Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo kulan kula qaatay Villa Soomaaliya Wasiirka Warfaafinta Dalka Al-geria Mudane Maxamed Buu Saleymaani ayaa ka guddoomay dhambaal uu uga siday Madaxweynaha dalka Al-geria Mudane Cabdulmajiid Tamuun.

Wasiirka Warfaafinta Dalka Al-geria Mudane Maxamed Buu Saleymaani ayaa Madaxweynaha soo gaarsiiyey salaan uu uga siday Madaxweynaha dalkiisa, isaga oo muujiyey dareen qaddarin iyo tixgelin ku dheehan tahay oo dalkiisu ay u hayaan shacabka iyo Dowladda Soomaaliyeed.

Dhambaalkan uu guddoomay Madaxweynaha Jamhuuriyadda Federaalka Soomaaliya ayaa ku saleysan marti-qaadka shir-madaxeedka Ururka Jaamacadda Carabta oo bisha soo socota ka furmaya dalka Al-geria, iyadoo Madaxweyne Xasan Sheekh Maxamuud uu dhambaal iyo farriin aqbalaad ah uu u diray dhiggiisa dalkaas Mudane Cabdulmajiid Tabuun.

Sidoo kale, Madaxweynaha Jamhuuriyadda ayaa xusay muhiimadda ay leedahay in labada dowladood ay sii amba-qaadaan is afgaradkii ka soo baxay kulankii labada Madaxweyne ay ku yeesheen New York, bishii la soo dhaafay, kaas oo ku saabsanaa iskaashiga diblumaasiyadeed iyo in labada dal ay yeeshaan xiriir toos ah.

Ugu danbeyntii, Madaxweyne Xasan Sheekh Maxamuud ayaa la wadaagay wafdiga uu la kulmay ee dalka Al-geria xaaladda dalka iyo dadaalka dowladda iyo shacabka Soomaaliyeed ay ku bixinayaan horumarka iyo dib u xoreynta, isagoo rajeeyey in dhambalkan iyo wadahadallada labada dal ay dhabbaha u xaaraan sidii loo soo celin lahaa iskaashiga iyo xiriirka soojireenka ah ee ka dhexeeya labada dal.
    

Wasiirka arrimaha dibadda iyo iskaashiga caalamiga ee dowladda federaalka Soomaaliya mudane Abshir Omar Jama Hurruse ayaa magaalada Muqdosho ku soo dhaweeyay wafti ka kooban Wasaaradaha Arrimaha Dibadda iyo Isgaarsiinta oo uu hogaaminayay wasiirka Isgaarsiinta ee wadanka Algeria Mohamed Bouslimani.

Wasiirka Isgaarsiinta wadanka Algeria Mohamed Bouslimani ayaa dhambaal soo gaarsiiyay madaxweynaha JFS Mudane Xasan Sheekh Maxamuud.

Safarka ay wafdigaan ku soo gaareen caasimada dalka ee Muqdisho ayaa ku soo aaday xilli shir-waynaha ururka Jaamacada Carab oo ay ka soo qaybgali doonaan dhammaan madaxwaynayaasha dalalka ku midoobey ururka Jamacada Carabta iyo Wasiiradooda Arrimaha Dibadda la filayaa in dhammaadka bishan uu ka dhaco dalka Algeria.

Wafdigaan oo saacado kooban joogay dalka ayaa dib ugu laabtay dalkooda.

Guddoomiyaha Golaha Shacabka ee BJFS Mudane Sheekh Aadan Maxammed Nuur (Madoobe) ayaa ka tacsiyadeeyay geerida ku timid Allaha ha u naxriistee Xildhibaan hore marxuum Maxamed Xuseen Isaaq (Afaraale)  oo ku geeriyooday Magaaladda Muqdisho, waxa uuna marxuumka alle uga baryay inuu naxriistiisa jano ka waraabiyo dhamaan ehelkana,qaraabada iyo guud ahaan umadda Soomaaliyeedna uu samir iyo iimaan ka siiyo.

“Innaa lillaah wa innaa illeehi raajicuun marxuum Maxamed Xuseen Isaaq Afaraale illaahey qabrigiisa ha u waasiciyo, kitaabkiisana gacanta midig haka siiyo, wuxuu ahaa oday soomaaliyeed, nabadoon ah mudo badan waxa uu ka mid ahaa Xildhibaanada baarlamaanka Soomaaliyeed, illaahey ha u naxariistee marxuum Afaraale intii uu noolaa waxa uu wakhtigiisa ugu badan geliyay u adeegida dadka iyo dalka Soomaaliyeed, ilaahey hoygiisa janatul fardowsa haka yeelo qoyskiisa, qaraabadiisa iyo dhamaanteenaba samir iyo iimaan allaha ha inaga wada siiyo” ayuu yiri Guddoomiyaha Golaha Shacabka.

Illaahey ha u naxriistee Xildhibaan Maxamed Xuseen Isaaq Afaraale ayaa ahaa siyaasi mudo badan ku jiray siyaasadda, isagoo inta badan dowladihii dalka soo maray burburkii ka dib ahaa Xildhibaan baarlamaanka soomaaliya ka tirsan, waxa ay deegaan doorashadiisu tahay maamulka Koonfur galbeed isagaa si gaar ah u matalayay Degmada Tiyeeglow ee gobolka Bakool oo uu kasoo jeeday.

Allaha ha u naxriistee Xildhibaan hore marxuum Maxamed Xuseen Isaaq Afaraale ayaa xanuunsanaa mudooyinkii ugu dambeeyay, waxaana uu ku geeriyooday Isbitaalka Digfeer oo xaaladiisa lagula tacaalayay.

<span;>INNAA LILLAAH WA INNAA ILLEEHI RAAJICUUN.

Guddoomiyaha Golaha Shacabka Baarlamaank Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa xafiiskiisa ku qaabilay safiirka dalka Imaaraadka carabta Amb. Mohamed Ahmed Othman Al Hammadi.

Danjiraha ayaa Guddoomiyaha la wadaagay in Dowladda Isu-tagga Imaaraadka Carabta ay diyaar u tahay ka qeyb qaadashada gargaarka dadka ay saameysay abaaraha dalka ka jira, islamarkaana Golaha Shacabka BJFS ay kala shaqeyn doonaan horumarinta hawlwadeenada.

Guddoomiye Sheekh Aadan Madoobe ayaa boggaadiyey Shacabka iyo Dowladda Imaaraadka carabta sida ay u garab taagan yihiin shacabka Soomaaliyeed isagoo sheegay in la xoojin doono xirirka labada Baarlamaan ee Imaaraadka iyo Soomaaliya.