Yaa wiiqay awooddii kooxda khawaariijta
Kooxda arxanka iyo naxariista daran ee khawaariijta kana been sheegata diinta Islaamka waxay ummada Soomaaliyeed in mudo ah ku hayeen dhib xooggan oo saameeyey dhinacyadda nolosha ee kala duwan.
Kooxdan oo caadaysatay daadinta dhiiga Shacabka Soomaaliyeed iyo dhaca hantida shacabka Soomaaliyeed ayaa hadda xaalkeedu marayaa heer gabo gabo ah oo laga takhalusi raba jiritaabkeeda,kooxdan ayaa beryihii u dambeeyey la kulmaysay jab xooggan oo dhanka maleeshiyaadkooda iyo illihii dhaqaalaha ah.
Ciidanka qaranka oo kaashanaya xooggaga dib u xoraynta deegaanadda ayaa weerar joogto ah ku haya kooxda khawaariijta iyadoo ciidamadu mudo 7 bilood ah kaga xoreeyeen kooxda 92 magaalo oo isku jira degmooyin iyo deegaano,kuwaas oo dhamaantood la isaga kala gooshi karo maanta.
Degmooyinka laga xorreeyey kooxda ayaa ka kala tirsan gobolada Shabeellaha dhexe,Hiiraan,Galguduud iyo gobolka Mudug iyadoo ciidanka qaranku gacanta ku dhigeen degmooyinka Ceeldheer,Ruun-nirgood,Moqokori,Masagawaa iyo Xarardheere.
Kooxda khawaariijta ayaa sidoo kale hawlgalada waxa looga dilay tiro ka badan 3000 oo isugu jira Maleeshiyaad iyo horjoogayaal,waxa sidoo kale laga xiray in ka badan 250 Account oo kooxdan adeegsan jirtay sidoo kale waxa laga burburiyey Maxkamad beenaado ay dadka ugu yeeri jireen kuwaas oo u ahaa illo dhaqaale.
Khawaariijta ayaa beryahan dambe jabka gaaray dartiis bilaabay in ay isu soo dhiibaan ciidanka qaranka,jyadoo qaar kalena u baxsadeen degmada Jilib iyo deegaanada ku hareeraysan halkaas oo ay naf iyo gabaad bideen balse aan looga hari doonin sida Madaxweynaha qaranka ku dhawaaqay.
SONNA
