Safarkan dhulka ah ee wasiir kuxigeenka wasaaradda isgaarsiinta iyo tignolajiyada dowlada Soomaliya Xildhibaan Xussen Axmed Culusow uu ku tagay Dhuusamareeb ilaa Xarardheere ayaa ku saabsanaa diyaarinta ciidanka deegaanka degmada Xarardheere ee macawisleyda si ay uga qeyb qaataan dagaalka Galmudug looga sifeynayo Khawaarijta.
Wasiir Culusoow ayaa kulamo kala duwan la qaatey qeybaha kala duwan ee bulshada ree Xarardheere kuwaasi oo u diyaarsan ka qeyb qaadashada dagaalka ka dhanka ah nabad diidka.
Kulan gaara uu wasiirku la yeeshey odoyaasha dhaqanka ree Xarardheere ayuu ka dhageeystey baahiyaha degmada isagoo kula dardaarmey iney ku fara adeygaan xasiloonida degmada kana qeyb qataan sifeynta Galmudug ee Khawaarijta.
Odayaasha ayaa sheegey in khawaarijtu ay dhibaatooyin badan ugeysteen waxayna u sheegeen in qaar ka mid ah culimadii diinta ay dileen taasoo sababtay in masaajidadii si xor ah looga cibaadeysan waayo iyo in masaakiintii mudneyd lasiin waayo sakadii iyo sadaqadii badelkeedana inta xoog nooga qaataan ay waxyaabo qaldan kusameyn jireen.
Wasiir kuxigeenka wasaaradda isgaarsiin iyo tignolajiyada Soomaliya xildhibaan Xussen axmed culusow ayaa banaanka degmada Xarardheere ku booqdey ciidamada saruur ee dadka degaanka ee macawuuleyda iyo gawaaridooda gaashaman kuwaar loodiyaariyay iney ciidamada Dowlada kala qeyb qataan ciribtirka nabad diidka Khawaarijta.
Wasiirka oo booqday fariisimaha ciidamada dowladda ee gorgor ayaa deeq xoolo ah gaarsiiyay kuwaasi uu ugu talagaley inuu ku dhiiragaliyo ciidamada difaaca jiida hore.
16kii Janaayo ee sanadkan ayaa ciidamada dowladda kuwa Galmudug oo garab ka helaya ciidamada deegaanka ee macawisleyda ay degmada Xarardheere ka xoreeyeen Khawaarijta kuwaasi oo mudo shacabka ku dhibateynaayay 7-bil iyo maalmo ayaa kasoo wareegtay xiligaas wixii ka dambeyeyna waxaa dib u soo laabtay nolasha asaasiga ee bulshada degaanka.
