Wasiirka Gaadiidka iyo Duulista Hawadda Xukuumadda Soomaaliya Md Duran Axmed Faarax ayaa Maanta Xafiiskiisa ku qaabilay Danjire kuxigeenka Ergayga Midowga Afrika ee Soomaaliya Ms. Fiona Lortan.

Kulanka ayaa looga hadlay Amniga Garoonka Aden Cabdulle ee Muqdisho iyo xayndaabkiisa, Waxaan ergayga Midowga Afrika ay sheegtay in si dhow ula shaqaynayaa Dawladda Soomaaliya.

Wasiirka Gaadiidka iyo Duulista Hawadda XFS Duran Farah ayaa sheegay in dhankiisa uu soo dhawaynayo Wada shaqaynta Saraakisha sare ee ATMIS iyo Midowga Afrika, waxanaa intaas uu ku daray in talooyin wax ku ool u ah Amniga Garoonka iyo Nawaaxigiisa la is dhaafsaday.

Guddiga hirgelinta Doorashooyinka heer Dowlad Goboleed ee Jubaland SEIT ayaa shaaciyay Magacyada Guddiga soo Xulaya Ergooyinka qaar ka mid ah Kuraasta Deegaan doorashada 2-aad ee Jubbaland

aliyaha Ciidanka Xoogga Dalka Soomaaliyeed Gen, Odawaa Yuusuf Raage ayaa xalayto Kormeer ku tagay Kulliyadda Tababarka Ciidanka XDS ee Turksom.

Taliye Odawaa ayaa la afuray Saraakiisha Dugsiga Turksom iyo Leyli Saraakiil, isagoo u kuur galay Tabarrada ay qaataan ciidanka kuna dhiirageliyay in ay meeshooda ka sii wadaan dedaalkooda.

Washington- Wasiirka wasaaradda  Maaliyadda dowladda Federaalka Soomaaliya Mudane Cabdiraxmaan Ducaale Beyle oo uga qeybgalaya magaalada Washington ee dalka Mareykanka shirarka Sanadlaha ah ee Bangiga Adduunka iyo Hey’adda IMF, ayaa shirar miradhal ah la qaatay Madaxweyne ku xigeenka Bangiga Adduunka qeybta Afrika Mudane Hafez Ghanem.

Wasiirka Maaliyadda Soomaaliya iyo Madaxweyne ku xigeenka Bangiga Adduunka ayaa ka wadahadlay arrimaha dib-u-habeynta dhaqaalaha Soomaaliya, horumarka laga sameeyay barnaamijka Deyn Cafinta, Doorashooyinka dalka iyo Mashaariicda horumarineed ee Bangiga ka fuliyo Soomaaliya.

Wasiirka Maaliyadda Soomaaliya ayaa kulan la yeeshay Peter Lord oo ah xubin sare oo ka tirsan Waaxda arrimaha Dibaddda Mareykanka. Wasiirka Beyle  ayaa sidoo kale kulamo d gaar gaar ah la qaatay xubno ka tirsan Hey’adda IMF iyo Hey’addaha kale dhaqaalaha.

Wasiirka Maaliyadda Xukuumadda Federaalka Soomaaliya Dr. Cabdiraxmaan Ducaale Beyle ayaa u joogo magaalada Washington shirarka sanadlaha ah ee Bangiga Adduunka, Hey’adda Lacagta Adduunka IMF iyo Hey’adda kale ee caalamiga ah.

KISMAAYO- Guddiyada doorashooyinka Heer Federaal ee FEIT, guddiga Xallinta Khilaafadka EDRC iyo Guddiga SEIT Jubbaland ayaa shir wadajir ah ku yeeshay magaalada Kismaayo ee Xarunta KM ee Dowlad Goboleedka Jubbaland. Shirkan ayaa looga hadlay sidii loo dardargalin lahaa doorashada deeggaanka  labaad ee Jubbaland (Ceelwaaq) oo lagu wado in dhawaan la qabto si loo dhammeystiro 16 kursi ee ku dhimman Jubbaland.

Shirkan ayaa muujiyey diyaar garow aad u wanaagsan oo ku aaddan qabashada doorashada kuraastaas.