Sannad kasta bilaha muslinka waxaa ku jira bil la yiraahdo bishii cibaadada iyadoo mar kasta iyo bil kasta la iska doonayo cibaado aan barax laheyn oo ilahey nagu addoonsaday ayaa bishaan ramadaan eebbahey  waxaa uu siiyey magac iyo awood ka sareysa bilaha kale, markaas ayaa haddana uu ilaahey ku yiri addoomadiisa aniga ayaa iska leh abaal marinteeda iyo xogta Bishan.

waxaa cajiib ah in ilaahey isagoo koonkoodhan iska leh ayuu  haddana si gaar ah u sheegtay bishaan ramadaan  si weyn uga halay.

hadaba haddii ay sidaas tahay waxaa nalooga baahan yahay in aan u diyaar garoowno soddonka maalmood oo khayrka badan ee bisha ramadaan iyo maalinta iyo habeenka ku dhex jira ee lagu magacaabo leylatul qadriga ilaahoow  nawaafaji adiga iska leh oo helikara.

Haddaba, waxaa habboon  inla soo dhoweeyo  oo qalbiga iyo ficilkaba si

wada jir ah waana bishii ay ka faa,iideysan jireen dadka ilaahey waxsiiyey waana bishii dadka muslinka ah oo rabbi uu wax siiyey ay afurinjireen masaakiinta iyo kuwa xoogga leh ee aan waxba heysan waayo xooluhu waa imtaxaan waxaa laguu siiyey inaad xilka iyo waajibaadka kaasaaran waayo dadka oo dhan wuu siin karaa waanalagu fiirinayaa ee ka faa,iideyso bisha ramadaan walaalaha muslinka ahoow kuna talagal in aysan bishaan dib kuu soo mareyn.

lama hubo inaad gareyso kuwa kale ee soo socda, soomaalida waxaa lagu yaqiin deeqsinimo iyo wax isasiin is jaceyl iyo hiillin waan dad qalbga hodon ka ah laguna tilmaamo ummad dhaqan wanaagsan.

Waxay wadaagaan asalka dhaqanka iyo deegaanka weliba diinta oo ma ahan dad ay ku dhex nool yihiin dad diimo kale haysta oo sheegta diimo kale taasuna waa nimco u gaar ah dadka soomaalida ah.

Haddaba, waxaa habboon in si weyn loogu diyaar garoobo bishaan ramadaan ee kheyrka badan waxaana aad u nasiib badan

qofkii ilaahey isugu daray xoolahii caafimaadki iyo bishaan ramadaan u soo gashay.

Laakiin, waxaa ayaan darro ah in adigoo intaas la isugu kaa daray in aad  haddana  aad garan weydo barwaaqada kala duwan oo boqorku kugu manneystay oo naf iyo sheydaan kugu yiraahdaan weligaa ayaad waxaan heysaneysaan ama

aad ku dhexjireysaa ee ha dhiibin ka dibna adigoo xoog iyo xoolaba kaa dhammaadaan,  waqtiga ayaa kuu imaanayaa sidaas wixii shalay adigoon waxba ka heyn sidaas darteed waqtigaada ku xisaabtan inta aan lagu xisaabin.

Sidaas darteed, yey kula tegin saacadaha kooban ee maalmaha adduunyada waana inaad ka faa,iideysataa xooggaaga iyo xoolahaaga iyo caafimaadkaaga inta dunida aad dhex mushaaxeyso oo ah waqti aad u yar.

wax u dhigo safarka dheer ee  aakhiradaada inta aad ku nooshahay dunida guudkeeda, diyaarso deeqdii bisha ramadaan aad kaga faa,iideysan laheyd  barwaaqada lagu sheegay barakada badan oo ilaahey ammaanay ka

faa,iideysta xoolahiinna  bixiya oo u diyaar garooba walaalayaal waa bishii kheyrka badneyde qof kastuu isku day inaad afuriso deriska aan waxba heysan intii aad kari karto.

WQ: Abwaan C/salaam Axmed Gabayre

Shamso Maxamed Ceel Jooge, waxay dhibane u tahay Kooxda Khaawrijta Al-shabaab, waxayna ka dileen Aabaheed, Walaalkeed iyo Adeerkeed, intaas ugama sii harin ee waxayna dul dhigeen lacago baad ah oo gaaraya 7-kun oo dollarka Mareynkanka.

Shamso hadda waxay qeyb ka tahay ciidamada dib-u-xoreynta galbeedka Shabeellaha dhexe, halkaas oo ay argagixisadu ku wajaheyso ciqaab adag oo ka dhalatay caburin iyo gumaad joogta ah oo ay shacabka xoola dhaqatada iyo beeraleyda ah ku hayeen.

Sidoo kale, Shamo Maxamed Ceel Jooge oo ah gabadh dhiiran ayaa ka qeyb qaadatay howlgallo ay ciidamada dib-u-xoreynta kula wareegeen deegaanno badan oo dhaca galbeedka magaalada Jowhar ee caasimadda Dowlad gobolleedka Hirshabeelle.

Mar ay warbaahinta qaranka la hadahay Shamso waxay sheegtay in iyadoo ganacsato ah ay door biday in cadowga mahadhada ku reebay ka difaacdo nafteeda,maalkeeda iyo waliba walaalaheeda kale ee Soomaaliyeed.

Sidoo kale, Shamso waxay gabdhaha kale ee asaageeda ah ugu baaqday in ay yimaadaan furimaha hore ee cadowga lagula dagaalamayo, halkaas oo ay taalo xaqiiqda dhabta ah ee lagu wajahayo kooxda Khawaarijta ee banneystay dhiiga ummadda musliimta ah ee Soomaaliyeed.

“ Dowladda sharafta leh ee maanta halkan nagu soo salaantay, Wiilasheenna macaawisleyda, ciidamada kale ee dowladda waa mahadsan yihiin, aniga Al-shabaab Aabahey ayay dileen ma garatay, god Allaala iyo godkii ay galaan inaan uga daba gala ayaa jeclahay,wiil iyo gabar kasta oo Soomaaliyeed oo Al-shabaab godob ka gashay ha imaadaan ayaa dhihi lahaa,” ayay tiri geesiyad Shamso Maxamed Ceel Jooge.

Waxay hadalkeeda intaas ku dartay in aysan dib u laabaneyn, islamarkaana argagixisada halkii ay gasho uga daba geli doonto. Khawaarijta ayaa sidoo kale, dhacay hantida qoyska ay Shamso ka soo jeedo sida ay markale sheegtay.

“ Dhibaato badan ayay inoo geysteen, Geel waa naga dhaceen,Aabahey oo maskiin ah oo ganacsanaayo ayay dukaankiisa ku dhex dileen, intaas oo ciidan ayay ku soo weerareen, wax arxan oo ay inoo sameeyeen malahan, Aabahey xittaa marka ay dileen 7-kun oo dollar oo baad ah ayay naga qaadeen, Adeerkey iyo Walaalkey xittaa waa ay dileen, asxaan nooma falin Al-shabaab aan iska reebno,”.

Dhibaatada argagixisada ay u geysato Shacabka Soomaaliyeed waa bad, waxayna hadda dhadhimanayaan qaraarka natiijada ka dhalatay falalka guracan ay Bulshada ku hayeen.

Waxaa hadda ku socdo dagaal xooggan oo u jeedkiisu uu yahay sidii loo ciribtiri lahaa Khawaarijta ee ku dhuumaaleysanaya deegaannada fara ku tiriska ay ku hareen. Ciidamada xoogga dalka ayaa kordhiyay howlgallada lagu naafeynayo argagixisada loogana hortagayo dhibaatada ay shacabka Soomaaliyeed ku hayaan.