Sida uu Wakaaladda Wararka Soomaaliyeed ee SONNA u xaqiijiyey Xafiiska Xeer ilaaliyaha Guud ee Qaranka” 40 ruux ayaa loo qabtay Musuq, 18 Eeddooda Maxkamadda ayaa loo gudbiyay 12 Baaris ayaa ku socota ”
Xafiiska Xeer Ilaaliyaha Guud ee Qaranka ayaa saddaxdii bil ee lasoo dhaafay ku guuleystay in uu Baaris ku sameeyo ku dhawaad afartan ruux oo ku eedeysan in ay ku kaceen falal isugu jira Musuq-maasuq, xatooyo xoolo dadweyne, ku tagrifal awoodeed iyo dayacaad masuuliyadeed, sida uu xaqiijiyey Xafiiska Xeer ilaaliyaha guud ee Qaranka.
Afartanka Ruux ee Baarista lagu sameeyay ayaa dhammaantood ah saraakiil dowladeed, waxaana 18 eedaysane loo gudbiyay eedoodda Maxkamadda awoodda u leh, tirada dhiman ayaa wali waxaa ku socdo Baaris dheeri ah, waxaana marka ay soo dhamaato Baaristu loo gudbin doono sidoo kale Maxkamadda awoodda u leh.
