Safiirka Soomaaliya ee Dalka Suudaan Danjire Maxamed Sheekh Isaaq  ayaa maanta la kulmey Wasiirka Gaashaandhiga Jamhuuriyada aan walaalaha nahay ee Suudaan Gen. Yaasiin Ibrahim Yaasiin Abdulhadi.

Kulankan oo ahaa mid mirodhal ah ayaa lagu xoojinayay xiriirka walaaltinimo ee u dhaxeeya labada dowladoo,  waxaana looga hadley sidii ay isaga kaashanlahaayeen arimo kaladuwan ee kusaabsan danaha labada dawladood ee walaalaha ah gaar ahaan la degaalanka Argigixisada.

Dhinaca kale Danjire Maxamed Sheekh Isaaq oo saxaafada lahadlayay kulanka kadib ayaa sheegey in dawlada Suudaan uu uga warbixiyay talaabooyinka ay qaadey Xukuumadda cusub ee ku aadan horumarka dalka iyo kacdoonka Shacabka oo looga xureeynayo dalka cadowga Ummadda Soomaaliyeed, kaas oo ka bilowday dhamaan gobalada dalka Soomaaliya, iyo baaqii Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ee ahaan in aan lookala harin  degaalka ururka argigisada ee Al-Shabaab.

Ugu danbeeyntii Danjiraha wuxuu xusey in sidoo kale kulanka lagu dardar gelinayay  siyaasadda cusub ee Xukuumadda uu hogaamiyo Ra’isul Wasaare Xamse Cabdi Barre iyo degaalka lagula jiro kooxda Argagixisada ee Al-Shabaab. Wuxuuna gondhig u ahaa iskuxirka iyo wadashaqeeynta Wasaaradda gaashaandhiga Somaaliya iyo Wasaaradda gaashaandhiga ee Suudaan.

Wasiirka Amniga Gudaha Mudane Maxamed Axmed Sheekh Cali oo uu wehliyo Taliyaha Ciidanka Booliska Soomaaliyeed S/Gaas Cabdi Xasan Maxamed Xijaar iyo wafdi ka kooban saraakiil Sarsare oo ka socda Ciidanka Booliska Soomaaliyeed ayaa magaalada New Delhi ee Dalka Hindiya kaga qayb galay meertada 90-aad ee Shirweynaha Booliska Adduunka ee INTERPOL.

Shirka oo ay ka soo qayb galayaan madax ka kala socota in ka badan 165 dalka ayaa socon doona inta u dhexaysa 18 ilaa 21 bishan Oktoobar.

Shirka inta uu socdo ayaa looga hadli doonaa ka hortagga denbiyada maaliyadeed ee caalamiga ah, wax kaqabashada burcadda Internet-ka, la dagaallanka argagixisada, ka hortagga denbiyada xuduudaha isaga gudba, daroogada iyo lacagaha sharci darrada ah, kuwaas oo dhammaan ka mid ah khataraha uu wajahayo guud ahaan amniga caalamku.

Dowladda Federaalka Soomaaliya ayaa soo dhoweysay tallaabada ay dowladda Mareykanka  cunaqabeteynta ugu soo rogtay shakhsiyaadka dhanka maaliyadda iyo saadka ka taageera kooxda argagixisada Al Shabab ee caadeeysatay daadinta dhiigga shacabka Soomaaliyeed.

Laamaha kala duwan ee dhaqaalaha ee Soomaaliya ayaa la farayaa inay ka fogaadaan la macaamilka iyo wadashaqeynta shakhsiyaadkan dembiileyaasha ah ee ku xusan liiskan cunaqabateynta.

Ciidanka xoogga dalka ayaa si buuxda saakay ula wareegay  tuulooyinka Warkulan, Bakajeex, Gaaleef, Warciise, Qoordheere iyo Jilableey ku waasi oo dhammaantood ku yaala inta u dhaxeysa magaalada Jowhar iyo degmada Raageceele ee gobalka Shabeellaha Dhexe.

Deegaanadaan ayaa ahaa kuwa muhiim ah, waxaana howlgalkaan uu qayb ka yahay howlgalka leey sugu  furayo degmooyinka Gobalkaan sidoo kalan Argagixisada looga ciribtirayo dalka oo dhan.

Shirka wadatashiga Wasaaradaha Xanaanada Xoolaha Dhirta iyo Daaqa ee XFS, Dowlad Goboleedyada iyo Gobolka Banaadir oo muddo laba maalina ka socday magaalada Muqdisho ayaa maanta la soo gabagabeeyey.

Wasiirka Xananada Xoolaha, Dhirta iyo Daaqa ee Xukuumadda Federaalka Soomaaloya Mudane Xasan Xuseen Maxamed oo shir gudoominayey kulanka ayaa tilmaamay inay joogteyn doonaan kulamada noocaan ah si loo xoojiyo wada shaqeynta bahda Xanaanada Xoolaha, islamarkaana la isaga kaashado hawlaha hortabinta u leh Wasaaradaha Xanaanada Xoolaha Dhirta iyo Daaqa DFS, Dowlad Goboleedyada iyo gobolka Banaadir.

Falanqeyn iyo dood dheer kaddib shirka waxaa laga soo saarey warmurtiyeed lagu faahfaahiyey qodobaddii laga soo saaray shirka.

1. In la xoojiyo wada shaqeynta iyo xirriirka Wasaaraddaha heer Federaal iyo heer dowlad goboleed, ayadoo saddexdii biloodba mar leysugu imaanayo laguna qabanayo mid ka mid ah dowlad goboleedyada.

2. Si loo dardar geliyo shaqooyinka muhiimka ah waxaa laysku raacay in guddi heer farsamo ah ay kulmaan bishiiba mar.

3. Shirka wuxuu si qoto dheer ugu hadlay abaaraha soo noqnoqday islmarkaana saameynta weyn ku yeeshay xoolaha iyo xoola dhaqatada, sidaa darteed shirka wuxuu soo jeedinayaa in xooga la saaro waxsoosaarka calafka xoolaha, dibna loo soo nooleeyo daaqii qaranka ee lahaa seerooyinka kala duwan sida; (Seero Xiliyeed, Seero Abaareed iyo Seera Guud).

4. Si loo hubiyo badqabka & Caafimaadka bulshada, islaamarkaana looga hortago cudurada ka yimaada xoolaha ee u gudba dadka; shirka wuxuu go’aamiyey in wasaarduhu ay hubiyaan xoolaha loo diyaariyey in la qalo.

Gunnaanad Baaqyada Shirka

1. Shirka wuxuu ku baaqay in dhammaan Ummada Soomaaliyeed dowlad iyo shacabba loo gurmado dadka ay abaaruhu saameeyeen.

2. Shirka wuxuu ku baaqay in la badbaadiyo xoola dhaqatada xoolahooda, inta aysan ka dhammaanin.

3. Shirka wuxuu u mahadceliyey Wasaaradda Xanaanada Xoolaha Dhirta & Daaqa XFS oo laheyd qaban qaabada kulanka.

Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa maanta la kulmay dhigiisa dalka Belgium-ka Marwo Eliane Tillieux, oo ku soo dhaweysay xarunta baarlamaanka ee Brussels.

Gudoomiyaha Golaha Wakiilada dalka Belgium Marwo Eliane Tillieux, ayaa wafdiga uu hoggaaminaayo Gudoomiyaha Golaha Shacabaka Baarlamaanka Jamhuuriyadda Federaalka Soomaaliya uga mahadcelisay inay soo booqdaan xarunta baarlamaanka Belgium iyadoo ballan qaaday in la xoojin doono xirirka saaxiibtinimadda labada Baarlamaan, iyagoona iska kaashanaya dhanka aqoonta, horumarinta iyo tayada shaqaalaha BJFS.

Guddoomiyaha Golaha Shacabka BJFS iyo wafdigiisa ayaa uga mahadceliyay soo dhaweynta balaaran ee loo sameeyey waxaana uu dhankiisa ballan qaaday inay kawada shaqeeyaan horumarinta baarlamaanka aqoon kororsiga xildhibaannadda iyo howlwadeennada Golaha Shacabka.

Ciidamada dowladda iyo dadka deegaanka oo is kaashanaya ayaa saakay aroortii howlgal qorshaysan ka fuliyay deegaanka xalfooley oo u dhow xadka gobollada Hiiraan iyo Shabeellada dhexe.

Ciidamada oo si xirfadaysan jidka ugu galay Khawaarij socoto ah ayaa gubay mid ka mid ah gaadiid ay wateen, iyagoo dilay tobaneeyo ka tirsan argagixisadii halkaas ku safraysay.

Ciidamada dowladda iyo kuwa deegaanka ayaa halkaas ka wada howlgallo lagu dhamaystirayo argagixisadii ku firxaday duurka, kadib markii ay la kulmeen weerarkan jid galka ah.