Xeer ilaaliyaha Maxkamada Ciidamada qeybta 21 aad ee Xoogga Dalka G/ sare Cabdullaahi Maxamed Muuse Kayse oo ay wehliyaan Guddoomiyaha Maxkamadda Degmada Wisil, Shiikh Cabdullaahi Cali Xayle iyo masuuliyiin kale ayaa kormeer wacyigalin ah ugu tagay Rugaha Ciidamada Xoogga Dalka Soomaaliyeed ee kusugan wisil.
Ciidamadaan ayaa u diyaarsan Dagaalka lagu sifeynayo Khawaarijta arxanka darran kaasoo looga saarayo degaanada ay kaga dhuumaleysanayaan koonfurta Gobolka Mudug.
Xeer ilaaliyaha Maxkamada Ciidamada qeybta 21- aad iyo masuuliyiintii kale ee la socotay ayaa wadajir ula dardaarmay Ciidamada Xoogga Dalka iyagoo ku adkeeyey inay ilaaliyaan Hantida Qaranka oo ay garbaha ku sitaan sidoo kale u diyaar garoobaan Howlgalka
Ciidamada Xoogga Dalka Soomaaliyeed, Daraawiishta Galmudug iyo kuwa Deegaanka ayaa koonfurta Gobolka Mudug waxay ka wadaan Howgalo ka dhan ah khawaarijta arxanka daran ee AS.
