Wasaaradda waxbarashada, Hiddaha iyo Tacliinta Sare ee Xukuumadda Federaalka Soomaaliya oo fulinaysa amarka Madaxweynaha JFS Mudane Xasan Sheekh Maxamuud, sidoo kalena gudanaysa waajibaadkeeda dastuuriga ah ee baahinta waxbarashada aas-aasiga ah si ubad kasta oo Sooomaaliyeed ee gaaray da’da waxbarashada u helaa waxbarasho tayo leh oo lacag la’aan ah ayaa wasaaraaddu waxaa ay daah furtay hannaanka lagu shaqaaleysiinayo 3000 macallin oo ka hawlgeli doona Dowlad goboleedyada iyo gobolka Banadir.
Wasiirka wasaaradda waxbarashadda, Hiddaha iyo Tacliinta sare ee Xukuumadda Federaalka Soomaaliya Mudan Faarax Sheekh Cabduqaadir oo ka hadlay munaasabadda lagu daahfurayay hanaanka qaadashada mucalimiinta ayaa is dul taagay hannaanka iyo habraaca loo marayo shaqaaleysiinta 3000 ee macallin, waxaana uu tilmaamay in la raacayo hannaan wasaaraddu dajisay oo cadaalad ah, una siman dhamman Ummadda Soomaaliyeed.
Mudane Faarax Sheekh Cabduqadir ayaa sheegay in dhibatooyinka dib u dhigay ee la haray dowladdnimada iyo bulshadda ee ay kamid ka yihiin dagaalada, musuqa, amni xumida, xassilooni darada, gaajada iyo dhammaan qodobada ee la xusi karo in aqoon la’aantu keentay.
“Markaan ka baxno halka ugu hooseysa ee liiska waxbarashadda ayaan ka baxeyna halka ugu hooseysa ee liiska musuqa iyo horumarka, Dhinac kaste eeg, xal aan waxbarasho ahayn oo dalkeennu iyo dadkeennu leeyahay ma jiro, haddii ay tahay jahli, haddii ay tahay dagaal, haddii ay tahay khilaaf iyo xitaa kuwa na qarxinaya intaba waxaa ay ka yimaadeen aqoon la’aan” ayuu yiri wasiirka waxbarashadda
Wasiirka Faarax Macalin oo tilmaamayey muhiimadda Macalinka ayaa yiri “Beni aadanku marka ay adduunka yimaadan waxaa ay ku kala horumaraan waa macalinaka, cidda wax baertay,marka iyagoon waxba aqoonin ayey adduunyada ku soo biiraan, haddii ay kala horumarsan yihiinna, waa sida wax loo baray, ummaduhuna sida ay u kala horumarsan yihiin waa sida ay wax u barteen”
Wasiirka waxbarashadda oo ka xog bixiyay baahida macaliinta ee jirta ayaa sheegay in 120,000 oo macalimiin ah loo baahan yahay, aadna ay u yar tahay tirada haatan la qorsheeyay ee ah 3000 macallin, waxaana uu tilmaamay in dhaqaalaha lagu shaqaaleysiinayo macalimiinta ay ka timid canshuurta laga qaado dadka Soomaaliyeed.
“Markii wasaaradda waxbarashadda la ii magacaabay waxaan qoray codsiyo kala duwan oo ku aadan baahida waxbarasho balse jawaab kama helin, in la shaqaaleysiiyo 3000 macallin waa jawaab ka timid shacabka Soomaaliyeed ee bixiyay canshuurta, si canshuurtaas mushaar looga dhigo macalimiinta Soomaaliyeed”/ ayuu sheegay Faarax Cabduqaadir.
Dhanka kale wasiirka oo ka hadlay hannaanka loo qaadanayo macalimiinta, ayaa tilmaamay in xulashadda iyo qaabka loo shaqaaleysiinayo macalimiinta ay tijaabo ku tahay wasaaradda waxbarashadda, qof walbana ay ku soo dhaceyso in loo mari doono hannaanka wax lagu qeybsado ee 4.5 ama in xildhibaan, Siyaasi iyo oday dhaqameed inay keenayaan macalimiinta. Balse waxaan go’aan sanahay inaan qaadno wado taas ka duwan oo ah hannaan iyo hab-raac loo siman yahay oo wasaaraddu dajisay.
“Macallimiinta seddexda kun ah laguma qeybin doono nidaamka qabiilka 4.5, Xildhiban ama siyaasina ma keeni doono, waxaa loo maraya hannaan hufan oo ka bilaaabanaya hubinta dhammaan dokumeentiska iyo shahaadooyinka ay soo gudbistaan codseyaasha illaa imtixaanka guud ee la wada galayo,iyadoo ugu dambeyn loo furayom imtixaan soconaya lix bil oo lagu baranayo habka waxbarista” ayuu yiri wasiir Faarax Cabduqaadir
m
