Muqdisho(Wargeyska Dalka):- Wasiir Faarax: Wasaaradda Waxbarashada XJFS, Mudane Faarax Sheekh Cabdulqaadir ayaa si rasmi ah u furay Maalinta 4-aad ee Shirweynaha 3-aad ee Waxbarashada Qaranka,ayaa ka hadlay daadejinta iyo kordhinta Goobaha Waxbarashada.
Wasiirka ayaa xusay in ay gaarsiiyeen Adeegyada Waxbarashada Goobihii laga xorreeyey Khawaarijta. Wasiirka ayaa yiri”Wasaaraddu waxay baahisay Adeegyada Waxbarashada iyadoo gaarsiisay Deegaannadii laga xorreeyay Khawaarijta, si Carruurta iyo Dhallinyarada Deegaankaas ay u helaan Fursado Waxbarasho oo ku habboon.”
Dhinaca kale Wasiir Faarax ayaa ku dhawaaqay in la dhisay Xarumihii Wasaaradddaha Waxbarashadda Jubaland iyo Hirshabeelle dhowaanna la dhisi doono Xarunta Wasaaradda Waxbarashada Waqooyi Bari.
