New York- Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa khudbad ka jeediyay dood furan oo Golaha Ammaanka ee Qaramada Midoobay ay kaga arrinsanayeen tiknaloojiyadda casriga ah iyo saamaynta ay ku leedahay ammaanka caalamka.

Madaxweynaha ayaa sheegay in garaadka macmalka ah uu yahay xaqiiqo casri ah oo si degdeg ah u beddelaysa nolosha, dhaqaalaha iyo qaababka ammaanka caalamiga ah, isagoo tilmaamay in ay leedahay fursado waaweyn oo lagu xoojin karo nabadda iyo horumarka, balse sidoo kale ay wadato khataro culus.

Madaxweyne Xasan Sheekh ayaa soo bandhigay muhiimadda dejinta shuruuc iyo siyaasado caalami ah oo lagu hago adeegyada garaadka macmalka ah ee AI, isagoo xusay in loo baahan yahay in la xaqiijiyo in si siman ay tiknaloojiyadda casriga ah u gaarto dalalka caalamka oo idil.

New York: Madaxweynaha Jamhuuriyadda Federaalka Soomaaliya Mudane Dr. Xasan Sheekh Maxamuud ayaa kulan-doceed barbar socda meertada 80-aad ee golaha guud ee Qaramada Midoobey la qaatay dhaxal-sugaha dalka aan walaalaha nahay ee Kuwait Sheekh Sabaax Khaalid Al-Xamad Al-Sabaax.

Kulanka ayaa intii uu socday waxa looga wada hadlay xoojinta iskaashiga labada dal iyo arrimaha guud ee gobolka ee labada dal ay dan-wadaagta ka yihiin.

Wasiirka hawlaha guud iyo guriyeeynta dowladda FS Dr Cilmi Maxamed Nuur ayaa maanta magaalada Dhuusamareeb ku soo xiray shirka guddiga sare ee mashruuca horumarinta waddooyinka Soomaaliya oo ay isugu yimaadeen wasiiradda hawlaha guud iyo dib u dhiska DFS iyo dowladaha xubnaha ka ah.

Shirkan ayaa laga soo saarey War-saxaafadeed ay isku waaqafeen ka qayb galayaashu, kaasi oo ku saabsanaaa qodobada lagu gaaray gunnaanadka, Mashruuca Kaabayaasha Jidadka dalka ayaa ah mid u gudbaya wejiga dhismaha waddooyinka halbowlaha u ah isku socodka bulshada iyo ganacsiga dalka iyo dibaddaba. Iyadoo maalinta berri ah la saxiixi doono qandaraaska dhisme ee wadada isku xirta Dhusamareb-Qaridhi oo ah waddo 60km ah.

Waxaana meel wanaagsan maraya hawlaha waddada Gaalkyo iyo Xarfo oo Puntland ah, oo iyaduna gaaraysa 67km oo goor dhow la saxiixi doono.

Waxaa sidoo kale meel gebogebo ah maraya howlaha qandaraas bixinta darasadeynta jidka isku xira Baladxaawo , Luuq iyo Doolow, halka hawlaha qandaraas bixinta ee Jidka Gaalkayo iyo Hobyo oo ah (100 km) ay si habsami ah u socdaan laguna tala jiro in muddo kooban lagu soo gebagebeeyo.

Guddigu waxa uu ku heshiiyey in la tixgeliyo dowlad goboleedka cusub ee Woqooyi-bari Soomaaliya marka la dooranayo waddooyinka cusub.

Guddoomiyaha aqalka sare ee Baarlamaanka Jamhuuriyadda Federaalka Soomaaliya mudane Cabdi Xaashi Cabdullaahi oo uu wehelliyo Guddoomiye ku xigeenka 2-aad mudane Cabdullaahi Cali Xersi Timacadde ayaa maanta xafiiskiisa ku qaabilay xiddigta Qaran Marwo Ramla Cali.

Guddoomiye Cabdi Xaashi ayaa ku boorriyey Ramla dadaalkeeda miro-dhalka ah ee ay Qaranka Soomaaliyeed ugu soo hoyday magac, sumcad iyo doorkeeda waddaninimo ee dal jacaylku ku dheehan yahay, isagoo ku bogaadiyay in ay sii laba jibbaarto kaalinta firfircoonida iyo dad la dhaqanka leh ee ay ku tilmaaman yihiin Haweenka Soomaaliyeed, oo kaalin muuqata oo mudnaan leh ka qaata dalalka horumaray oo ay ku nool yihiin.

Kulanka oo ay sidoo kale goobjoog ahaayeen qaar ka mid ah Sanatarrada aqalka sare ayaa Ramlo ku maamuusay billad sharaf ay ku mutaysatay kaalinteeda matalaadda Qaranka Soomaaliyeed ee ciyaaraha feerka caalamiga ah.

Dowladda Federaalka Soomaaliya ayaa cambaaraysay falalka lagu carqaladeynayo amniga caasimadda dalka ee Muqdisho, kuwaas oo dhaawacaya xasiloonida, sida lagu sheegay war-saxaafadeed ka soo baxay wasaaradda warfaafinta dalka.