Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) iyo Wafdi uu hoggaaminayo ayaa gaaray Magaalada Riyaad ee Caasimadda Boqortooyada Saudi Arabia halkaas oo uga bilaabatay booqasho rasmi ah oo uu ku joogi doono muda dhowr cisho ah.
Madax ka socotay Dowladda Hoose ee Riyaad iyo Safiirka Jamhuuriyada Soomaaliya u jooga dalka Saudi ayaa Magaalada Riyaad kusoo dhaweeyay Guddoomiye Madaale iyo Wafdigiisa oo uu kamid yahay Guddoomiye ku-xigeenka Arrimaha bulshada Maamulka Gobolka Banaadir.
Duqa Magaalada Muqdisho iyo boqorka Magaalada Riyaad oo la filaaya in dhawaan ay kulan rasmi ah wada yeeshaan iyagoo kawada hadli doono oojinta iskaashiga iyo wax wadaaga ee Magaalooyinka Muqdisho iyo Riyaad.
