Mas;uuliyiinta Wasaaradda Caafimaadka XFS ayaa magaalada Muqdisho ku qabatay xaflad lagu maaamuusaayey maalinta caalamiga ah ee wacyigelinta cudurka biyaha indhaha ee saameeya aragga.

Munaasabaddaan waxaa ka qeybgalay qaar kamid ah mas’uliyiinta wasaaradda caafimaadka ,dhaqaatiir ka socday cisbitaalada gaarka ah,wakiillo ka shaqeeya caafimaadka indhaha iyo marti sharaf kale oo lagu casuumay xafladdaasi.

Madaxa caafimaadka indhaha ee wasaaradda caafimaadka Dr Maxamed C/Raxmaan macalin iyo xubno kale oo ka hadlay munaasabaddaasi waxa ay ka warbixiyeen muhiimadda indhaha iyo sida ay lagama maarmaanka u tahay in la joogteeyo wacyugalinta bulshada ,gaar ahaan ee sidii loola socon lahaa cudurada ku dhaca indhaha ee ay ugu horeeyaan cudurka biyaha indhaha ee saameeya aragga .

Dhammaan xubnihii ka hadlay xafladda loo sameeyay xuska maalinta cudurka  indhaha ee saameeya aragga waxa ay soo jeediyeen in lagu dadaallo badqabka indhaha,isla markaana la joogteeyo la kulanka dhaqaatiirta aqoonta u leh daaweynta cudurada ku dhaca indhaha.

Degmada Gubadleey ayaa xalay tartan cilmiyeedka warbaahinta qaranka ka reebtay degmada Cabdi Casiis,halka Degmada Kaaraan ay iyaduna ka adkaatay dhigeeda Daayniile.

Degmada Gubadleey ayaa heshay 12 dhibcood,halka Degmaga Kaaraan ay iyaduna keensatay 14 dhibcood tartan ay la galeen Cabdi Casiis iyo Daayniile oo kala helay 8 dhibcood iyo 10 dhibcood.

Tartan cilmiyeedka bisha Ramadaan ayaa waxa uu galay sanadkii lix iyo tobnaad ,iyadoo sanadkaan ay si wadajir ah u taaba-gelinayaan maamulada Bangiga IBS iyo kan Gobolka Banaadir.

Sanad kasta barnaamijka tartan cilmiyeedka bisha ramadaan waxaa ka qeybgala 32 degmo oo kamid ah gobolada dalka Soomaaliya,waxaana degmadii ku guuleysata tartankaasi lagu abaalmariyaa koobab,lacago iyo abaalmarinno kale sida shahaadooyin muujinaya kaalinta aqoon ee ay gaareen dhallinyarada jiilasha cusub ee soo koroya.

Mudane Axmed Aboul Gheit, Xoghayaha Guud ee Jaamacadda Carabta, ayaa soo dhaweeyay ansixinta ugu dambeysa ee Dastuurka Jamhuuriyadda Federaalka Soomaaliya ee uu meel mariyey Baarlamaanka Soomaaliya iyo dhaqan-galintiisa, isagoo ku tilmaamay tallaabo taariikhi ah oo muhiim ah oo ku jirta geeddi-socodka dhameystirka dhismaha hay’adaha dowladda Soomaaliyeed.

Waxa uu xusay in arrintani ay xoojinayso aasaaska nidaamka dastuuriga ah ee ku dhisan xukunka sharciga, kala soocidda awoodaha dowladda, ixtiraamka xuquuqda iyo xorriyadaha aasaasiga ah, iyo xaqiijinta midnimada dalka iyadoo la tixgelinayo gobolladiisa kala duwan.

Afhayeenka rasmiga ah ee Xoghayaha Guud, Jamaal Rushdi, ayaa sheegay in Abu Al-Gheit uu carrabka ku adkeeyay in ansixinta dastuurka Soomaaliya ay ka tarjumeyso geeddi-socod qaran oo ballaaran iyo dadaallo joogto ah oo ay sameynayaan shacabka Soomaaliyeed iyo hay’adahooda si loo xoojiyo xasilloonida siyaasadeed, loo adkeeyo midnimada dalka, loona dhiso nidaam dowladeed oo hufan, isla markaana loo taageero horumar waara.

Sidoo kale wuxuu xaqiijiyay in Jaamacadda Dowladaha Carabta ay sii wadi doonto taageerada iyo iskaashiga ay la leedahay Dowladda iyo Baarlamaanka Jamhuuriyadda Federaalka Soomaaliya, dhammaan dhinacyada kor u qaadaya ammaanka iyo xasilloonida, xoojinta hay’adaha dimuqraadiyadda, ilaalinta midnimada dalka, iyo horumarinta barwaaqada shacabka Soomaaliyeed, taas oo sidoo kale ka qeyb qaadanaysa nabadda iyo xasilloonida gobolka.

Ciidanka Xoogga Dalka gaar ahaan Guutada 17aad ee Qeybta 1aad ee Kumaanooska Gorgor ayaa howlgallo qorsheysan Ka fuliyay Koonfurta deegaanka Masaale ee Gobalka Shabeellada dhaxe.

Howlgalladaan oo si gaar ah ay u fuliyeen Ururka 171aad ee kumaandoosta Gorgor,waxaa uu ahaa mid la xiriiray  sugidda nabadgelyada iyo sifeynta kooxaha khawaarijta oo mararka qaar ku soo fhuuumaaleysta halkaasi.

Taliyaha Ururka 171aad ee kumaandooska Gorgor Cabdullaahi Mustaf Cali (Tima-weyne) oo hoggaaminayay Howlgalka ayaa caddeeyay inay sii wadi donaan howlgallada lagu ciribtirayo Khawaarijta,isla markaana looga saarayo goob kasta oo ay Ka joogaan gobolka Sh/Dhexe.

Taliyaha Ciidanka Xoogga Dalka S/Guuto Ibraahim Maxamed Maxamuud oo la hadlay cutub kamid ah ciidanka oo loo qaadayo tababar xagga dibadda ah ayaa ka waramay ahmiyadda tababarkasi aqoon kororsiga ah uu u leeyahay ciidanka dalka iyo sida ay lagama maarmaanka u tahay in looga soo dhalaalo barashada aqoonta ee loogu talagalay in lagu dhiso xirfadaha ciidanka.

Taliyaha ayaa xusay in cutubkaasi ay soo qaadan doonaan xirfado ku saabsan barashada Madallaadka ama waxa loo yaqaanno adeegga isticmaalka baarashuutka ee looga soo dhaadhaco gaadiidka cirka,gaar ahaan diyaaradaha ciidamada.

Taliyaha Ciidanka ayaa qiray in tababarkaasi aqoon kororsiga ah uu yahay mid culus oo u baahan ad-adeeg iyo dulqaad,isagoo dhinaca kalena faray in waji furfuran ay kula dhaqmaan ciidamada shisheeye ee ay la qaadan doonaan tababrkaasi.

“Waa muhiim in aad go’aamisaan fursadaha ay heli doonaan ciidanka idinka dambeeya ee loo qaadayo dibadaha”sidaasi waxaa yiri Taliyaha Ciidanka Xoogga Ibraahim Maxamed Maxamuud.

Jabuuti: Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa magaalada Jabuuti kaga qeyb-galay kulan saddex-geesood ah oo uu la yeeshay Madaxweynaha Jamhuuriyadda Jabuuti Mudane Ismaaciil Cumar Geelle iyo Ra’iisul Wasaare Abiy Ahmed.

Kulankan ayaa looga hadlay xoojiyey iskaashiga wadajirka ah ee saddexda dal, iyadoo si gaar ah diiradda loo saaray amniga gobolka, la dagaallanka argagixisada, dadaalada Soomaaliya ee dimuqraadiyeynta, xasilloonida Geeska Afrika iyo horumarinta iskaashiga.

Sidoo kale, Madaxda ayaa dul istaagay fursadaha lagu horumarin karo maalgashiga, isu-socodka iyo horumarinta kaabeyaasha dhaqaalaha, si loo xoojiyo isdhexgalka iyo horumarka dalalka gobolka.

Madaxweyne Xasan Sheekh Maxamuud ayaa uga mahadceliyey Dowladda iyo shacabka Jamhuuriyadda Jabuuti martigelinta kulankaasi, isaga oo qiray muhiimadda ay leedahay sii joogteynta wada-tashiyada lagu xoojinayo xiriirka iyo iskaashiga dalalka gobolka.

New York: Wasiirka Wasaaradda Qoyska iyo Hormarinta Xuquuqul Insaanka XFS Amb Khadiija Maxamed Al-Makhzoumi ayaa mar kale khudbad ka jeedisay shir heer Wasiir ah oo qeyb ka ah shirka sanadlaha ah ee Haweenka Aduunk,kaas oo ka soconaya xarunta QM ee magaalada New York dalka Mareykanka.

Wasiir ayaa shirkaasi ku xustay caqabadaha heysta Haweenka Soomaaliyeed iyo sida ay laghama maarmaanka u tahay in si buuxda loo garab istaago dadaalada iyo waxqabadka haweenka ee ku aadan ka qeybgalka horumarka dalka.

“Si aan meesha uga saarno tacadiyada iyo xadgudubyada ay la kulmaan Haweenkeenna waxaan hirgelinay qadka wicitaannada deg degga ee caawinta Haweenka iyo Carruurta Soomaaliyeed anaga sidoo kalena meel marinay sharciyo iyo siyaasado wax ku ool u ah Haweenka ” ayey tiri Wasiir Khadija Al-Makhzoumi.

Sanad kasta waxaa bisha maarso lagu qabtaa xarunta QM ee magaalada New York shirka sanadlaha ah ee Haweenka Aduunka, iyadoo sanadkan ay Soomaaliya shirkaan uga qeybgaleen  wafdi ballaaran oo ay hogaamineyso Wasiirka Wasaaradda Qoyska iyo Hormarinta Xuquuqul Insaanka XFS.

Degmada Wanlaweyn oo ka tirsan Gobolka Sh/Hoose ayaa u gudubtay wareegga 3-aad ee tartan cilimyeedka bisha ramadaan, kaddib, markii 12 dhibcood ay kaga adkaatay Degmada Gaalkacyo oo iyaduna heshay 6 dhibcood.

Waa sanadkii lix iyo tobnaad ee warbaahinta qaranka ay qabaneyso tartan cilmiyeedka bisha Ramadaan,kaas oo sanadkaan ay si wadajir ah u taaba-gelinayaan maamulada Bangiga IBS iyo kan Gobolka Banaadir.

Tartankaan waxaa habeen kasta laga sii daayo Warbaahinta Qaranka Soomaaliyeed, iyadoo si toos ah looga daawadaa Telefishinka Qaranka iyo sidoo kale Radio Muqdisho oo laga baahiyo.

Sanad kasta barnaamijka tartan cilmiyeedka bisha ramadaan waxaa ka qeybgala 32 degmo oo kamid ah gobolada dalka Soomaaliya,waxaana degmadii ku guuleysata tartankaasi lagu abaalmariyaa koobab,lacago iyo abaalmarinno kale sida shahaadooyin muujinaya kaalinta aqoon ee ay gaareen dhallinyarada jiilasha cusub ee soo koroya.

Jadwalka isku aadka wareegga Afar dhamaadka ee tartan cilmiyeedka warbaahinta qaranka

.

Jabuuti- Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hoggaaminayo ayaa gaaray magaalada Jabuuti ee Caasimadda dalka aan walaalaha nahay ee Jamhuuriyadda Jabuuti, halkaasi oo si diiran loogu soo dhoweeyay.

Booqashada Madaxweyne Xasan Sheekh ee dalka Jabuuti ayaa salka ku haysa aragti wadaag ku saleysan xaaladda gobolka, iskaashiga, wadajirka, danwadaagga iyo xiriirka soo jireenka ah ee ka dhexeeya labada shacab ee walaalaha ah ee Soomaaliya iyo Jabuuti.

Madaxweyne Xasan Sheekh ayaa muddada uu ku sugan yahay dalka Jabuuti, waxa uu la kulmi doona, dhiggiisa Jamhuuriyadda Jabuuti, Mudane Ismaaciil Cumar Geelle oo ay ka arrinsan doonaan xaaladaha siyaasadeed, amni iyo dhaqaale ee Gobolka, gaar ahaan danaha wadajirka ah ee ka dhexeeya Labada Jamhuuriyadood.
DHAMMAAD