukade loogu bixiyay sida tan: ‘asagoo wato gaari bililiqa ah ayuu bilaabay in barxada degmada Ceeldheer kobaha kula dukado”, taasoo la yaab ku eheyd dadka Ceeldheer ku nool”, sidaasi waxaa Wakaaladda Wararka ee SONNA u sheegay Maxamed Shidane Dabaan oo mar ka howlagi jiray Warbaahinta Muqdisho mid ka mid aheyd, islamarkaana Bare ka ahaa Dugsiga H/Dhexe ee Degmada Ceedheer sanadihii 2 kunnadii.

Ku biiristiisii Argagixisada kadib.

“Mar aan ka shaqeynay idaacad la yiraahdo Radio Banaadi Xilligii Madaxweyne Cabdullahi Yuusud Axmed ayaa koox uu watay waxa ay hoobiyeyaal ku garaaceen Suuq bucaad, waxaa dadkii dhaawacmay ka mid ahaa Carruur uu adeer u ahaa Kaba ku Tukade oo reer Sheekh Ciise ah, waxaan heley Teleefankiisa, kadib marka uu iga aqbalay inaan waraysto ayaan waxaan weydiiyay sida uu arko dadka maatida ah ee uu hoobiya ku garaacay oo ay ku jiraan kuwa uu waalid u yahay? Asagoo ka leex leexanayo su’aashaasi ayuu iyiri : haddii aan dowlda ku biiro oo isaga tago Al-shabaab, waxaan ka baqayaa in la i doqon dilo. taasi oo ula jeedo in laga jaaseeyo waxa uu geystay”, ayuu sii raaciyay.

‘Qaar ka mid ah Wiilshiisa waa uu dilay’, si kastaba ha u dilee, waa sida ay qabaan Dadka aadka ugun dhow, balse waxaa marqaati ma doonta ah inuu xoog iyo qasab uu carruur badan uga dhalay haween Soomaaliyeed oo fara badan, qaarkoodna ay yihiin kuwa aan wali qaan gaarin, sida mid ka soo hor muuqatay Makamadda Ciidamada Qalabka Sida, waa Nasteexo Muxudiin Maxamed oo 14 jir ah, waxaana ku daray Aabbaheed oo ka mid ah kooxda Argagixisada ah ee Al-shabaab.

“Khawaarij fogaaday Yuusuf Kaba ku Tukade waxa uu ka soo jeedaa deegaan ahaan degmada Ceeldheer, caawana waxa uu jecel yahay in uu haddii uu kari lahaa uu gacantiisa ku gubo dadka iyo duunyada ku nool halkaasi, iyadoo qaar ka mid ah Qoyskiisa ila wadaageen inuu geystay falal badan oo kufsi ah inta uu dhallinyarada ahaa,  taasoo qaab qabiil loo xaliyay”, arrintaan waxaa nala wadaagay Dad aad ay isugu dhow yihiin Khawaarij Kaba Ku Tukade.

Khawaarij Kaba ku Tukade waa Khawaarij Duurka ugu jira Baqdin iyo inuu daadiyo Dhiigga Dadka Shacabka ah ee aan waxba galabsan. “Inta aan ka aqaano ayaa idinku filan”ayuu Yiri Maxamed Shidane.

Ololaha Diiwaangelinta Codbixiyayaasha oo 15-kii bishaan April si rasmi ah looga daahfuray Degmada Shangaani ayaa weli socota, iyadoo maalinba maalinta ka dambeysa ay sii kordhayaan tirada dadweynaha u soo baxaya inay isdiiwaangeliyaan.

Waa doorashadii dadweyne ee ugu horreysay oo ay dadka Muqdisho isku diiwaangaliyaan muddo 56 sano ah, waxaana falgalka iyo hadalhaynta ballaaran ee ay yeelatay hawsha isdiiwaangelintu ay muujinaysaa sida ay dadku ugu wada faraxsan yihiin.

Maanta oo ay taariikhdu ahayd 23-ka bisha waxaa isdiiwaangelintu ay ka socotaa  degmooyinka kala ah Waabari, Xamar-Jajab, iyo dagmada Cabdicasiis.

Marka laga soo tago Dagmada Shangaani oo martigelisay daahfurka ololaha, waxaa kaloo ay hawshu ka hirgashay degmooyinka Shibis, Xamarwayne, Boondheere.

“Kumannaan shacab ah oo ka badan inta la filaayey ayaa isugu soo baxay isdiiwaangalinta, waana arrin muujinaysa diyaargarowga shacabka Soomaalliyeed ee ka-qeybgalka doorashada Qof iyo Cod” ayaa lagu yiri qoraal ka soo baxay guddiga doorashooyinka iyo soohdimaha Qaranka.

Diiwaan-galinta codbixiyaasha oo socon doonta ilaa iyo 15 May ayaa maalmaha soo socda ka billaaban doonta dagmooyin hor leh oo ka tirsan Gobolka Banaadir.

Ciidamada Deegaanka ee Gobolka Hiiraan ayaa xalay weerar culus ku qaaday dhagarqabayaal ka tirsan Khawaarijta oo ku dhuumaaleysanayey aagga deegaanka Aboorey ee gobolkaas.

Howlgalka ayaa yimid kadib markii Ciidamada difaaca deegaanka ay ka war heleen Khawaarijta isku aruursanaysa aagga Aboorey, waxay halkaas ku qaadeen weerar cashir loogu dhigay Khawaarijta, khasaare xooggana lagu gaarsiiyey.

Saraakiisha howlgalka hogaaminaysa ayaa Warbaahinta Qaranka u sheegay in khasaare isugu jira dhimasho iyo dhaawac ay Khawaarijta gaarsiiyeen, isla markaana howlgalkaas uu u dhacay sidii ay u qorsheeyeen.

Ciidamada Difaaca Deegaanka ayaa gacanta ku haya goobtii uu ka dhacay howlgalkaas ee Khawaarijta lagu laayey , sida ay saraakiishu noo xaqiijiyeen.

Ciidamada Deegaanka ee Gobolka Hiiraan ayaa sidaan oo kale weerar ku qaaday Khawaarij isku aruursatay inta u dhaxaysa deegaanka Mabaax iyo degmada Aadan-yabaal, waxayna cadowga gaarsiiyeen khasaare culus, kuna guuleystay inay ka hor tagaan dhagartii ay u maleegayeen shacabka Soomaaliyeed.

Ra’iisul Wasaaraha XFS Xamse Cabdi Barre ayaa xafiiskiisa kusoo dhaweeyay maantay Mudane Suleyman Xasan Waaberi oo ah Xubin sare oo ka tirsan Golaha FIFA ahna Guddoomiyaha Xiriirka Kubadda Cagta ee dalka Jabuuti . Kulankan waxaa ka qayb ahaa Wasiirka Wasaaradda Dhallinyarada iyo Ciyaaraha, Maxamed Cabdiqadir Cali, iyo Wasiir ku xigeenka wasaaradda, Xildhibaan Dahabo Suusow Maxamuud, Masuuliyiin kale iyo Guddoomiyaha Xiriirka Kubadda Cagta Soomaaliya Cali Cabdi Maxamed (Cali Shiine) oo wehlinayay martida.

Booqashada Guddoomiye Suleyman Waaberi ayaa si rasmi ah uga bilaabatay Xarunta Wasaaradda Dhallinyarada iyo Ciyaaraha, halkaas oo uu kulan isbarasho iyo wada-tashi ah kula yeeshay masuuliyiinta wasaaradda, ka hor inta aysan u gudbin xafiiska Ra’iisul Wasaaraha.

Is aragaan ayaa waxaa diiradda lagu saaray xoojinta xiriirka kubadda cagta ee dalalka Soomaaliya iyo Jabuuti, horumarinta ciyaaraha gobolka, iyo sidii FIFA iyo CAF ay u sii kordhin lahaayeen taageeradooda ku aaddan horumarinta kubadda cagta ee geeska Afrika.     

Kampala: Safiirka Soomaaliya ee Uganda, Amb. Fardowsa Maxamed Qanyare, ayaa kulan kula qaadatay xafiiskiisa Agaasimaha Guud ee Hay’adda Socdaalka & Jinsiyadda Dowladda Uganda, Gen. Apollo Kasiita-Gowa.

Kulanka ayaa diiradda lagu saaray xoojinta xiriirka labada dal ee dhanka socdaalka iyo is-dhexgalka muwaadiniinta Soomaaliyeed iyo Ugandheyska.

Danjire Fardowsa ayaa Agaasimaha u gudbisay cabashooyin ka yimid bulshada Soomaaliyeed ee ku nool Uganda, kuwaas oo intooda badan aan haysan sharciyad rasmi ah oo ay dalka ku joogaan.

Sidoo kale, Safiir Fardowsa waxay xustay in maadaama Soomaaliya ay ka mid tahay dalalka Urur Goboleedka Bariga Afrika (EAC), muwaadiniinta Soomaaliyeed ay tahay in loola dhaqmo sida dalalka EAC. Waxayna ku baaqday in ardayda Soomaaliyeed ee wax ka barta Uganda loola dhaqmo sida ardayda kale ee ka kala yimaada dalalka xubnaha ka ah EAC.

Dhankiisa, Agaasimaha Hay’adda Socdaalka Uganda, Gen. Apollo Kasiita-Gowa, ayaa ballan qaaday in cabashooyinkaas wax laga qaban doono, isagoo arrintaas kala kaashan doona Wasaaradda Arrimaha Urur Goboleedka Bariga Afrika ee Dowladda Uganda