Madaxweynaha Dowladda goboleedka Galmudug mudane Axmed Cabdi Kaariye Qoor Qoor ayaa maanta xarigga ka jaray Saladhiga degaanka Huurshe  ee gobolka Galgaduud ,kaa oo dadka degaanka ay ku dhisteen Isku tashi Bulsho.

Madaxweynaha ayaa shacabka Huurshe uga mahadceliyay isku tashiga ay ku dhiseen Saldhiga booliska oo bulshadu baahiweyn u qabeen,isagoo sheegay in madamaam dadka degaanka ay howl ballaaran ka qabateeyn dhismaha xarunta saldhiga iyagana ay keeni doonaan Gawaaridii ay Booliiska ku howlgali lahayeen.

Sidoo kale Madaxweynaha ayaa tilmaamay in guul waweyn laga gaaray arrimihii dib u heshiisiin xalna lagaa gaaray,islamarakaan waxa uu bogaadinayo odayaasha iyo Culimada degaanka Huurshe oo kaalin tooda ka qaatay dib u heshiisiintaa.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo ka qeyb galayay kulan ay qabteen bulshada Soomaaliyeed ee ku nool Qaarada Yurub kuna taageerayeen dagaalka ka dhanka ah khawaarijta ee xiligaan ka socda inta badan gobolada dalka ayaa ka hadlay qorshaha dowlada uga dagsan ciidamada Xoogagga kacdoonka dadweynaha,guulaha dowladda ay ka gaaratay dagaalka khawaarijta iyo kaalinta jaaliyadaha Soomaaliyed ee ka qeyb qaadasahada howlgalada socda.

Madaxweynaha oo khudbada ka jeediyay kulankaasi ayaa sheegay in howlgallada ka dhanka ah khawaarijta kaalinta ugu weyn ee howlgalkasi ay leeyihiin Ciidamada qaranka oo kaashanayo ciidanka dib u xoreeynta degaannada (Macawiisleyda),oo khawaarijta u diiday in wax dhaq dhaqaaq ah ka sameyaan degaannada lagala wareegay isla markaana qorshahoodu uu yahay sidii Ciidamadaas loo qarameyn lahaa loogana dhigi lahaa Boolis ilaalinaya amniga goobaha laga saaray khawaarijta

“Dalka Soomaaliyed meel fiican ayuu marayaa niyadu wey wanaagsan tahay iyagaa dowladda garab taagan tilmaamayo, khawaarijtu maanta kuma dhax socon karaan degaannada waxa u diiday waa Macawiisleey,macna weeyn ayayna noogu fadhiyaan ,xoreyayaasha maanta waaye barrina waa Booliikii degaanada”sidaa waxa yiri Madaxweyne Xasan Sheekh

Madaxweynaha Xasan Sheekh ayaa sidoo kale ugu baaqay Soomaalida ku nool dalka dibaddiisa inay qeyb weyn ka qaataan oo dhaqaalo ku taageeraan dagaalka dalka looga saarayo kooxda khawaarijta oo mudda dheer dhib ku heysay shacabka Soomaaliyeed

Kulanka Xildhibaannad Golaha Shacabka ee Baarlamaanka Soomaaliya ayaa goordhaw ka furmay xarunta Villa Hargeysa ee Magaalada Muqdisho

Ajendaha kulanka ayaa maanta ah ka doodista akhrinta labaad ee ‘hindise sharciyeedka nidaamka maaliyadeed ee kheyraadka dabiiciga ah iyo akhrinta labaad ee hindise sharciyeedka hey’adda socdaalka iyo jinsiyadda Soomaaliyeed.’

Sabtidii  todobaadkaan ayaa kulan ay yeesheen Xildhibaannada Golaha Shacabka waxaa loo qeybiyay qaar kamid ah hindise sharciyadeedyada ay ka doodi doonaan, si ay dhawaan u meel mariyaan

Madaxweynaha Dowlad goboleedka Galmudug mudane Axmed Cabdi Kaariye oo ku sugan degmada Cabudwaaq ayaa ka qeyb galay munaasabad lagu caleema saarayo Gudoonka cusub ee dhawaan loo doortay Cabudwaaq.

Munaasabadda caleema saarka Guddoomiyaha iyo ku xigeenkiisa ee lagu doortay dhawaan Golihii degaanka Degmada Cabudwaaq waxaa ka qeyb galay Wasiiro, xildhibaan iyo masuuliyiin kale.

Madaxweynaha Maamulka Galmudug Axmed Cabdi Kaariye ayaa u hambalyeeyay guddoonka cusub ee Degmada Cabudwaaq, isagoona ugu duceeyay in Eebbe la garab galo masuuliyadda culus ee loo doortay. Madaxweynuhu, wuxuu sidoo kale bogaadiyay Wasaaradda Arrimaha Gudaha Galmudug, oo dardar gelisay dhismaha golayaasha deegaanka degmooyinka Galmudug.

Ra’iisul Wasaaraha Xukuumadda Federaalka ee Soomaaliya Mudane Hamza Abdi Barre ayaa amray in si deg deg ah wax looga beddelo qaabkii hore ee amniga caasimadda loo sugi jiray, kadib kulan uu shir guddoomiyey oo ay ka qeyb galeen Masuuliyiinta Gobolka Banaadir, Wasiirro iyo Taliyeyaasha laamaha amniga dalka.

Ra’iisul Wasaaraha ayaa ka dhagaystay guddoomiyeyaasha degmooyinka iyo taliyeyaasha amniga warbixinno ku saabsan xaaladda amni iyo bulsho ee gobolka, isagoo ku adkeeyey in ay badiyaan feejignaantooda amni maadaama dalku uu ku jiro xaalad dagaal oo lagu dabar-goynayo kooxaha Khawaarijta ah.

Ra’iisul Wasaare Xamse Cabdi Barre ayaa sheegay in la kordhiyey isla xisaabtanka ku aaddan falalka amni, degmo kastana looga baahan yahay in ay xoojiso wadashaqeynta maamulka, ciidanka iyo shacabka, si looga hortago falalka gurracan ee ay soo maleegayaan argagixisada caadeysatay daadinta dhiigga shacabka Soomaaliyeed.

Sidoo kale, Ra’iisul Wasaaraha Xukuumadda Federaalka Soomaaliya ayaa faray Maamulka heer gobol iyo heer degmo ee Gobolka Banaadir in degdeg wax looga qabto cid kasta oo waxyeelanaysa amniga caasimadda, korna loo qaado fayo dhowrka iyo bilicda, isagoo tilmaamay in askarigii tacaddi u geysata shacabka si adag loo maxkamadeynayo.

Shirkan waxaa ka qeyb galay Guddoomiyaha Gobolka Banaadir, ku-xigeenadiisa, Guddoomiyeyaasha 17-ka degmo ee Gobolka, Wasiirro ka tirsan Xukuumadda Federaalka Soomaaliya, Taliyaha Booliska Federaalka Soomaaliya, Taliyeyaasha Nabadsugidda iyo Booliska Gobolka iyo Taliyeyaasha heer degmo ee Gobolka Banaadir.

Madaxweynaha Dowlad Goboleedka Galmudug,  mudane Axmed Cabdi Kaariye  iyo wafdi uu hoggaaminayo ayaa maanta gaaray Magaalada Cabud-waaq ee Gobalka Galgaduud.

Madaxweynaha iyo wafdigiisa waxaa magaalada Cabudwaaq ku soo dhaweeyay  qeybo ka mid ah laba gole ee Dowlada Galmudug Maamulka Degmada iyo bulshada Degmada.

Madaxweynaha ayaa kulamo la yeelan doona Maamulka iyo qeybaha kala duwan ee bulshada magaalada Caabud-waaq, si uu oggaado xaaladda magaalada.

Ku-simaha Madaxweynaha Jamhuuriyadda ahna Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa maanta  kulan la yeeshay Safiirka dalka Mareykanka u jooga Soomaaliya Mudane Larry Andrè.

Labada mas’uul ayaa ka waxaa ay ka wada hadleen guushii laga gaaray dib u heshiisiinta Koonfur Galbeed iyo xaaladaha guud ee dalka.

Danjiraha dalka Mareykanka ayaa Guddoomiyaha Golaha Shacabka Baarlamaanka JFS uga mahadceliyay sida hufnaanta iyo dhexdhexaadinta leh uu u maamulay isl-markaana ku guuleystay gogoshii taalay magalada Baydhabo in si guul ah lagu soo gabagabeeyay.