Ra’iisul Wasaaraha Xukuumadda Federaalka, Mudane Hamza Abdi Barre ayaa caawa shir guddoomiyay shir Golaha Wasiirrada oo degdeg ah oo looga hadlayey gurmadka dadkii ku waxyeeloobay qaraxyadii ay shaley magaalada Muqdisho ka geysteen kooxaha Khawaariijta ee magaca diinta Islaamka ku qaraabanaya. Waxaana ka soo baxay qodobaddan soo socda.

1. Dowladda Federaalka ee Soomaaliya waxay lacag dhan hal million oo dollar ku deeqday sanduuqa gurmadka wax loogu qabanayo dadkii ku waxyeeloobay qaraxyada waxashnimada ah ee argagixisada khawaarijtu ku beegsadeen dad shacab ah oo aan waxba galabsan.
2. Dowladda Federaalka ee Soomaaliya waxay kafaala qaadeysaa daweynta iyo daryeelka dadka ku dhaawacmey qaraxyadii shaley ee KM5.
3. Waxaa kale oo Goluhu isku raacay in la kafaala qaado waxabarashada carruurta ay ka tageen shuhaddadii ku nafweysay qaraxyadii shaley, iyadoo laga ambaqaadayo balanqaadkii uu jeediyay Madaxweyne Xasan Sheikh Maxamuud markii uu booqday goobta uu qaraxa ka dhacay.
4. Waxaa xukuumadda ay fareysaa Wasaaradda Waxbarashada iyo Hiddaha in muddo saddex maalmood ah la fasaxo goobaha waxbarashada si ay waqti ugu helaan ardeyda sii wadista hawlaha gurmadka socda ee loogu gargaarayo dhibbaneyaasha weeraradii dhacay.
5. Waxaa dhammaan Wasaaradaha iyo hay’adaha kale ee dowladda la farayaa inay si buuxda uga qeyb qaataan gurmadka socda.
6. Waxaa Dowladda Federaalka ee Soomaaliya ay ku dhawaaqeysaa qaadista talaabooyin cad cad oo amniga lagu sugayo, lana sameynayo isbeddelo degdeg ah oo la jaanqaadaya xaaladda dalka ka jirta.
7. Waxaa uu Golaha Wasiirrada si xushmada leh uu shacabka Soomaaliyeed uga codsanayaa inay yeeshaan feejignaan dheeri ah, samir, dulqaad iyo adkeysi inta lagu guda jiro hawlgalka lagu ciribtirayo cadowga khawaarijta oo dhammaan goobihii ay isku fara saareen Ciidammadda Qaranka iyo shacabka taageeraya looga adkaadey, sidaa darteedna ay iyagoo naf la caari ah isku dayayaan inay beegsadaan shacabka masaakiinta ah.
8. Xukuumadda Federaalka Soomaaliya waxay mar kale balanqaadeysaa in Khawaarijta dalka laga cirib tirayo, isla markaana ay Ciidammada Qalabka Sida sii wadi doonaan gulufka guulaha badan laga gaarey, kaas oo khawaarijta lagu gaarsiiyay khasaare ballaaran.
9. Waxaa kale oo uu Golaha Wasiirrada isku afgartey in In dib loo yagleelo Bankiga Kaydka Dhiigga ee heer qaran si sare loogu qaado adeegga caafimaadka ee shacabka Soomaaliyeed.

Goluhu wuxuu mar kale tacsi u diray qoysaska, ehelada iyo shacabka Soomaaliyeed ee ay ka baxeen shuhaddadii shaley ku naf waayey weerarada waxashnimada ee naf lacaariga khawaarijta ku qaadeen goobaha rayidka, iyadoo dhinaca kalena mahad celin loo jeediyay dhammaan qeybaha kala duwan ee bulshada ee isku xilqaamey gurmadka qaraxyadii ka dhacay KM 5.

Shirkaan aan caadiga ahayn ayaa Goluhu waxaa kale oo uu ku dhegeystay warbixino ay soo jeediyeen Taliyeyaasha ciidamada Xoogga dalka, Booliiska, Nabadsugidda iyo Guddiga Gaarka ah ee Golaha Wasiirrada ee Ra’iisul Wasaaruhu u magaacabay Gurmadka Qaraxyadii dhacay shaley, madaxda laamaha amniga iyo Hay’adda Maareynta Masiibooyinka Qaranka Soomaaliyeed.

Ra’iisul Wasaaraha Xukuumadda Federaalka Soomaaliya Mudane Xamse Cabdi Barre ayaa caawa ku booqday isbitaallada Madiina, Banaadir iyo Erdogan dhaawacyadii ay wax yeeladu ka soo gaartay weeararkii kooxaha Khawaarijta ah ay ka geysteen isgoyska KM5.

Ra’iisul Wasaaraha oo ku soo wareegay qeybaha kala duwan ee ay yaalaan dhaawacyada, ayaa Alle uga baryey in uu siiyo caafimaad degdeg ah, intii dhimatayna naxariistiisa Janno uu ka waraabiyo, isagoo cadeeyey in Soomaaliya ay dagaal kula jirto kooxo argagixiso oo aan cidna u tureyn.

Mudane Xamse oo warbixin ka dhageystay maamulka iyo dhakhaatiirta Isbitaallada uu booqday, ayaa ku ammaanay dhaqaatiirta iyo howlwadeenada gacanta ku haya dhaawacyada kaalintooda naf hurnimada ah.

Ra’iisul Wasaaraha ayaa ugu baaqay Shacabka Soomliyeed in ciidamada ay ku garab siiyaan dagaalka dalka looga sifeynayo kooxaha khawaariijta ah.

Taliyaha Ciidanka Xoogga Dalka S/Guuto Odowa Yusuf Raage Ayaa xafiiskiisa ku soo dhawayey Sarakiil uu horkacayey Taliyaha Ciidanka ATMIS, Waxaana ay kawada hadleen dar dargelinta howlgalada ka socda guud ahaan dalka, kuwaasi oo lagu ciribtirayo argagixisada naf la caariga ah ee Al-shabaab iyo sidii loo xoojin lahaa wadashaqeynta Ciidanka Xoogga iyo Ciidanka ATMIS ee howsha u jooga Soomaliya. Gabo-gabada kulanka ayaa Taliyaha wuxuu hadiyado gudoonsiyey Taliyaha Ciidanka ATMIS ee howsha u jooga Soomaaliya isagoona uga mahadceliyay wada shaqayntooda joogtada ah iyo garab istaagooda.

Afhayeenka Booliska Soomaaliya, Gaashaanle Saadiq Aaden Cali (Duudishe)  ayaa faah faahin ka bixiyay laba qarax oo maanta ka dhacay meel u dhaw isgoyska Zoobe ee magaalada Muqdisho.

Afhayeenka ayaa sheegay in Argagixisada ay weerarka la beegsadeen goobo waxbarasho oo ka ag dhaw isgoyska Soobe, halkaasi oo xilliga dad badan oo shacab ah ku sugnaayeen.

“Qaraxyada oo labo ahaa Waxa ay la beegsadeen isgoyska Soobe ama KM5 oo ahaa goobtii ay Shan sano ka hor ku laayeen dadkii birimagayda ah 14 October, waxaana ujeedka weerarka ahaa beegsiga xarun waxbarasho oo loogu adeegayay ardayda Soomaaliyeed, laakiin ciidanka qaranka ee geesiyaasha ah oo sii hayay xogta dhagarta argagixisada ayaa ka hortagoodu waxa uu yareeyay Khasaarihii ay cadowga khawaarijta ah la damacsanayeen shacabka Soomaaliyeed” ayuu yiri Afhayeenka Booliiska.

Sidoo kale, Afhayeenka ayaa sheegay in uu socdo tirakoobka dadka ay wax ka soo gaareen qaraxyada, isla markaasn ay dib laga soo gudbin doono.

Wasiirka Wasaaradda Caafimaadka Iyo Daryeelka Bulshada Xukuumadda Federaalka Soomaaliya ayaa maanta magacaabay Guddiga kumeel Gaarka ah ee ka shaqeyn doona Gurmad Caafimaad oo deg deg ah sidii loo gaarsiin lahaa Ciidamada Qalabka sida iyo Muwaadaniinta ay wax yeelada kasoo gaarta Dagaalka looga xorreeynaayo guud ahaan dalka khawaarijta.

Xubanaha Guddiga ayaa kala ah

Wasiirka ayaa faray xubnaha guddiga in ay si dardar galiyaan howlaha loo igmaday ee u adeegida shacabka, kana shaqeeyaan sidii adeeg Caafimaad oo deg deg ah loo gaarsiin lahaa goobaha laga xoreeyay iyo sidii loo daweyn lahaa dadka ay dhibaatada ka soo gaartay Argagaxisada.

Shirweyne Wadatashi ah oo ay soo qabanqaabisay Wasaaradda Arrimaha Diinta iyo Awqaafta XFS, ayna kasoo qeybgaleen Wasaaradaha Arrimaha Diinta iyo Awqaafta Dowladaha xubnaha ka ah Dowladda Federaalka, Gobolka Banaadir iyo Culumaa’uddiinka Soomaaliyeed, socdeyna Muddo Shan Beri ah intii u dhaxeysey 24-29/10/2022.

Shirweynaha oo lagu lafa-gurey hannaanka ugu wanaagsan ee laysaga kaashan karo ka hortagga & cirib-tirka fekerka Khawaarijta ee ragaadiyay ku dhaqanka shareecada Islaamka iyo horumarka shacabka Soomaaliyeed ayaa dood & aragti wadaag dheer ka dib waxaa la isla qaatey Qodobadan

Kulan loogu diyaar-garoowbayay daah-furka sugida amniga caasimada iyo wacyigelinta fikirka khawaarijta ayaa maanta lagu qabtay xarunta Taliska Ciidanka Booliska Soomaaliyeed.

Kulanka ayaa diiradda lagu saaray hanaanka amni-sugida caasimadda.

Waxaa ka qeyb galay, wasiirka wasaaradda Haweenka iyo Horumarinta Xuquuqda Aadanaha Xil.Khadiija Maxamed Diiriye, Wasiiru-Dowlaha Wasaaradda Amniga Guddaha Maxamed Cali Xaggaa, Taliye ku xigeenka Ciidanka Booliska Soomaaliyeed Gen. Sakiya Xuseen Wasaaradda ,Warfaafinta Dhaqanka iyo Dalxiiska oo ay ka socdeen Agaasimaha Telefishinka Qaranka Sharma’arke Maxamed Warsame iyo Mareeye ku xigeenka Tiyaatarka Maxamed Barroow.