Argagixisada al shabaab ayaa waxay inta badan  jiritaankooda  sii xoojinya oo halka ay hada joogaan soo gaadhsiiyay ganacsatada, ganacsatada ayaa ah kuwo inta badan ay ku hayaan hanjabaado ,dhac iyo boob iyagoo dhaqalahooda lagu handadayo.  Argagixisada ayaa waxaa ay dadka xoolohooda kaga qaataan siyaabo kala duwan iyogoo usoo daliishanaya Aayado Qur’aan ah, xoolaha la qaado ayaa loo yaqanaa Sakawaad iyo Taakulayn
Ururka al shabaab oo banaystay in ay daadshaan dhiiga shacabka Soomaliyeed iyagoo oon geed ugu soo gaban oo u bareeray

Shacabka ku nool gobolada ay ka taliyaan ayaa la daalaa dhacay dhibatooyinka ay ku hayaa, dadka rayidkaa ee jooga goobahaas ayaa ah kuwo ka araday nolosha dhinacyadeeda kala duwan sida Waxbarashada , Caafimaadka ,Biyaha  iyo is-gaadhsiinta intaba.
Intaa waxaa u sii dheer tacadiyada iyo gabood  falada joogtadaa ee lagu hayo naftooda iyo Maalkoodaba.

Dhaqaalaha al shabaab ay shacabka ka uruuriyaan ayay ku dabaraan wax kasta sida hubka iyo agabka kale ay u baahanyihiinba

Waxaa sidoo kale intaa dheer oo kasaacida oo kaalmeeya dad aan u muuqan nolosha iyo hurmarka laga heli karo Soomaliya oo yeelata dowlad awood badan oo magac iyo mansaba leh laakiin kaliya uu u muuqdo shilinka maalinta ah ee loo yaaqaano ( dhunkaal dhadhami) oo macnaheedu yahay qaado waa kuu qalmin.
Dadka jaahiliintaa ama wax magarata ayaa qaybta ugu muhiimsan u ah Al- shabab waayo waa dad aan mabaadii iyo fikir midna lahayn laakiin ah calooshood  u shaqastayaal ama dhuuni raac aan raad nololeed lahayn.
Dadka noocan ah waa la kiraysta yaal oo iyago miiska go’aan ka iyo gorfaynta midna ma joogaan
Sidoo kale waxaa jira cadow aan dantiis garanayn iyo dabaal
Sidoo kale waxaa jira jaahil aan aqoon diineed iyo mid maadiba aan lahayn, midkaasi waaa kan ugu xun oo ay fududahay in looga faa’iidaysto dhinacwalbe, waayo malahan cilmi uu ku kabayo garaadkiisa taasi waxay fududaynaysaa in uu si fudud ku qaato wax kasto oo loo sheego, qalad iyo saxba.

Waa salad hore ah ayey ahyd markii aan arkay dareenka igu dhaliyay in aan sheekadan wax ka qoro qiyaas ahaan 6:00 subaxnimo waxaaan ka kacay hurdada ka dib dibadda ayaan u baxay si aan u cadaydow aamin subax hore ah

Goobtu waa Muqdisho gaar ahaan agagaarka isbitalka digfeer waxa marka hore si lama filaan ah albaabka gurigaan daganahay soo maray nin askari ah oo qaba dirayskiisii watana hubkiisii sida qori iyo dhawr qasnadood oo rasaas ah oo ugu jirtay.

Waxa uu u muuqday nin daalan oo waxaan filayaa in uu xalay oo dhan ku Jiray gaadh ama shaqo loo igmaday oo ah in uu u adeego Ummadda iyo dalka.

Haddaba arrinta saamaynta ku yeelatay qoraalkayga iyo dareenka ku yeelatay waxa ay ahayd marka uu cabaar yar uu socday askarigu waxa ku soo orday wiil yar oo aad mooddo in uu iminka uu socodka bartay, xaafadda waa xaafad masaakin u badan jiingado ama cariishyo ku yaalaan.

Ninkii askariga ahaa inta uu fadhiistay oo uu hab siiyay cunigiisa ayaa uu hore u qaatay ka dib ayaa uu galay gurigiisa ,

Runtii waxay ahayd dareen qiira leh oo la yaab igu reebtay, marka la eego waxa taasi ay tilmaamaysaa dhibka haysata askarta waddanka waayo habeenkii iyo maalintii uu waqti la qaadan lahaa caruurtiisa iyo qawskiisa ayaa uu heegan ugu jira ilaalinta waddanka.

Haddaba, si guud marka aan u eegno qoraalka waxa maqan doorka dhiiri galinta shacabku ay ku leeyihiin waddankooda sida in la dhiirigaliyo askarta oo la tuso in ay bulshada muhiim u yihiin.

Dhiirigalintu maaha oo kaliya in lacag la siiyo ee xataa waxaa muhiim ah in aadku tiraahdo Walaal Shaqo wacan ayaa qabateen Mahadsanidiin.

W/Q: Khadar Xasan.

Ummadi haddii ay waydo iskaashi iyo wadajir ma gaari karto horumar dhaqaale mid waxbarasho, waxaa kale oo meesha ka baxaya amniga iyo kala dambaynta  waxaa joogsanaya ganacsiga  isu socodka iyo safarrada iyo wadda marka, waxaa gaabis noqonaaya dhammaan ilaha dhaqaale oo dhan.

Haddaba si aysan u dhicin is tuhun iyo anfariir, boob iyo kala carar, waa in la hubiyaa dhismaha maamulka iyo awood qaybsiga wada jirka bulshadu waa kal soonida iyo caafimaadka shacab hurumarsan waxaana hobboon in ay dadka u siman yihiin caddaaladda iyo garsoorka, waxaana baab’aya kala sarreynta hayb-haybta iyo qabyaaladda iyo is faquuqa.

Waxaa habboon in laga daaweeyo cudurka iyo boogta halka ay ka qurunsan tahay qayb qaybintu Waxay  raad ku leedahay  qaybintii  gumeysiga qorniyaal ka hor, sidaas darted nagama tekin gumeystihii reer yurub waxaana taas kuu caddeyn kara waxyaabo badan oo iska muuqda.

Haddaba, haddii la waayo  iskaashi iyo wadajir lama heli karo qaran xoog iyo awood leh, lamana tartami karo dunida hurumartay.

Dhanka kale, si loo gaaro horumar bulsho iyo meesha geeddiga loo yahay  waxaa loo baahan yahay isku duubni iyo is gacaleysi,  taasina  waa midda kaliya ee lagu gaari karo shacab is jecel bulsho caafimaad qabta toos u qaadda waddada dowladnimada.

Guushu waa feker mideysan xoog siyaasad dhaqaale  Is fahan iyo isku tashi waxaana markaa soo baxaya guul gacmo wadajira iyo wax wada qabsi, garsoor loo siman yahay kalsooni iyo wax wadaag, wuxuu qarankaasi noqon karaa mid uu san saameyn burbur ee noqdaa qaran ummaddiisu ka ilaaliso hareeraha Soomaalidu waxay ku maahmaahdaa Barbarkey ka baxdaa waa Bakeyle qaleen.

Haddaba’ Soomaalidu goorma ayay fahmidoonaan wajiyada siyaasadeed ee hor taagan muddada aadka u dheer, malaga yaabaa in ay dhinac isaga riixaan  hagardaamada gumeysigu nooga tegay ee ay sameeyaan isku tashi  qarannimo haddii la helo waxay u baahan tahay ilaalin xoog wadajir ah difaac maskax iyo dhaqaale, waa in laga ilaaliyaa hagarta hurutubyeynta cadow la shaqaynta iyo wax kasta oo keeni kara dib u dhac haddaba guusha waxaa lagu hanta  gacmo wadajira  iyo iskaashi iyo isku duubni wadajir iyo hoggaan lagu doortay waxqabad waddanimo ee lagu dooran eex iyo qabiil midna.

Sidaas awgeed, waa in la ilaaliyaa wadajirka ummadda iyo qalbigooda haddii ay tahay mid qarannimo mid ka shacbiyadda intaba.

Inta ay da,ayso daruurta qarannimo waa in la doogtaa lana difaacdaa dowladnimo loo dhan yahay gobol iyo maamul kaligiis ah iyo midna xilkama saarna ee waa loo dhan yahay difaaca qaranka.

Haddaba, waxaan doonayaa in lagu difaaco wadajir iyo iskaashi, waxaa guuldarro ah in lagu wada shaqeeyo hagar iyo qaa,inuwaddannimo waxaa guul lagu gaarayaa daacad iyo wadajir iyo iskaashi waxaa sidaas lagu helayaa guul iyo gobanimo.

WQ: Gabeyre