Ciidamada xoogga dalka iyo kuwa xoreynta deegaanka ayaa saaka la wareegay tuulooyinka Butaale, Kukeyle, Habeenno iyo Diiro kuwaas oo dhammaan ku teedsan deegaanka Yasooman ee gobolka Hiiraan.

Ururka 3-aad ee Kumaandooska Gor-gor oo ka soo ruuqaansaday Caasimadda Galmudug ee Dhuusamareeb ayaa kulaalaya Deegaanka Yasooman halka ciidamo xoog leh oo ka baxay Maxaas ay sidoo kale kaabiga kuvhaayaan.

Wakaaladda Wararka Soomaaliyeed ee SONNA ayaa heshay in Kooxda Argagixisada ay deegaanka isaga carareen markii ay ka war heleen in Ciidanka Xoogga ku soo wajahan yihiin.

:-Wararka ka imaanaya deegaanka shiila- gaduud oo u dhaxeeya deeganka Ceel baar iyo Degmada Baladweyne ayaa sheegaya in halkaasi saakay dagaal ka dhacay.

Ciidamada Xoogga Dalka Soomaaliyeed iyo kuwa deegaanka ayaa weerar ku qaaday deegaanka oo ay fariisin kula haayeen maleeshiyaadka Argagaxisada alshabaab.

Saraakiil ka tirsan Ciidanka gar ahaan Qaybta 27 aad ee ciidanka xoogga dalka Soomaaliyeed Genaral saalax yacquub ayaa sheegay in qasaaro xooggan ay gaarsiiyeen maleeshiyada Aragagixisada.

Wararka ayaa sidoo kale sheegaya in Ciidanku ay baariaano ka wadaan deegaanka si loo hubiyo amniga deegaanka shiila-gaduud.

Wararka ka imanaya gobolka Florida ee dalka Maraykanka ayaa sheegaya in tirada dadka ku dhintay duufaanta la magac baxday Ian inay sii kordheen, waxaana haatan ay tiradaasi maraysaa illaa 51 qof.

Shaqaalaha samatabixinta ayaa weli ku jira baadi goobka dadka ku hoos jira goobaha ay duufaantu burburisay, gaar ahaan meelaha ay duufaantu sida xun ugu dhufatay ee ku yaalla dhinaca Koonfur Galbeed ee gobolka Florida.

Duufaantan ayaa ah, mid ka mida duufaanadii ugu awoodda badnaa ee ku dhufta dalka Maraykanka, waxaana ay sababtay inay dhulka la sinto guryo badan oo ku yaalla xeebaha loo dalxiiska tago ee ku yaalla gobolka Florida.

Deanne Criswell oo ah madaxa hay’adda xaaladaha degdegdegga ah ee Maraykanka ayaa u sheegtay telefishanka CNN, gaar ahaan barnaamijka “State of the Union” in kooxaha samatabixintu inay haatan ku hawlan yihiin sidii ay u gaadhi lahaayeen guri walba oo ku yaalla meelaha ay duufaantu waxyeellaysay, si ay u hubiyaan bedqabka bulshada.

Gobolka Florida, waxaa haatan bilaa koronto ah In ka badan 800,000 oo guri

wararka ka imaanayo gobolka Hiiraan ayaa sheegaya in Tiro kamid ah maleeshiyada argagixisada al-shbaab ay ku halagsameeyn qarax kula kacay degaanka Tira shanta kadib markey damceen in qarax ay ku xiraan  Ceel biyood halkaa ku yiilay

Argagixisda ayaa la soo warinayaa in khasaaro xoogga u isugu jira dhimasho iyo dhaawac uhalkaa ka soo gaaray.

Tani ayaa qeyb ka aha falalka guracan oo maleeshiyada khawaarijta ay ku kacaan iyagoo dil iyo bur-burinta Ceelasha isugu daray dadka shacabka ah oo xiligaani wajahayo abaaru ka jira gobolada dalka taa oo keenta bulshadu kacdo,islamarkaana ay iska dhiciyaa argagixisada

Tuulada Tarashanta ayaa ku taalaa inta u dhexeeysa Beledweyne iyo Halgan ee gobolka Hiiraan.

Hawlgal qorsheysan oo ay iska kaashadeen Ciidammada Qaranka iyo saaxiibadooda caalamiga ah ayaa lagu dilay mid ka mid ah horjoogeyaasha ugu sareeya argagixisada.
Hawlgalkaan ayaa ka dhacay deegaanka Xaramka ee Gobalka Jubbada Dhexe 01-10-2022.

Horjoogahan oo lagu magacaabo Cabdullaahi Nadiir ayaa ahaa Madaxa Dacwada ee Kooxda waana mid ka mid ah kuwa ugu sharta badan Khawaarijta Al-Shabaab.

Horay wuxuu usoo noqday Madaxa Shuurada iyo Maaliyadda, wuxuu ka mid ahaa aasaaseyaasha kooxda, waana shakhsiga ay argagixisada u diyaariyeen in uu badalo Horjoogaha bukaanka ah ee Khawaarijta Shabaab ee dhiigga Islaamka baneystey, Axmed Diiriye.

Horjoogahan oo madixiisa ay saarnayd lacag ayaa ka mid ahaa kuwa ay sida wayn u doondoonaysay Dowladda Soomaaliya oo kaashanaysa saaxiibada caalamiga ah, waxaana ugu dambeyn soo helay sirdoonka qaranka ee Somalia, NISA.

Dilkiisu waa qodax laga siibay ummadda Soomaaliyeed oo ka nasan doonta dhagartii iyo marin habaabintii uu ku hayay bulshada Soomaaliyeed.

Dowladda Soomaaliya waxaa ka go’an in la ciqaabo dembiileyaasha kale ee ku hawlan dhagarta Shacabka Soomaaliyeed.

Dawladdu waxay u umahad celinaysaa shacabka Soomaaliyeed iyo saaxiibada caalamiga ah oo wadashaqayntoodu ay fududaysay dilka horjoogahaan cadawga ku ahaa ummadda Soomaaliyeed.

Guddoomiyaha golaha shacabka Baarlamaanka Jamhuuriyadda Federalka Soomaaliya Mudane Sheekh Maxamed Nuur (Madoobe) ayaa xafiiskiisa kulan kula qaatay danjiraha Dalka Ingiriiska Marwo Kate Foster.

Danjiraha Dowladda Ingriiska ayaa Shacabka iyo Dowladda Soomaaliyeed uga tacsiyaysay geerida taliyihii Qeybta Guud ee Gobolka Banaadir Marxmuum Farxaan Maxamuud Aadan (Qaroole) iyo Nabadoon Cilmi Xagar Guure, oo ku shahiiday dagaalka la gula jiro Kooxda aragagaxisa Al Shabaab, iyadoo soo hadal qaaday taageerada golaha Shacabka BJFS, Amb.

Kate Foster ayaa sheegtay in dowladda Ingiriiska ay taageereyso dadka ku wax yeeloobay abaaraha ka jira qaar ka mida ah gobolada dalka.

Guddoomiyaha Golaha Shacabka BJFS Mudane Sheekh Aadan Madoobe ayaa boggaadiyay taageerada Dowladda Ingriiska ay lagarab taagan tahay Shacabka iyo Dowladda Soomaaliyeed Isla markaana ay sii laba jibaaraan dadaalada lagu horumarinaayo amniga, dhaqaalaha, iyo taageerada Golaha Shacabka Baarlamaanka Jamhuuriyadda Federaalka Soomaaliyeed.