Awooda lagu sameeyo waxa loo baahan yahay in la qabto, iyada oo aan la helin saameyn dadka kale ama xaaladaha. Dadka leh dhiirigelinta naftooda waxay heli karaan sabab iyo xoog ay ku dhammaystiraan hawl, xitaa markay caqabad ku yihiin, iyagoo aan quusan ama u baahnayn mid kale oo ku dhiirrigeliya.
Waxyaabaha gudaha ah iyo kuwa dibedda ee kiciya rabitaanka iyo tamarta dadka in ay had iyo jeer daneeyaan oo ay u heellan yihiin shaqo, door ama mawduuc, ama in la sameeyo dadaal lagu gaadho yool.
Dhiirrigelinta ayaa ka timaadda is dhexgalka labada arrimood miyir iyo miyir la’aantu sida (1) xoojinta rabitaanka ama baahida, (2) dhiirrigelin ama abaalmarinta qiimaha himilada, iyo (3) himilooyinka shakhsiga iyo asxaabta. Arimahani waa sababaha qofku u leeyahay inuu u dhaqmo hab gaar ah. Tusaale waa arday ku qaata waqti dheeri ah inuu wax ku barto imtixaan sababtoo ah isagu ama iyadu waxay rabaan darajo ka fiican fasalka.
TALOOYIN MUHIIM U AH NAFTAADA
1: Wanaaji Xiriirka Aad Illaahay la leedahay waayo fashilka ugu horeeya ee noloshu wuxuu ka bilaabma in qofku ku guul daraysto inuu la xidhiidho Illaahay.
2: Mar kasta oo aad guul gaadho Illaahay xus oo xasuuso una mahad celi.
3: Noqo qof leh samir iyo dhabar adayg uu ku wajihi karo duruufaha ku gadaaman noloshiisa.
4: Yeelo jadwal kugu haga waxaad qabanayso iyo sidaad u qabanayso.
5: Samayso waqti aad naftaada ku raali galiso oo u sheeg inay tahay mid wanagsanwax kastana qaban karta.
6: U fikir si taban waayo fikirkaagu waxa uu go’aamiya nooca shaqsi ee aad noqonayso oo hadduu fikirkaagu yahay mid togan hab dhaqankaaga aad nolosha ku wajahaysaana waxa uu noqonayaa mid togan wax kastana wuxuu kugu noqnayaa wax adag deetana quus ayaad istaagaysaa, laakiin hadaad ku wajahdo fikir taban wax kastaba wuu kuu fududaanayaa si dhib yarna waad u qabanaysaa.
7: Samayso waqti aad ku qiimayso waxqabadkaaga shaqsiyadeed.
8: Ha noqon qof afka uun wax ka sheega kana go’aamiya laakiin ha wada socdaan go’aankaaga iyo waxqabadkaagu.
9: Samayso dad kugu dhiiri galiya inaad wax noqoto oo han iyo himiloba leh.
10: Haka baqan inaad samayso khaladaad waayo waxaynu xigmad ka helnaa khaladaadka aan samayno markaan khalad galno, khaladku waa cashar.
11: Ha xididin Rajooyinkaaga iyo Hankaagaba waayo ogoow inaad samayn karto wax kasta, inta uu leegyahay xadkaad u samayso naftaada ayuun baadgaadhaa.
12: Noqo qof samaysta farxada ee ha noqon qof ay farxadu samayso.
13: Ugu yaraan maalintii ku dadaal inaad hesho waqti aad ku dhiiri galiso naftaada, tusaale ahaan dhagayso qisooyin ku dhiiri galinaya ama daawo videos dhiiri galin ah ama se wax akhri.
14: Ka ag dhawoow oo ka qayb gal meelaha lagu qabto bandhig cilmiyeedyada
15: Ku tababar naftaada inaanay ka caajisin waxay go’aansato ee isla waqtigaaba ku dhaqaaq waxaad go’aansatay.
16: Ku nooloow kalsooni nafeed oo ogoow in dhibkasta oo ku soo waajahdaa ku dhaafayso oo aanay waxba ku yeelayn inaad wax ka barato uun mooyaane.
17: Noqo qof ay ka go’antahay inuu horumar gaadho waayo qofku hadaanu lahayn go’aan qaadasho dhaba way adagtahay inuu horumar shaqsiyadeed gaadho.
18: Hays dhiibin markaad la kulanto dhibaato ee u qaado inay tahay uun wax ku xoojinaya waayo guul kastaba dhibaa kaa xigta ha yaraato ama se ha badnaato.
19: U riyood si balaadhan oo aan xad lahayn noqona qof hankiisu waynyahay oo filo markastaba wax wanagsan waad heliye.
20: Iska ilaali inaad dayacdo watigaaga, oo aad ku lumiso waxaan faa’iido lahayn.
21: Ka dheeroow is qoomamaynta waayo waxay dishaa hanka iyo himilada.
22: La saaxiib dad leh himilo han iyo aragti fog oo mustaqbal.
23: Ka dheeroow dadka niyad jabka abuura ee aan wax rajo ah ka lahayn nolosha waayo adna waxay kugu dari karaan kooxdooda.
24: Ka dheeroow waxyaabaha kugu dhiiri galinaya inaad ka gaabisid horumarkaaga.
25: Iska ilaali waxyaabaha kuu horseedaya dib u dhaca qorshahaaga.
26: Joogtee xamaasadaada nafeed adigoo dib u jaleecaya guulahaaga aad gaadhay.
Illaahay towfiiqda hana waa fajiyo.
Dalka Journal
