Dowladda Soomaaliya oo Ka Qayb Gashay Shirkii 11-aad Ee OACPS Ee Dalka Equatorial Guinea

By

-

March 29, 2026

Muqdisho(Wargeyska Dalka):-Wasiirka Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya, Mudane Abdisalam Ali , ayaa Magaalada Malabo uga qaybgalay Shir-Madaxeedka 11-aad ee Hoggaamiyeyaasha iyo Madaxda Dawladaha ee Ururka Dalalka Afrika, Karibiyaanka, iyo Baasifigga (OACPS).

Wasiirka oo matalayay Dowladda Soomaaliya ayaa Madasha ka jeediyey khudbad muhiim ah oo uu diiradda ku saaray Qorshayaasha hortebinta u leh Qaranka. Waxa uu si gaar ah u iftiimiyey ahmiyadda ay Soomaaliya siineyso Iskaashiga Dhaqaalaha iyo xoojinta ka qaybgalka fagaarayaasha Caalamiga ah si loo kobciyo fursadaha Horumarineed ee Dalka.

Intii uu Shirku socday, Wasiir Cabdisalaan waxa uu kulan doceedyo sidoo kale la yeeshay dhiggiisa Dalalka kale ee Xubnaha ka ah Ururka, isagoo kala hadlay sidii loo xoojin lahaa xiriirka Saaxiibtinimo iyo Iskaashiga dhinacyada badan leh. Kulamadan ayaa qayb ka ahaa dedaallada ay Soomaaliya ku doonayso inay ku xoojiso xulufooyinka Caalamiga ah.

Ugu dambayn, Wasiirka ayaa xaqiijiyey in Soomaaliya ay diyaar u tahay inay si dhow ula shaqayso dhammaan Dalalka Xubnaha ka ah OACPS si loo xaqiijiyo aragtida fog ee Ururka, taas oo ku dhisan Nabad, Barwaaqo, iyo Iskaashi dhab ah oo dhex mara Waddamada ku yaalla saddexda Qaaradood.

Guddoonka Golaha Shacabka ee BJFS oo beeniyay Warar been abuur ah oo lagu faafiyey Baraha Bulshada

By

osman Dhiblawe

-

March 29, 2026

Muqdisho(Wargeyska Dalka):-Xafiiska Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya waxa uu si Cad u cadeynayaa in uusan jirin wax Mooshin ah oo soo gaaray islamarkaana ay Been Abuur yihiin Wararka lagu faafiyey Baraha Bulshada.

Golaha Shacabka wuxuu ku shaqeeyaa Hannaan Sharci ah oo Cad, mana jirto wax tallaabo ah oo la qaaday oo la xiriirta Mooshin ka dhan ah Madaxweynaha JFS.

RW ku-xigeenka labaad ee Dalka oo ka qeyb galay saxiixa heshiiska iskaashiga Difaaca Soomaaliya iyo Turkiga

By

osman Dhiblawe

-

March 28, 2026

Ra’iisul Wasaare Ku-xigeenka Labaad ee Xukuumadda Federaalka Soomaaliya, Mudane Jibriil Cabdirashiid Xaaji Cabdi, ayaa maanta ka qeyb galay munaasabad lagu saxiixayay hirgelinta heshiiska iskaashiga difaaca iyo dhaqaalaha ee u dhexeeya Soomaaliya iyo Turkiga, kaas oo saldhig u ah xoojinta iskaashiga Khayraadka Badda iyo kobcinta dhaqaalaha buluugga.

Heshiiskan oo ku saleysan is-afgaradkii ay gaareen Madaxweynayaasha labada dal Mudane Xasan Sheekh Maxamuud iyo Mudane Recep Tayyip Erdogan, ayaa horseeday aasaaska shirkadda SOMTURK bishii Diseembar 2025. kadib iiskaashi dhexmaray Wasaaradda Kalluumeysiga iyo Dhaqaalaha Buluugga ee Soomaaliya iyo shirkadda Turkiga ee OYAK.

Ra’iisul Wasaare Ku-xigeenka ayaa tilmaamay in Shirkadda SOMTURK ay door muhiim ah ka qaadan doontaa nidaaminta iyo bixinta rukhsadaha kalluumeysiga caalamiga ah ee ka dhaca Aagga Dhaqaalaha Gaarka ah (EEZ) ee Soomaaliya, iyada oo si dhow ula shaqeyn doonta Wasaaradda, waxa ay gacan ka geysan doontaa la-dagaallanka kalluumeysiga sharci darrada ah, xoojinta awoodda ciidamada badda iyo ilaalinta xeebaha, iyo horumarinta kaabeyaasha kalluumeysiga dalka.

Wasaaradda Arrimaha Gudaha XFS oo si adag u cambaareysay Doorashadii Sharcidarada ee Baydhabo

By

osman Dhiblawe

-

March 28, 2026

Dowladda Federaalka Soomaaliya waxay si adag u cambaareyneysaa is doorashada sharci darrada ah ee maanta lagu qabtay magaalada Baydhaba, taas oo dhab ahaan fal sharci-darro ah iyo is-magacaabid hore loo sii qorsheeyey, kana hor imaanaya dhamaan heshiisyadii Golaha Wadatashiga Qaranka, xeerarka doorashada iyo dastuurka dalka, isla markaana aan ka tarjumayn rabitaanka shacabka Koonfur Galbeed.

Waxa si cad u muuqata in waxa dhacay aanu ahayn doorasho xalaal ah, balse ay tahay isku day qaawan oo lagu marin-habaabinayo hannaanka dimuqraadiyadeed, laguna meel-marinaayo natiijo hore loo sii go’aamiyey. Habraac 24 saacadood gudahood lagu soo afjaray, oo ka fog hufnaan, tartan xor ah, iyo sharciyad, looma aqoonsan karo doorasho waafaqsan dastuurka iyo nidaamka dowladnimo ee dalka.

Tallaabadan sharci darada ah waxay si toos ah uga hor imaanaysaa mabaadi’da sharciyeed ee hagaya geedi socodka dowlad dhiska dalka. Sidoo kale, waxay sii xoojineysaa tabashooyinkii mudada dheer ka jiray Koonfur Galbeed, waxayna dhaawaceysaa dadaalada, dib-u-heshiisiinta iyo dimuqraadiyeynta dalka.

Dowladda Federaalka Soomaaliya waxay caddeyneysaa in aan la aqbali karin hannaan kasta oo sharci-darro, qasab, iyo musuq siyaasadeed ku saleysan, laguna daboolay magac doorasho.

Hoggaan sharciyaddiisu sugan tahay waxa keliya oo uu ka iman karaa rabitaanka shacabka oo lagu muujiyo hannaan xor ah, hufan, xalaal ah, loona wada siman yahay.

Dowladda Federaalka Soomaaliya waxay mar kale adkeynaysaa sida ay uga go’an tahay difaaca dastuurka, ilaalinta nidaamka federaalka, iyo hirgelinta doorashooyin xor, xalaal, hufan, kana tarjumaya rabitaanka dhabta ah ee shacabka Soomaaliyeed.

Halkan Hoose ka kahriso Warsaxaafadeedka:-

RW Xamsa oo warbixin ka dhageystay Wasiir Cabdiqaadir

By

osman Dhiblawe

-

March 28, 2026

Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa maanta xafiiskiisa warbixin uga dhagaystay Wasaaradda Dekedaha iyo Gaadiidka Badda, taas oo ku saabsan horumar dalka uu ka gaaray dhanka gaadiidka badda.

Warbixinta oo ay soo jeediyeen Wasiirka Wasaaradda Mudane Cabdiqaadir Maxamed Nuur iyo khubaro ka socotay wasaaradda ayaa lagu soo bandhigay hannaan casri ah oo lagu diiwaangalinayo doomaha iyo maraakiibta saldhiggoodu uu noqonayo Soomaaliya, kuwaas oo qaadan doonna calanka Soomaaliya si tixraac u yeeshaan.

Ra’iisul Wasaare Xamsa, ayaa madaxda wasaaradda ku boggaadiyay dadaalka ay sameeyeen, wuxuuna sheegay in hannaankan cusub uu Soomaaliya ka saarayo diiwaanka madoow ee xagga Gaadiidka Badda, isaga oo kula dardaarmay in howsha lasii dardargaliyo.

Maxkamadda Sare ee Dalka oo ansixisay Natiijada Doorashada Golaha Deegaanka G/Banaadir

By

osman Dhiblawe

-

March 28, 2026

Muqdisho,(Wargeyska Dalka):- Maxkamadda Sare ee Jamhuuriyadda Federaalka Soomaaliya ayaa si kama dambeys ah u ansixisay Natiijada Doorashadii Golayaasha Deegaanka Gobolka Banaadir, oo hore si ku-meel-gaar ah ugu dhawaaqeen Guddiga Doorashooyinka Qaranka.

Madaxweynaha JFS oo Xarigga ka Jaray Dib u Dhiska Waddada Isku Xirta Isgoysyada Dabka iyo Bakaaraha.

By

osman Dhiblawe

-

March 28, 2026

Muqdisho(Wargeyska Dalka):- Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa Maanta si rasmi ah Xarigga uga jaray Waddo Laami ah oo muhiim ah oo isku xirta Isgoysyada Dabka iyo Suuqa Bakaaraha ee Magaalada Muqdisho.

Madaxweynaha ayaa Munaasabadda ka sheegay in Dowladda Federaalka ay ka go’an tahay sii wadista Dib u Dhiska Dalka, gaar ahaan Horumarinta Adeegyada aasaasiga ah sida Waddooyinka,isagoo ku ammaanay Maamulka Gobolka Banaadir dadaallada ay ku bixinayaan soo celinta bilicda Magaalada Muqdisho.

Madaxweyne Xasan Sheekh ayaa yiri“Isbeddelka aan u dulqaadanno, si Dalku uu horay ugu socdo waana muhiim in inaan ka gudubnaa 30-kii sano ee aan ku jirnay Xaaladaha adag”.

Dhinaca kale, Guddoomiyaha Gobolka Banaadir ahna Duqa Magaalada Muqdisho oo ka qeyb galay Munaasabadda ayaa sheegay in ay sii xoojinayaan dadaallada lagu Horumarinayo Kaabayaasha Dhaqaalaha ee magaalada Muqdisho.

Dhismaha Waddadan waxaa fuliyay Maamulka Gobolka Banaadir, iyadoo si gaar ah diiradda loo saaray tayeynta iyo adkeysiga Waddada oo xilligaan diyaar u ah isticmaalka Maalinlaha ah ee Gaadiidka.

Barnaamijka Dib u Dhiska iyo dayactirka Waddooyinka waxa ay qeyb ka yihiin dadaallada dowladda Federalka iyo Maamulka Gobolka Banaadir ay ugu jiraan Horumarinta Kaabayaasha Dhaqaalaha ee Caasimadda.

Dowladda Soomaaliya oo Markii Ugu Horreysay Ka Qayb Gashay Shirka Xuquuqda Aadanaha ee Ururka IGAD

By

osman Dhiblawe

-

March 28, 2026

Bishoftu, Ethiopia(Wargeyska Dalka):- Dowladda Soomaaliya ayaa markii ugu horreysay ka qayb gashay Shir-Sanadeedka Dalladda Hay’adaha Xuquuqda Aadanaha ee Waddamada Urur Gobolleedka IGAD oo ka qabsoomay Magaalada Bishoftu ee Dalka Itoobiya, waxaana Wafdiga Soomaaliya hoggaaminayay Guddoomiye-Ku-Xigeenka Guddiga Madaxa-Bannaan ee Xuquuqul Insaanka Qaranka, Mudane Maxamed Haaruun Maxamuud.

Shirka ayaa diiradda lagu saaray xoojinta waxqabadka Dalladda, iyadoo Kenya loo doortay hoggaanka Sannadka soo socda, kana la wareegtay Itoobiya, isla markaana la ansixiyay Qorshe-Hawleedka Cusub. Soomaaliya ayaa sidoo kale Warbixin ka bixisay Xaaladda Xuquuqda Aadanaha iyo Horumarka laga sameeyay Dhismaha Guddiga Cusub.

Mas’uuliyiinta Guddiga Madaxa Banaan ee Xuquuqul Insaanka Soomaaliya ayaa xusay in Qaraar ay Qaramada Midoobay Bishii Oktoobar 2025 ku wareejisay Mas’uuliyadda la socodka Xuquuqda Aadanaha ee Dalka uu door muhiim ah ka qaadanayo xoojinta Awoodda Hay’adaha Qaranka.

Dhinaca kale, Guddoomiye-Ku-Xigeeka iyo Commissioner Cali Maxamed Cilmi ayaa kulamo doceedyo la yeeshay Dalalka Itoobiya iyo Kenya kuwaasi oo la iskula soo qaaday sidii loo xoojion lahaa Iskaashiga Gobolka ah, iyadoo sidoo kale la ballan qaaday in la dedejiyo ka mid noqoshada Soomaaliya ee Shabakadda Hay’adaha Xuquuqda Aadanaha ee Afrika.

Xulka Qaranka Soomaaliya Oo Natiijo Muhiim ah ka Helay Ciyaartii Isreeb reebka Qaramada Afrika

By

osman Dhiblawe

-

March 28, 2026

Xiddigaha Xulka Qaranka Soomaaliya ee kubadda cagta, ayaa galabta ciyaaray kulan muhiim ah oo qeyb ka ah isreeb-reebka hordhaca ah ee tartanka Qaramada Afrika 2027, iyaga oo la ciyaaray dhigooda Mauritius.

Kulan ciyaareedkaan oo ka dhacay magaalada Maputo ee caasimadda dalka Mozambique, halkaas oo Soomaaliya ay “home” ahaan ugu ciyaareysay, ayay xiddigaha xulka Ocean Stars soo bandhigeen ciyaar heer sare ah oo ay ka muuqatay xirfad, isku xirnaan, kalsooni iyo dadaal dheeri ah. Waxay abuureen fursado badan oo ay goolal ku dhalin kareen, hase yeeshee taasi uma suurogelin, waxaana ciyaarta ay kusoo idlaatay 0-0.

Natiijadan ayaa ah mid muhiim u ah rajada xulkeenna ee u soo bixitaanka wareegyada xiga ee tartanka.

Si kastaba, Xulka Soomaaliya ayaa hadda u diyaar garoobaya kulanka lugta labaad ee isreeb-reebka AFCON 2027, oo ay 31-ka bishan magaalada Port Louis kula ciyaari doonaan dhigooda Mauritius.

Taliyaha Ciidanka Dhulka oo Roma kaga qeybgalay shirka Taliyayaasha Ciidamada Dhulka ee Afrika

By

osman Dhiblawe

-

March 28, 2026

Taliyaha Ciidanka Dhulka Xoogga Dalka Somaliyeed Sareeye guuto Sahal Cabdulahi Cumar ayaa magaalada Rome ee Dalka Talyaaniga kaga qayb galay shirka Taliyayaasha Ciidamada Dhulka ee Afrika, African Land Forces Summit 2026.

Shirkan oo ay soo qabanqaabiso Dawladda Maraykanka, islamarkaana sanad walba la isugu keeno Taliyayaasha Ciidamada Dhulka ee qaaradda Afrika iyo bahwadaagtooda caalamiga ah, ayaa diiradda lagu saaray xoojinta iskaashiga amniga, horumarinta awoodaha ciidamada, iyo la tacaalidda caqabadaha amni ee wadajirka ah.

Sanadkan waxaa si gaar ah shirka doodiisi ay aheyd Ka doodista doorka sii kordhaya ee tiknoolajiyadda casriga ah, gaar ahaan diyaaradaha aan duuliyaha lahayn (drones) iyo sida ay u beddelayaan qaabka hawlgallada militari iyo qorsheynta istaraatiijiga ah.