Galbeed u magacaabay maamul ku meel gaar ah

By

-

April 2, 2026

Ra’iisul Wasaaraha Xukuumadda JFS Mudane Xamsa Cabdi Barre ayaa soo saaray digreeto uu ku magacaabayo hoggaamiye ku meel gaar ah oo sii wada howsha maamul ee Koonfur Galbeed.

Wareeftadaan ayaa waxaa R/Wasaare ku xigeenka labaad Mudane Jibriil Xaaji Cabdi Rashiid cabdi si ku meel gaar ah loogu magacaabay in uu noqdo hoggaamiyaha maammulka KMG ah laga bilaano kowda bishaan Apriil.

Wareegtadaan oo ka soo baxday xafiiska R/Waaraha JFS ayaa loo cuskaday qodobadaan soo socda:-

In la daboolo baahida loo qabo sii socoshada howlaha maamul ee K/Galbeed.

In la ilaaliyo xasiloonida siyaasadeed.

In la tixgaliyo sida ay lagama maarmaanka u tahay in la helo hoggaan KMG ah oo suga amniga guud ee shacbiga

Maamulka ku meel gaarka ah ayaa mudada uu hayo xilkaasi waxaa uu qaban doona ama u howlgali doonaa sida soo socota:-

Sii wadidda adeegga dowladeed eel agama maarmaanka ah.

Dardargalinta wadatashiyada ku aadan doorashada qof iyo codka ah inta lagu dhameystirayo dowlad goboleedka K.Galbeed Soomaaliya.

Diyaarinta iyo hirgalinta hannaanka kala gurka ee waafaqsan dastuurka dalka

Soomaaliya iyo Suudaan oo ka wada hadlay xoojinta iskaashiga diblomaasiyadeed iyo amniga gobolka

By

osman Dhiblawe

-

April 1, 2026

Xoghayaha Joogtada ah ee Wasaaradda arrimaha Dibadda iyo Iskaashiga Caalamiga ah mudane Xamsa Aadan Xadow ayaa maanta kulan kula qaatay magaalada Muqdisho dhiggiisa dalka Suudaan danjire Mucawiya Cusmaan Khaalid.

Kulanka ayaa diiradda lagu saaray sidii loo horumarin lahaa iskaashiga istiraatiijiyadeed iyo xoojinta xiriirka laba geesoodka ah ee ka dhexeeya labada dal ee walaalaha ah.

Labada dhinac ayaa ku heshiiyey in la dardargeliyo wadatashiyada joogtada ah iyo dib-u-eegista heshiisyada horay uga dhexeeyey Soomaaliya iyo Suudaan, iyadoo la ballaarinayo iskaashiga diblomaasiyadeed iyo ka shaqaynta arrimaha amniga gobolka, si loo xaqiijiyo danta guud iyo xasilloonida gobolka.

Kulankan waxaa goobjoog ka ahaa wafdi heer sare ah oo uu qayb ka ahaa Safiirka Jamhuuriyadda Suudaan u fadhiya Soomaaliya, mudane Cabdiraxmaan Khaliil Afandi, iyo mas’uuliyiin kale oo ka tirsan labada dhinac.

Tallaabadan ayaa ka turjumaysa xiriirka qotada dheer ee taariikhiga ah iyo sida ay labada dal uga go’an tahay xoojinta is-dhexgalka ka dhexeeya Muqdisho iyo Khartuum.

Ra’iisul Wasaare Ku-xigeenka XJFS oo daah-furay Madasha Isku-Duwidda qaybta Beeraha

By

osman Dhiblawe

-

April 1, 2026

Muqdisho(Wargeyska Dalka):-Ra’iisul Wasaare Ku-xigeenka Xukuumadda Federaalka Soomaaliya, Mudane Saalax Axmed Jaamac, ayaa daah furay Madasha Isku-Duwidda qaybta Beeraha oo ay hirgelisay Wasaaradda Beeraha iyo Waraabka JFS, taas oo loogu talagalay xoojinta Isku-Duwidda iyo wada-shaqeynta Barnaamijyada Horumarinta Beeraha ee Dalka.

Madashan oo ay ka qayb qaadanayaan Wasaarado kala duwan iyo Hay’adaha Caalamiga ah sida FAO iyo WFP, ayaa diiradda saari doonta mideynta dadaallada Dowladda, Hay’adaha horumarinta iyo daneeyayaasha kale, si loo kordhiyo Wax-Soo-Saarka loona xoojiyo Sugnaanta Cuntada, iyadoo la hirgelinayo qorshe mideysan oo lagu horumarinayo qaybta Beeraha ee Soomaaliya.

Mudane Saalax Axmed Jaamac, Ra’iisul Wasaare Ku-Xigeenka Dalka, ayaa sheegay in Barnaamijkan uu horseed u noqon doono Horumarinta Beeraleyda Soomaaliyeed, sidoo kalena laga hortagi doono xaaladaha Abaaraha ee dhanka Beeraha iyo adkeysiga isbeddelka Cimilada.

Ra’iisul Wasaare XJFS Muadane Xamsa Cabdi Barre oo magacaabis iyo isweeydaarin ah ku sameeyay Wasaaradaha Xukuumadda Dan Qaran

By

osman Dhiblawe

-

April 1, 2026

Muqdisho(Wargeyska Dalka):- Ra’iisul Wasaaraha Xukuumadda JFS Mudane Xamsa Cabdi Barre ayaa magacaabis isweeydaarin ah ku sameeyay Agaasimeyaasha Guud ee qaar ka mid ah Wasaaradaha Xukuumadda Dan Qaran si loo dardargaliyo hawlihii socday.

Mudane Xamsa oo cuskanaya qodobada 119-aad, farqada (D) ee Dastuurka Jamhuuriyadda Federaalka Soomaaliya ayaa magacaabay agaasimeyaasha hoos ku xusan.

1- Mudane Yuusuf Cali Maxamed — Agaasimaha Guud ee Wasaaradda Gaashaandhigga.

2- Mudane Maxamed Saney Dalmar — Agaasimaha Guud ee wasaaradda Arrimaha Shaqada iyo Bulshada.

3- Mudane Cabdifataax Cabdiqaadir Faarax — Agaasimaha Guud ee Wasaaradda Qorsheynta, Maalgashiga iyo Horumarinta Dhaqaalaha.

4- Mudane Guuleed Cabdijaliil Cali — Agaasimaha Guud ee Wasaaradda Xanaanada Xoolaha, Dhirta iyo Daaqa.

5- Mudane Yuusuf Xasan Isaaq — Agaasimaha Guud ee Wasaaradda Caafimaadka iyo Daryeelka Bulshada.

6- Mudane Maxamed Xasan Shire — Agaasimaha Guud ee Wasaaradda Amniga Gudaha.

Kulanka ka dhacay Magaalada Baydhabo oo Guddoomiye Sheekh Aadan Madoobe uu Shir-guddoomiyey

By

osman Dhiblawe

-

April 1, 2026

Baydhabo(Wargeyska Dalka):- Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) oo Howlo Shaqo u jooga Magaalada Baydhabo ee Caasimadda KMG ah ee Dowlad Goboleedka Koonfur Galbeed ayaa Maanta kulan la qaatay sii hayaasha Wasiirada Dowlad Goboleedka Koonfur Galbeed, waxaana uu Warbixin ka siiyey ujeedka imaanshaha Wafdiga uu hogaaminayo, isagoo faray in la dardargeliyo howlaha Wasaaradaha Koonfur Galbeed, si aysan hakad u gelin adeegyada loo haayo Bulshada.
Mas’uuliyiinta ka socotay Wasaaradaha Dowlad Goboleedka Koonfur Galbeed ayaa Guddoomiyaha Golaha Shacabka iyo Wafdigiisa warbixin ka siiyey Howlaha ay Bulshada reer Koonfur Galbeed u haayaan.
Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa kula dardaarmay Mas’uuliyiinta Wasaaradaha Dowlad Goboleedka Koonfur Galbeed in ay xoojiyaan dardargelinta u adeegida Bulshada, isagoo u sheegay in ay Shaqada Wasaaradaha ay sii wadaan inta laga qabanaayo Doorasho ay raali ka yihiin Bulshada Deegaanada Koonfur Galbeed.
Kulanka waxaa ka qeyb galay Guddoomiye ku xigeenka 2-aad ee Golaha Shacabka, Wasiiro ka tirsan Xukuumadda Federalka, Xildhibaano iyo mas’uuliyiin kale.

Duqa Magaalada Muqdisho oo xarig jaray wadada Sheekh Cali Suufi

By

osman Dhiblawe

-

April 1, 2026

Muqdisho(Wargeyska Dalka):- Guddoomiyaha Maamulka Gobolka Banaadir ahna Duqa Magaalada Muqdisho Dr. Xasan Maxamed Xuseen (Muungaab) ayaa maanta xarigga ka jaray Waddada Sheekh Cali Suufi ee Degmada Hodan, oo dib-u-dhis ballaaran lagu sameeyay kadib burbur muddo dheer iyo culeys uu ku hayay isu-socodka Shacabka.

Duqa Muqdisho ayaa sheegay in dhismaha waddadaan uu qeyb ka yahay Miraha ka dhashay iskaashiga ka dhaxeeya Bulshada iyo Maamulka Gobolka Banaadir, taasi oo keentay in Canshuurta laga qaado Bulshada dib loogu celiyo, waxa uuna xusay guulaha laga gaaray dhanka Amniga iyo Dowladnimada in uu furo u yahay Horumarka, Shacabkana loogu baahanyahay in ay ilaashadaan Nabadgalyada oo ay la shaqeeyaan Laamaha Amniga.

Guddoomiyaha Maamulka Gobolka Banaadir ahna Duqa Magaalada Muqdisho Dr. Xasan Maxamed Xuseen (Muungaab) ayaa hoosta ka Xariiqay in dib u dhis isku dheeli tiran ee ka socdaan magaalada muqdisho, asigoona rajeeyay in dhawaan ay isku xermi doonaan isgoyska Al-baraka illaa iyo isgoyska Dabka, sidoo kalena la dhisi doonno Waddada Warshadaha, ayna barbar socon doonaan dhireynta, naleynta iyo qurxinta Caasimadda.

Ugu danbeyn waxa uu Shacabka ugu baaqay in ay ilaashadaan badqadka iyo Nadaafada waddadaan, isla markaana Maamulka Gobolka Banaadir uu dhawaan soo saari doonno Xeerka Nadaafada oo haatan meel gabogabo ah maraya si Qofkii ku soo shubo qashin wadada in talaabo Sharciga waafaqsan laga qaado.

Dowladda Federalka Soomaaliya oo ahmiyad gaar ah siinaysa Abaaraha iyo sugnaanta Cunnada

By

osman Dhiblawe

-

April 1, 2026

Muqdisho (Wargeyska Dalka): Waxaa Maanta Xarunta Hay’adda Maareynta Musiibooyinka Qaranka (SoDMA) lagu qabtay kulankii ugu horreeyay ee Guddiga Wadajirka ah ee hagaya fulinta Qorshaha U Diyaargarowga Dhibaatooyinka Sugnaanta Cunnada (FSCPP).

Kulanka waxaa Shir Guddoomiyay Xoghayaha Joogtada ah ee Xafiiska Ra’iisul Wasaaraha, Kamaal Guutaale, waxaana kulankaan qeyb ka ahaa Guddoomiyaha Hay’adda Maareynta Musiibooyinka Qaranka SoDMA Maxamuud Macalin Cabdulle, Ku-xigeenka Ergayga Gaarka ah ee Qaramada Midoobay u qaabilsan Soomaaliya George Conway, hay’adaha Qaramada Midoobay sida WFP, OCHA, UNICEF iyo FAO, Bangiga Adduunka, Midowga NGO-yada, iyo Wakiillo ka socday Wasaaradaha Dowladda Federaalka.

Kulanka waxaa diiradda lagu saaray dardargelinta Wejiga Koowaad ee qorshaha FSCPP, oo loogu talagalay wax ka qabashada xaaladda Abaarta iyo Amni darrada Cunnada ee sii kordheysa. Sidoo kale, waxaa la falanqeeyay Horumarka Deeqihii lagu ballanqaaday Shirkii Bangiga Adduunka iyo baahida loo qabo in la dedejiyo gaarsiinta Gargaarka.

Guddiga ayaa adkeeyay muhiimadda isku-duwidda dadaallada Dowladda iyo Saaxiibada Caalamiga ah, iyadoo mudnaan la siinayo Bulshooyinka ugu daran ee ay Abaartu saameysay.

Guddoomiye Aadan Madoobe oo la kulmay saraakiishii fulisay hawlgalkii wadada Muqdisho-Baydhabo

By

osman Dhiblawe

-

April 1, 2026

Baydhabo(Wargeyska Dalka):- Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa Kulan xasaasi ah Xarunta Madaxtooyada Dowlad Goboleedka Koonfur Galbeed ee Magaalada Baydhabo kula qaatay Saraakiisha Ciidamada Xooga Dalka Soomaaliyeed ee ka qeyb qaatay fulinta Howlgalkii Maleeshiyaadka Khawaariijta looga sifeeyey Wadada isku xirta Muqdisho iyo Baydhabo, oo ay wehliyaan Saraakiisha Qeybta 60-aad ee Ciidanka Xooga Dalka iyo sidoo kale Saraakiisha Ciidanka Deegaanka.

Ujeedka kulanka ayaa waxa uu ahaa u kuur galida xaaladaha Amni ee magaalada Baydhabo oo ay shalay soo gaareen Ciidamada Xooga Dalka Soomaaliyeed oo ay wehliyaan Ciidamada Deegaanka, iyo sidoo kale dardargelinta howlgalada amni ee magaalada Baydhabo iyo deegaanada ku hareereysan.

Saraakiisha Kulanka ka qeyb gashay ayaa Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Warbixin ka siiyey Howlgalkii guuleystay ee Ciidanka Xooga Dalka Soomaaliyeed ay Khawaariijta kaga sifeeyeen Wadada xiriirisa Muqdisho iyo Baydhabo iyo xaaladihii ugu dambeeyey ee Deegaanada Koonfur Galbeed, gaar ahaan Magaalada Baydhabo ee Caasimadda ku-Meelgaarka ah ee Dowlad Goboleedka Koonfur Galbeed.

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa Saraakiisha iyo guud ahaan Ciidamada Qalabka sida qeybahooda kala duwan uga mahadceliyey naf-hurnimadooda ku aadan Difaaca Sharafka Qaranimada Soomaaliyeed.

Kulanka waxaa ka qeyb galay Guddoomiye Ku-xigeenka Labaad ee Golaha Shacabka BJFS Mudane Cabdullaahi Cumar Abshirow, Wasiirka Arrimaha Gudaha, Federaalka iyo Dib-u-Heshiisiinta ee XFS, Wasiirka Wasaaradda Arrimaha Dibadda iyo Iskaashiga Caalamiga ah, Wasiirka Wasaaradda Xanaanada Xoolaha, Dhirta iyo Daaqa, Wasiiru Dowlaha Wasaaradda Waxbarashada, Hidaha iyo Tacliinta Sare, Ergayga Gaarka ah ee Madaxweynaha Jamhuuriyadda u qaabilsan ka hortagga iyo la dagaalanka fikradaha Xagjirka ah ee rabshadaha wata, iyo sidoo kale Safiirka Soomaaliya u fadhiya Dalka Tanzania iyo Ururka Bulshada Bariga Afrika Danjire Ilyees Cali Xasan.

Hawlgallo lagu naafeeyey Khawaarijta oo ka dhacday Shabeelooyinka

By

osman Dhiblawe

-

April 1, 2026

Muqdisho (Wargeyska Dalka): Ciidanka Hay’adda Sirdoonka iyo Nabadsugidda Qaranka (NISA), oo kaashanaya saaxiibada caalamka, ayaa fuliyay howlgallo qorsheysan oo lagu burburiyay xarumo ay Khawaarijtu u adeegsan jirtay farsameynta Qaraxyada, Dayactirka Hubka iyo abaabulka Maleeshiyaadka, kuwaas oo ku kala yaallay Gobollada Shabeellaha Hoose iyo Shabeellaha Dhexe. Howlgalladan ayaa sidoo kale lagu dilay Injineero iyo Maleeshiyaad ka tirsan kooxda.

Howlgalka koowaad, oo Maanta ka dhacay deegaanka Kuunyo Barrow ee Gobolka Shabeellaha Hoose, ayaa lagu beegsaday Xarumo qarsoodi ah oo kooxdu u adeegsan jirtay farsameynta Qaraxyada iyo dayactirka Hubka. Howlgalkan ayaa lagu burburiyay Qalabkii farsamada, keydkii ku jiray Xarumahaasi iyo Labo Gaari oo ay u diyaarinayeen Walxaha Qarxa, waxaana la dilay Toddobo Dhagarqabe oo ka kala tirsanaa qeybaha Injineerada Qaraxyada iyo Maleeshiyaadka kooxda.

Howlgalka labaad, oo labadii Maalin ee la soo dhaafay ka dhacay Deegaanka Laba-Garas ee Gobolka Shabeellaha Dhexe, ayaa lagu beegsaday Maleeshiyaad loo diyaarinayay in ay weerar Argagixiso fuliyaan. Howlgalkaas Wajigiisa koowaad waxaa lagu dilay 12 Dhagarqabe, halka Wajiga Labaad lagu soo afjaray Sagaal Dhagarqabe, kuwaas oo qaarkood ka firxaday weerarkii hore balse mar kale lagu beegsaday Goob ay gabaad ka dhiganayeen.

Howlgalladan ayaa qeyb ka ah dadaallada joogtada ah ee lagu wiiqayo awoodda Argagixisada iyo burburinta Xarumaha muhiimka u ah falalka Argagixiso. Fadlan Muwaadin, wixii khatar Amni ah ama macluumaad la xiriira Al-Shabaab/Daacish la wadaag NISA: 199 / 0770747474 / 0620545454.

Guddoomiyaha Guddiga madaxa-bannaan ee Xuquuqul Insaanka Qaranka oo shir caalami ah uga qayb galay Geneva

By

osman Dhiblawe

-

March 31, 2026

Guddoomiyaha Guddiga Madaxa-bannaan ee Xuquuqul Insaanka Qaranka, Dr. Maryan Qaasim iyo wafdigeeda ayaa ka qayb galay shirka Golaha Guud ee GANHRI, oo ka socda xarunta Qaramada Midoobay ee Geneva. Shirkani wuxuu fursad muhiim ah u yahay Guddiga Madaxa-bannaan ee Xuquuqul Insaanka Soomaaliya (GMXIQ), oo markii ugu horreysay ka qaybgelaya shirweynahan.

Doodaha Golaha Guud ee saaka ayaa diiradda lagu saaray horumarka hay’adaha xuquuqda aadanaha ee caalamka, iskaashiga heer gobol, arrimaha aqoonsiga (accreditation), iyo xoojinta wada-shaqeynta hay’adaha xuquuqul insaanka ee dalalka Afrika, Aasiya, Yurub iyo Ameerika, iyo sidoo kale Golaha Xuquuqul Insaanka ee Qaramada Midoobay (OHCHR) iyo UNDP.

Golaha ayaa sidoo kale ansixiyay qorshaha shaqo iyo miisaaniyadda GANHRI ee sanadka 2026, si loo dejiyo jihada istaraatiijiyadeed ee lagu xoojinayo hay’adaha madax-bannaan ee wax ku oolka ah, kuwaas oo ka shaqeeya kor u qaadista iyo ilaalinta xuquuqda aadanaha ee dalalka ku bahoobay isbahaysiga GANHRI.