Cusmaan Cabdi Kuusow oo ka tirsanaa argagixisada Alshabaab ayaa isku soo dhiibey Ciidanka Xoogga Dalka, gaar ahaan Qeybta 60aad kadib markii u sheegey in uu udul qaadan waayey gabood falada Nabadiidka Alshabaab ay kula beegsaneyaan Shacabka Soomaaliyeed.

Cusmaan Wuxuu Nabadiidka Alshabaab ku jirey 6 sano, isagoona uqaabilsanaa Dagaalada Wuxuna ka qeyb qaatey Dagaalo dhowr ah oo ka Dhaceen Gobolada Hiiraan iyo Shabeellaha hoose.

waxa uu Saaxibadiis kale ee ku jira argagixisada Alshabaab ugu baaqey in ay isku soo dhiibaan Dowladda Soomaaliya, isagoo intaas ku darey in Maanta Nabadiidka Alshabab aysan aheyn kuwa laga sii mid ahaado.

Wararka ka imaanaya deegaanka Baxdo ee Galmudug ayaa sheegay in halkaasi uu saaka ka dhacay dagaal u dhaxeeyay kooxda Al-Shaab iyo dadka ku dhaqan deegaankaasi.

Kooxda Argagixisada Al-Shabaab  ayaa saaka weerar ku qaaday deegaanka Baxdo, iyagoo halkaasi kala kulmay iska cabin iyo jab xooggan oo dadka deegaanka ay u  geysteen kooxdaasi.

wararka ayaa sheegaya in maleeshiyaadka Al-Shabaab halkaasi looga dilay 20 ruux

Wasiirka Wasaaradda Shaqada iyo Arrimaha Bulshada XFS  C/wahaab Ugaas Khaliif oo ka qeybgalay barnaamijka kulamka todobaadka ee warbaahinta qaranla ayaa ka hadlay arrimo la khuseeyay shaqo abuurka iyo wax u qabashada dadka nugul ee ku barakacay abaaraha.

Wasiirka ayaa xusay in dowladda Federaalka, Bangida dunida iyo hey’adda WFP ay isla garteen in lacago gaaraya 185 milyan oo doolar lagu taakuleeyo dadka nugul iyo kuwa ay saameeyeen abaarah iyo cayayaanka loo yaqaanno Ayaxa,

C/wahaab Ugaas Khaliif ayaa sheegay in mashruuca kaalmeynta dadka uu socon doono labada sano ee soo socota,isagoo intaa ku daray in lacagahaasi ay ka faa’ideysan doonaan 48 degmo oo ka mid ah dalka.

Wasiirka ayaa qiray in lacagahaasi oo si toos ah ugu soo dhacaya bangiga dhexe loo diri doono dadka liita,iyadoo la sameynayo dabagal ku aadan in si habsami leh loo bixiyay lacahaasi oo ay kormeeri doonaan wasaaradda shaqada,Hey’adda WFP iyo Bangiga Dunida.

Wasiirka Wasaaradda Shaqada iyo Arrimaha Bulshada XFS  C/wahaab Ugaas Khaliif  ayaa ka dhawaajiyaty in dalal kamid ah Sacuudiga ay ogolaadeen  bicinta tababarro kor logu qaadayo aqoonta shaqaalaha,wuxuuna dhinaca kale caddeeyay in sanadka soo socda la sameyn doono shaqo abuur .

Taliyaha guutada shanaad ee ciidamada xoogga dalka Col Maxamuud Xassan Ibraahim Baakay, ku xigeenka xeer-ilaaliyaha maxkamadda ciidamada qalabka sida Gaashanle Maxamed Cabdiqaadir Maxamed, iyo taliyaha qeybta 27-aad Generaal Axmed Maxamed Calasow (Tareedisho) ayaa ka qeybgalay munaasabad isugu jirtay dhaarin iyo tirakoob lagu sameynaayo ciidamada Xoogga ee ku sugan Gobolka Hiiraan.

ku xigeenka xeerilaaliyaha maxkamadda ciidamada qalabka sida Gaashanle Maxamed Cabdiqaadir Maxamed ayaa sheegay in hadafka laga lee yahay dhaarintan iyo tirakoobka ciidamada ay tahay sidii ay uga fogaan lahayeen wax kasta oo dhibaato ku ah qaranka.

Taliyaha qeybta 27-aad ee ciidamada xoogga dalka Generaal Axmed Maxamed Calasow ( Tareedisho) ayaa sheegay in guud ahaan qeybta 27-aad  ay ka socoto diwaangelinta iyo dib u Habeynta lagu sameyno ciidamada si bulshada Soomaaliyeed looga dulqaado cadowga ku soo duulay.

Ururka 4-aad guutada 16-aad ee Ciidanka Kumaandooska Danab XDS ayaa howlgal qorshaysan ka fuliyay deegaanka Gamboole ee Gobolka Shabeellada dhexe.

Howlgalkan ayaa waxaa lagu dilay 5 horjooge iyo xubno badan oo ka tirsanaa malleeshiyada Al-Shabaab, sida uu xaqiijiyey Taliyaha guutada 16-aad Kumandooska Danab Gashaanle dhexe, Axmed Cabdilaahi Nuur Beeryare.

Taliyaha ayaa intaa ku daran in uu howlaglkani yahay mid lagu ciribtirayo haraadiga malleeshiyaadka argagixisada Al-shabaab.

Agaasimaha guud ee Wasaaradda Ganacsiga iyo Warshadaha XFS Md, Cabdicasiis Ibraahim Aadan, ayaa furay kulanka aqoon-iswaydaarsiga ah oo u dhaxeeya dowladda iyo ganacsatada, kulankan oo Wasaaraddu soo qaban-qaabisay ayaa ujeedkiisu ahaa xoojinta maamulka ganacsiyada gaarka loo leeyahay.

Barnaamijka wada-hadalka dowladda iyo ganacsiga gaarka loo leeyahay ayaa waxa maal-gelinaya Midowga Yurub waxana hirgelinaya hay’adda DAI.

Shirkan ayaa waxaa ka soo qeyb-galay wakiillo ka kala socda hay’adaha dowladda, rugta ganacsiyada, xarumaha lagu kobciyo ganacsiyada ,iskaashatooyinka, ganacsatada yar-yar, kuwa dhexe, khubaro iyo cilmi baarayaal kala duwan.